Четвёртая книга Царств (Вторая книга Царей), глава 9

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 9
9:1 См.: 🔗3Цар. 18:46 🔗4Цар. 4:29	Елиссей пророкъ при­­зва единаго от­ сыновъ пророчихъ и рече ему: препояши чресла своя, и воз­ми сосудъ елеа сего въ руку твою, и иди въ рамоѳъ Галаадскiй:
9:2 См.: 🔗3Цар. 19:16	и внидеши тамо, и узриши тамо ииуа сына Иосафата сына намессіева, и внидеши, и изведеши его от­ среды братiи его, и введеши его во внутрен­нюю клѣть:
9:3	и возмеши сосудъ елеа, и воз­лiеши на главу его, и рцы: сице глаголетъ Господь: помазахъ тя въ царя надъ Израилемъ: и от­верзеши двери, и да бѣжиши, и да не пребудеши тамо.
9:4	И иде отрочищь пророкъ въ рамоѳъ Галаадскiй:
9:5	и вниде, и се, князи силы сѣдяху, и рече: слово ми есть къ тебѣ, о, княже. И рече ииуй: къ кому от­ всѣхъ насъ? И рече: къ тебѣ, княже.
9:6 См.: 🔗2Пар. 22:7	И воста и вниде въ домъ: и воз­лiя елей на главу его и рече ему: сице глаголетъ Господь Богъ Израилевъ: помазахъ тя въ царя надъ людьми Господними, надъ Израилемъ.
9:7 См.: 🔗3Цар. 21:22 🔗Ос. 1:4 🔗Отк. 2:20	и да потребиши домъ Ахаава господина тво­его от­ лица мо­его, и от­мстиши кровь рабовъ мо­ихъ пророковъ и кровь всѣхъ рабовъ Господнихъ от­ руки Иезавелины.
9:8 См.: 🔗3Цар. 21:21	и от­ руки всего дому Ахаавля, и потребиши от­ дому Ахаавля мочащагося къ стѣнѣ, и содержащагося, и оставльшагося во Израили:
9:9 См.: 🔗3Цар. 15:29 🔗3Цар. 16:3	и предамъ домъ Ахаавль, якоже домъ иеровоама сына наватова и якоже домъ Ваасы сына Ахіина:
9:10 См.: 🔗3Цар. 21:23	и Иезавель снѣдятъ пси въ части Иезраеля, и не будетъ погребающаго ю. И от­верзе двери и убѣжа.
9:11	Ииуй же изыде ко отрокомъ господина сво­его. И рѣша ему: миръ ли? что яко вниде неистовый сей къ тебѣ? И рече имъ: вы вѣсте мужа и суесловiе его.
9:12	И рѣша: не правда, [аще не воз­вѣстиши?] воз­вѣсти убо намъ. И рече ииуй къ нимъ: тако и тако рече ко мнѣ, глаголя: сице глаголетъ Господь: помазахъ тя въ царя надъ Израилемъ.
9:13	И слышав­ше текоша спѣшно, и взя кійждо ризы своя, и положиша подъ нимъ, понеже на единѣмъ от­ степенiй сѣдяше, и вострубиша въ рогъ и рѣша: воцарися ииуй.
9:14 См.: 🔗3Цар. 19:16	И воз­вратися ииуй сынъ Иосафата сына намессіева ко Иораму. Иорамъ же самъ стрежа­ше въ рамоѳѣ Галаадстѣмъ и весь Израиль от­ лица азаила царя сирійска.
9:15 См.: 🔗4Цар. 8:29	И воз­вратися Иорамъ царь цѣлитися во Иезраели от­ язвъ, имиже уязвиша его Сиряне, егда бра­шеся со азаиломъ царемъ сирійскимъ. И рече ииуй: аще есть душа ваша со мною, да не изыдетъ изъ града бѣглецъ, ити и воз­вѣстити во Иезраели.
9:16 См.: 🔗4Цар. 8:29 🔗2Пар. 22:6	И всѣде на коня, и пойде ииуй, и сниде во Иезраель, яко Иорамъ царь Израилевъ цѣляшеся во Иезраели от­ стрѣлянiй, имиже устрѣлиша его Арамины въ рамоѳѣ на брани со азаиломъ царемъ Сирскимъ, яко той бѣ силенъ и мужъ силы, и лежа­ше тамо. И Охозіа царь Иудинъ прiиде видѣти Иорама.
9:17 См.: 🔗Иез. 33:2	И стражъ взыде на столпъ во Иезраели, и видѣ прахъ ииуевъ, егда ити ему и рече: прахъ азъ вижу. И рече Иорамъ: всади мужа на конь и посли противу имъ, и да речетъ: миръ ли?
9:18	И иде всадникъ кон­ный на срѣтенiе ему и рече: тако глаголетъ царь: миръ ли? И рече ииуй: что тебѣ и миру? обратися вслѣдъ мене. И воз­вѣсти стражъ, глаголя: прiиде послан­ный до нихъ и не воз­вратися.
9:19	И посла всадника кон­наго втораго, и прiиде къ нему и рече: тако рече царь: миръ ли? И рече ииуй: что тебѣ и миру? воз­вратися вслѣдъ мене.
9:20	И воз­вѣсти стражъ, глаголя: прiиде до нихъ и не воз­вратися: и вождь ведяше ииуа сына намессіина, яко въ премѣнѣ бысть.
9:21 См.: 🔗3Цар. 21:1	И рече Иорамъ: впрязите. И впрягоша колесницу: и изыде Иорамъ царь Израилевъ и Охозіа царь Иудинъ, кійждо на колесницѣ сво­ей, и изыдоста на срѣтенiе ииуа, и обрѣтоста его на части навуѳеа Иезраилитина.
9:22 См.: 🔗Евр. 12:14	И бысть яко увидѣ Иорамъ ииуа, и рече миръ ли, ииуе? И рече ииуй что тебѣ и миру? еще блуды Иезавели матери тво­ея, и чарове ея многiя.
9:23	И обрати Иорамъ руки своя и бѣжа, и рече ко Охозіи: лесть, Охозіе.
9:24 См.: 🔗2Пар. 22:8	И наляче ииуй рукою сво­ею лукъ и устрѣли Иорама посредѣ плещу его, и изыде стрѣла сквоз­ѣ сердце его: и преклонися на колѣна своя.
9:25	И рече ииуй къ вадекару тристату сво­ему: воз­ми и верзи его на части села навуѳеа Иезраилитина, яко помню, азъ и ты всѣдшiи на колесницы идохомъ вслѣдъ Ахаава отца его, и Господь рече о немъ прроче­с­т­во сiе, глаголя:
9:26 См.: 🔗3Цар. 22:38	не видѣхъ ли крове навуѳеевы и крове сыновъ его вчера, рече Господь? и воз­дамъ ему на части сей, рече Господь: и нынѣ убо вземъ поверзи его на части сей по глаголу Господню.
9:27 См.: 🔗2Пар. 22:9 🔗Нав. 17:11	И Охозіа царь Иудинъ видѣ, и побѣже путемъ веѳганъ и гна по немъ ииуй и рече: и сего [не имамъ оставити]. И порази его на колесницѣ егда идяше въ гай, иже есть Иевлаамъ и убѣжа въ Магеддонъ, и умре тамо.
9:28	И воз­ложиша его отроцы его на колесницу и везоша его во Иерусалимъ, и погребоша его во гробѣ его во градѣ давидовѣ.
9:29	И въ перво­е­на­де­сять лѣто Иорама царя Израилева воцарися Охозіа надъ Иудою.
9:30	И прiиде ииуй во Иезраель [градъ]. Иезавель же услыша, и намаза лице свое и украси главу свою, и при­­ниче окномъ.
9:31 См.: 🔗3Цар. 16:10	И ииуй вхожда­ше во градъ и рече: миръ ли замврію, убійцѣ господина сво­его?
9:32	И воз­зрѣ лицемъ сво­имъ на окно и видѣ ю и рече: кто ты еси? сниди ко мнѣ. И преклонистася къ нему два скопца.
9:33 См.: 🔗3Цар. 21:23	И рече ииуй: сверзита ю. И свергоста ю, и окропишася кровiю ея стѣны и кони, и попраша ю.
9:34 См.: 🔗3Цар. 16:31	И вниде ииуй, и яде и пи, и рече: осмотрите нынѣ проклятую сiю, и погребите ю, яко дщерь царева есть.
9:35 См.: 🔗3Цар. 21:23	И идоша погребсти ю, и не обрѣтоша от­ нея ничто ино, токмо лобъ и ноги и длани рукъ.
9:36 См.: 🔗3Цар. 21:23	И воз­вратишася и воз­вѣстиша ему. И рече: слово Господне, еже глагола рукою раба сво­его илiи Ѳесвитянина, глаголя: въ части Иезраеля снѣдятъ пси плоть Иезавелину:
9:37	и будетъ трупъ Иезавелинъ аки гной на лицы села въ части Иезраеля, яко не рещи имъ: сiя есть Иезавель.