Книга Судей Израилевых, глава 4

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 4
4:1	И при­­ложиша сынове Израилевы сотворити злое предъ Господемъ: и Аодъ умре.
4:2 См.: 🔗1Цар. 12:9	И от­даде ихъ Господь въ руку Иавина царя Ханаанска, иже цар­ст­вова во Асорѣ. И во­евода силы его Сисара, и той живяше во Арисоѳѣ языковъ.
4:3 См.: 🔗Суд. 3:9 🔗Нав. 17:16	И возопиша сынове Израилевы ко Господу, яко девять сотъ колесницъ желѣзныхъ бяше ему: и той озлоби Израиля зѣло лѣтъ двадесять.
4:4	И Деввора, жена пророчица, жена лафидоѳова, сiя судяше Израилю въ то время:
4:5	и сiя живяше подъ финикомъ Деввора между рамою и между Веѳилемъ, въ горѣ Ефремли: и восхождаху сынове Израилевы къ ней тамо на судъ.
4:6 См.: 🔗1Цар. 12:11	И посла Деввора, и при­­зва Варака сына Авинеемля изъ Кедеса Нефѳалимова, и рече къ нему: не заповѣда ли тебѣ Господь Богъ Израилевъ? и пойдеши въ гору Ѳаворъ, и поймеши съ собою десять тысящъ мужей от­ сыновъ Нефѳалимлихъ и от­ сыновъ Завулонихъ:
4:7 См.: 🔗Суд. 5:21 🔗3Цар. 18:40	и при­­веду къ тебѣ въ водотечь кисонь Сисару во­еводу силы Иавини, и колесницы его, и множе­с­т­во [вой] его, и предамъ его въ руки твоя.
4:8	И рече къ ней Варакъ: аще пойдеши со мною, пойду, и аще не пойдеши со мною, не пойду: яко не вѣмъ дне, въ оньже благо­устроитъ Господь ангела со мною.
4:9	И рече Деввора къ нему: идущи пойду съ тобою: обаче вѣждь, яко не будетъ тебѣ слава на пути, въ оньже ты идеши: понеже въ руку женску предастъ Господь Сисару. И воста Деввора и пойде съ Варакомъ до Кадиса.
4:10 См.: 🔗Суд. 5:18	И воз­зва Варакъ Завулона и Нефѳалима до Кадиса, и по­идоша вслѣдъ его десять тысящъ мужей, и иде съ нимъ Деввора.
4:11 См.: 🔗Чис. 10:29 🔗Чис. 24:21	И хаверъ киней от­лучися от­ кены и от­ сыновъ Иовава, ужика Моисеова: и потче кущу свою подъ дубомъ почивающихъ, иже есть при­­ Кедесѣ.
4:12	И воз­вѣстиша Сисарѣ, яко взыде Варакъ сынъ Авинеемль на гору Ѳаворъ.
4:13	И созва Сисара вся колесницы своя, девять сотъ колесницъ желѣзныхъ, и вся люди иже съ нимъ, от­ Арисоѳа языковъ въ водотечь кисонь.
4:14 См.: 🔗2Цар. 5:24	И рече Деввора къ Вараку: востани, яко сей день, въ оньже предаде Господь Сисару въ руку твою, зане Господь изыдетъ предъ тобою. И сниде Варакъ съ горы Ѳаворъ, и десять тысящъ мужей вслѣдъ его.
4:15 См.: 🔗Пс. 82:10	И сотре Господь Сисару и вся колесницы его и весь полкъ его острiемъ меча предъ Варакомъ. И сниде Сисара съ колесницы сво­ея и побѣже ногами сво­ими.
4:16 См.: 🔗Суд. 3:29	И Варакъ гоняй вслѣдъ колесницъ его и вслѣдъ полка, даже до дубравы языковъ. И паде весь полкъ Сисаринъ острiемъ меча: не остася ни единъ.
4:17 См.: 🔗Пс. 82:10	И Сисара убѣже ногами сво­ими въ кущу Иаили, жены хавера кинеева: яко миръ бяше между Иавиномъ царемъ Асорскимъ и между домомъ хавера кинеева.
4:18	И изыде Иаиль во срѣтенiе Сисарѣ и рече къ нему: уклонися, господине мой, уклонися ко мнѣ, не бойся. И уклонися къ ней въ кущу: и покры его одеждею сво­ею.
4:19 См.: 🔗Суд. 5:25	И рече Сисара къ ней: напой мя мало воды, яко воз­жаждахъ. И от­рѣши мѣхъ млечный, и напо­и его, и покры его.
4:20	И рече къ ней Сисара: стани во дверехъ кущи, и будетъ аще кто прiидетъ къ тебѣ, и вопроситъ тя, и речетъ: есть ли здѣ мужъ? и речеши: нѣсть.
4:21 См.: 🔗Иудиф. 13:1	И взя Иаиль, жена хаверова, колъ кущный, и взя млатъ въ руку свою, и вниде къ нему тихо, и водрузи колъ во скранiи его, и пронзе до земли: и сей утруждся спа­ше, и издше.
4:22	И се, Варакъ гоняй Сисару. И изыде Иаиль во срѣтенiе ему и рече ему: прiиди, и покажу тебѣ мужа, егоже ты ищеши. И вниде къ ней, и се, Сисара лежа­ше мертвъ, и колъ во скранiи его.
4:23 См.: 🔗Пс. 82:10	И покори Господь Богъ въ той день Иавина царя Ханааня предъ сыны Израилевыми:
4:24	и хожда­ше рука сыновъ Израилевыхъ ходящи, и ожесточися на Иавина царя Ханаанска, дондеже истребиша его.