Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 39 | |
39:1 См.: 🔗4Цар. 25:1 🔗Иер. 52:4 | И бысть въ девятое лѣто седекіи царя Иудина, въ месяцъ десятый, прiиде навуходоносоръ царь Вавилонскiй и вся сила его на Иерусалимъ, и воеваху нань. |
39:2 | И въ первоенадесять лѣто седекіи, въ месяцъ четвертый, въ девятый день месяца, разсѣдеся градъ. |
39:3 | И внидоша вси князи царя Вавилонска и сѣдоша во вратѣхъ среднихъ, ниргелсарасаръ, самагадъ, навусахаръ, навусарисъ, нагаргасъ, насерравамагъ, и прочiи воеводы царя Вавилонскаго. |
39:4 | И бысть егда узрѣ я седекіа царь Иудинъ и вси мужiе ратнiи, и избѣгоша, и изыдоша въ нощи от града по пути вертограда царева и сквозѣ врата, яже бѣша между стѣною и предстѣнiемъ: и изыдоша въ путь пустыни. |
39:5 См.: 🔗Иер. 32:4 | И гнаша вслѣдъ ихъ воинство Халдейско, и постигоша седекію на поли пустыни иерихонскiя, и емше приведоша къ навуходоносору царю Вавилонску во ревлаѳъ, иже въ земли Емаѳъ, и глагола къ нему съ судомъ. |
39:6 См.: 🔗Соф. 1:8 | И изби царь Вавилонскiй сыны седекіины во ревлаѳѣ предъ очима его, и вся вельможы Иудины поби царь Вавилонскiй. |
39:7 См.: 🔗4Цар. 25:7 | И очи седекіи изъятъ, и окова его путы, и отведе его въ Вавилонъ. |
39:8 См.: 🔗4Цар. 25:9 🔗Иер. 12:13 | Домъ же царевъ и домы всѣхъ людій пожгоша халдее огнемъ и стѣну Иерусалимску превратиша: |
39:9 | и останокъ людій, и оставшихъ во градѣ, и убѣгшыя, иже утекоша ко царю Вавилонску, и останокъ людій, и оставшихъ пресели навузарданъ воевода въ Вавилонъ: |
39:10 См.: 🔗4Цар. 25:12 | а от людій убогихъ, ничтоже имущихъ, остави навузарданъ воевода воинствъ въ земли Иудинѣ, и даде имъ винограды и нивы въ той день. |
39:11 | И заповѣда навуходоносоръ царь Вавилонскiй о иереміи пророцѣ навузарданови воеводѣ воинствъ и рече: |
39:12 | возми его и положи нань очи твои и ничтоже ему сотвори зла: но якоже восхощетъ, тако сотвори ему. |
39:13 | Посла убо навузарданъ воевода воинства и навузезванъ, и рапсарисъ и ниргелъ, и сарасаръ и фавманъ, и вси воеводы царя Вавилонска: |
39:14 См.: 🔗Иер. 26:24 | и послаша, и пояша иеремію от двора темничнаго, и даша его годоліи сыну Ахикамову, сына Сафаня, и изведоша его, и сѣде средѣ людій. |
39:15 | И ко иереміи бысть слово Господне во дворѣ темничнѣмъ глаголя: |
39:16 См.: 🔗Иер. 38:7 | иди и рцы ко Авдемелеху мурину, глаголя: тако рече Господь Богъ Израилевъ: се, азъ приношу словеса моя на градъ сей во злая, а не во благая: и будутъ предъ лицемъ твоимъ въ той день: |
39:17 | и избавлю тя въ той день, и не дамъ тебе въ руцѣ человѣкъ, ихже ты боишися от лица ихъ: |
39:18 См.: 🔗Иер. 21:9 🔗Иер. 38:2 | яко избавляя спасу тя, и мечемъ не падеши: и будетъ душа твоя на обрѣтенiе, яко уповалъ еси на мя, рече Господь. |