Псалтирь, псалом 67

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 67
67:1	Въ конецъ, псаломъ пѣсни Давиду.
67:2 См.: 🔗Чис. 10:35	Да воскреснетъ Богъ, и расточат­ся врази Его, и да бѣжатъ от­ лица Его ненавидящiи Его.
67:3 См.: 🔗Иудиф. 16:15	Яко изчезаетъ дымъ, да изчезнутъ: яко таетъ воскъ от­ лица огня, тако да погибнутъ грѣшницы от­ лица Божiя:
67:4 См.: 🔗Пс. 63:11	а праведницы да воз­веселят­ся, да воз­радуют­ся предъ Богомъ, да насладят­ся въ веселiи.
67:5 См.: 🔗Ис. 40:3 🔗Ис. 57:14	Воспойте Богу, пойте имени Его: путесотворите Воз­шедшему на запады, Господь имя Ему: и радуйтеся предъ Нимъ.
67:6 См.: 🔗Пс. 145:9 🔗Ин. 14:18	Да смятут­ся от­ лица Его, Отца сирыхъ и судiи вдовицъ: Богъ въ мѣстѣ святѣмъ Сво­емъ.
67:7 См.: 🔗Пс. 112:9	Богъ вселяетъ единомыслен­ныя въ домъ, изводя окован­ныя муже­с­т­вомъ, такожде преогорчевающыя живущыя во гробѣхъ.
67:8 См.: 🔗Исх. 13:20 🔗Чис. 14:14	Боже, внегда исходити Тебѣ предъ людьми Тво­ими, внегда мимоходити Тебѣ въ пустыни,
67:9 См.: 🔗Исх. 20:18	земля потрясеся, ибо небеса кануша от­ лица Бога Синаина, от­ лица Бога Израилева.
67:10 См.: 🔗Ис. 32:15 🔗Ис. 44:3 🔗Иоил. 2:28	Дождь воленъ от­лучиши, Боже, достоянiю Тво­ему, и изнеможе, Ты же совершилъ еси е.
67:11	Животная Твоя живутъ на ней: уготовалъ еси благостiю Тво­ею нищему, Боже.
67:12 См.: 🔗Ис. 52:7	Господь дастъ глаголъ благовѣ­ст­вующымъ силою многою:
67:13	Царь силъ воз­люблен­наго, красотою {ради красоты} дому раздѣлити корысти.
67:14	Аще поспите посредѣ предѣлъ, крилѣ голубинѣ посребренѣ, и междорамiя ея въ блещанiи злата:
67:15 См.: 🔗Суд. 9:48	внегда разн­ствитъ Небесный цари на ней, оснѣжат­ся въ Селмонѣ.
67:16	Гора Божiя, гора тучная, гора усырен­ная, гора тучная.
67:17 См.: 🔗Пс. 113:4	Вскую непщуете, горы усырен­ныя? Гора, юже благоволи Богъ жити въ ней: ибо Господь вселит­ся до конца.
67:18 См.: 🔗Втор. 33:2	Колесница Божiя тмами темъ, тысяща гобзующихъ: Господь въ нихъ въ Синаи во святѣмъ.
67:19 См.: 🔗Еф. 4:10	Возшелъ еси на высоту, плѣнилъ еси плѣнъ: прiялъ еси даянiя въ человѣцѣхъ, ибо не покаряющыяся, еже вселитися.
67:20	Господь Богъ благословенъ, благословенъ Господь день дне: поспѣшитъ намъ Богъ спасенiй нашихъ.
67:21 См.: 🔗Втор. 32:39 🔗1Цар. 2:6 🔗Прем. 16:13	Богъ нашъ Богъ еже спасати: и Господня, Господня исходища смертная.
67:22	Обаче Богъ сокрушитъ главы враговъ Сво­ихъ, верхъ власъ преходящихъ въ прегрѣшенiихъ сво­ихъ.
67:23 См.: 🔗Чис. 21:33	Рече Господь: от­ Васана обращу, обращу во глубинахъ морскихъ:
67:24 См.: 🔗Пс. 57:11 🔗Отк. 14:20	яко да омочит­ся нога твоя въ крови, языкъ песъ тво­ихъ от­ врагъ от­ него.
67:25	Видѣна быша ше­ст­вiя Твоя, Боже, ше­ст­вiя Бога мо­его Царя, иже во святѣмъ.
67:26 См.: 🔗Исх. 15:20 🔗1Цар. 18:6	Предвариша князи близъ поющихъ, посредѣ дѣвъ тимпан­ницъ.
67:27 См.: 🔗Пс. 21:23 🔗Ин. 20:17	Въ церквахъ благословите Бога, Господа от­ источникъ Израилевыхъ.
67:28	Тамо Венiаминъ юнѣйшiй во ужасѣ, князи Иудовы владыки ихъ, князи Завулони, князи Нефѳалимли.
67:29	Заповѣждь, Боже, силою Тво­ею: укрѣпи, Боже, сiе, еже содѣлалъ еси въ насъ.
67:30 См.: 🔗Пс. 71:10 🔗Ис. 60:6	От храма Тво­его во Иерусалимъ Тебѣ при­­несутъ царiе дары.
67:31	Запрети звѣремъ тростнымъ: сонмъ юнецъ въ юницахъ людскихъ, еже затворити искушен­ныя сребромъ: расточи языки хотящыя бранемъ.
67:32 См.: 🔗Ис. 18:7	Прiидутъ молитвен­ницы от­ Египта: Еѳiопiа предваритъ руку свою къ Богу.
67:33	Цар­ст­ва земная, пойте Богу, воспойте Господеви,
67:34 См.: 🔗Пс. 28:3 🔗Зах. 9:14 🔗Отк. 4:5	воз­шедшему на небо небесе на востоки: се, дастъ гласу Сво­ему гласъ силы.
67:35	Дадите славу Богови: на Израили велелѣпота Его, и сила Его на облацѣхъ.
67:36	Дивенъ Богъ во святыхъ Сво­ихъ: Богъ Израилевъ, Той дастъ силу и державу людемъ Сво­имъ. Благословенъ Богъ.