Четвёртая книга Царств (Вторая книга Царей), глава 25

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 25
25:1 См.: 🔗Иер. 39:1 🔗Иер. 52:4	И бысть въ лѣто девятое цар­ст­ва его, въ месяцъ десятый, прiиде навуходоносоръ царь Вавилонскiй и вся сила его на Иерусалимъ: и обступи его от­всюду, и создаша окрестъ его бойницы.
25:2	И бысть градъ во облеженiи до перваго­на­де­сять лѣта цар­ст­ва седекіина, девятаго дне месяца:
25:3 См.: 🔗Иер. 52:6 🔗Плч. 4:10	и превоз­може во градѣ гладъ, и не бысть хлѣба людемъ земли тоя:
25:4 См.: 🔗Иер. 52:7	и разсѣдеся градъ, и вси мужiе воинстiи изыдоша нощiю путемъ вратъ, яже посредѣ стѣнъ, яже суть у вертограда царева, и халдее окрестъ града [бѣша]. И побѣже [царь седекіа] путемъ пустын­нымъ:
25:5 См.: 🔗Иер. 52:8	и погна сила Халдейская вслѣдъ царя, и яша его во Аравоѳе иерихонстѣмъ, и вся сила его разсыпася от­ него:
25:6 См.: 🔗Иер. 38:23 🔗Иер. 52:9 🔗Иез. 17:16	и пояша царя и поведоша его къ царю Вавилонску въ ревлаѳу: и глагола съ нимъ судъ:
25:7 См.: 🔗Иер. 39:6 🔗Иер. 52:11	и сыны седекіины закла предъ очима его, и очи седекіины избоде, и связа его узами, и от­веде его во Вавилонъ.
25:8 См.: 🔗Иер. 52:12	Въ месяцъ же пятый, въ седмый день месяца, сiе лѣто девято­е­на­де­сять навуходоносора царя Вавилонска, прiиде навузарданъ архимагиръ, рабъ царя Вавилонскаго, во Иерусалимъ
25:9 См.: 🔗Пс. 73:7 🔗Иез. 16:41	и зажже храмъ Господень и домъ царевъ, и вся домы Иерусалимли и вся домы великiя сожже архимагиръ:
25:10 См.: 🔗2Пар. 36:19	и стѣны Иерусалимли окрестъ раскопа сила Халдейская.
25:11 См.: 🔗2Пар. 36:20	И останокъ людій избыв­шихъ во градѣ и впадшихъ, иже от­падоша ко царю Вавилонску, и прочее и утвержденiе пренесе навузарданъ во­евода.
25:12 См.: 🔗Иер. 52:16	И от­ нищихъ земли тоя остави архимагиръ винограды блюсти и вертограды.
25:13 См.: 🔗Иер. 27:19	И столпы мѣдяны въ храмѣ Господни, и подставы, и море мѣдное сущее во храмѣ Господни сокрушиша халдее, и взяша мѣдь ихъ во Вавилонъ:
25:14 См.: 🔗3Цар. 7:40 🔗Иер. 52:18	и конобы, и котлы и фiалы, и кадилницы, и вся сосуды мѣдяныя, въ нихже служаху, взяша:
25:15 См.: 🔗Иер. 52:19	и кадилницы, и фiалы златыя и сребряныя взя архимагиръ,
25:16 См.: 🔗3Цар. 7:15	столпы два, и море едино, и подставы, яже сотвори соломонъ храму Господню: не бѣ вѣса мѣди всѣхъ сосудовъ.
25:17 См.: 🔗3Цар. 7:15 🔗2Пар. 3:15 🔗Иер. 52:21	Осми­на­де­ся­ти лакотъ бысть высота столпа единаго, и глава мѣдяна на немъ: и высота главѣ три лакти, и на главѣ мрежи и шипки окрестъ, вся мѣдяна: по сему же и столпъ вторый со мрежею.
25:18 См.: 🔗Иер. 52:24	И поятъ архимагиръ сареа жерца перваго и софонiю жерца втораго, и три стражы вратныя:
25:19 См.: 🔗Иер. 52:25	и от­ града взя скопца единаго, иже бѣ при­­ставникъ надъ мужи во­ен­ными, и пять мужей предстоящихъ предъ лицемъ царевымъ, обрѣтшихся во градѣ, и книгочiа князя силы, иже строяше люди земли тоя, и шестьдесятъ мужей людій земли тоя обрѣтшихся во градѣ:
25:20	и поятъ я навузарданъ архимагиръ, и при­­веде я къ царю Вавилонскому въ ревлаѳу.
25:21 См.: 🔗Иер. 52:27	И порази ихъ царь Вавилонскiй, и умори я въ ревлаѳѣ, въ земли Емаѳовѣ. И преселися Иуда свыше земли сво­ея.
25:22 См.: 🔗Иер. 40:5	И людiе остав­шiися въ земли Иудовѣ, ихже остави навуходоносоръ царь Вавилонскiй, и постави надъ ними годолію, сына Ахикамля, сына Сафаня.
25:23 См.: 🔗Иер. 42:1	И услышаша вси князи силы сами и мужiе ихъ, яко постави царь Вавилонскiй годолію, и прiидоша къ годоліи въ Массифу, и Исмаилъ сынъ наѳанiинъ, и Иоананъ сынъ кариѳовъ, и сараіа сынъ Ѳанамаѳовъ нетофаѳитскiй, и Иезонiа сынъ Махаѳѳовъ, сами и мужiе ихъ [прiидоша].
25:24 См.: 🔗Иер. 40:9	И клят­ся имъ годоліа и мужемъ ихъ и рече имъ: не бойтеся при­­ше­ст­вiя халдеевъ: сѣдите на земли и работайте царю Вавилонскому, и добро будетъ вамъ.
25:25 См.: 🔗Иер. 41:2	И бысть въ месяцъ седмый, прiиде Исмаилъ сынъ наѳаніинъ сына Елисамля от­ сѣмене царска, и десять мужей съ нимъ, и порази годолію, и умре, и Иудеевъ и халдеевъ, иже съ нимъ бяху въ Массифѣ.
25:26 См.: 🔗Иер. 41:17 🔗Ос. 9:3	И восташа вси людiе, от­ мала и до велика, и князи силъ, и внидоша во Египетъ, яко убояшася от­ лица Халдейска.
25:27 См.: 🔗Иер. 52:31	И бысть въ лѣто тридесять седмое преселенiя Иоахина царя Иудина, въ дванадесятый месяцъ, въ двадесять седмый день месяца, воз­несе Евилмародахъ царь Вавилонскiй, въ лѣто цар­ст­ва сво­его, главу Иоахина царя Иудина, и изведе его изъ дому темницы его,
25:28	и глагола съ нимъ благая, и даде престолъ ему свыше престоловъ царей, иже бяху съ нимъ въ Вавилонѣ:
25:29	и измѣни ризы его темничныя, и ядяше хлѣбъ съ нимъ всегда, во вся дни живота сво­его.
25:30	И пища его от­ дому царска давана бяше, и все изобилiе во дни его, во вся дни живота его.