Вторая книга Паралипоменон (Вторая книга Хроник, Вторая Летопись), глава 3

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 3
3:1 См.: 🔗3Цар. 6:1 🔗1Пар. 21:18 🔗2Цар. 24:18	И нача соломонъ созидати домъ Господень во Иерусалимѣ, на горѣ Аморіа, на мѣстѣ, еже уготова давидъ на гумнѣ орны Иевусеанина:
3:2	нача же созидати въ месяцъ вторый лѣта четвертаго цар­ст­ва сво­его.
3:3 См.: 🔗3Цар. 6:2	И сице нача соломонъ созидати домъ Божiй: въ долготу лакотъ, размѣръ первый, лакотъ шестьдесятъ, въ широту же лакотъ двадесять:
3:4 См.: 🔗3Цар. 6:3	и при­­творъ предъ лицемъ дому, долгота по лицу широты дому, лакотъ двадесять, высота же лакотъ сто двадесять и позлати его внутрь златомъ чистымъ.
3:5 См.: 🔗3Цар. 6:15	Домъ же великiй окры дсками кедровыми и позлати златомъ чистымъ: извая же на немъ подобiя финиковъ и яко мрежицы промежь себе сплетающяся,
3:6 См.: 🔗3Цар. 9:28	и украси храмъ каменiемъ драгимъ славно, и позлати златомъ, еже от­ фаруима .
3:7	И позлати домъ и стѣны его, и врата и праги, и окна и двери златомъ, и извая херувимы на стѣнахъ.
3:8 См.: 🔗3Цар. 6:16	Сотвори же домъ святая святыхъ, долгота его по лицу широты дому, лакотъ двадесять, широта такожде двадесять лакотъ, и позлати и златомъ чистымъ на херувимѣхъ, талантъ шесть сотъ.
3:9	И вѣсъ гвоз­дій, вѣсъ гвоздя единаго пятьдесятъ Сикль злата, и горницу позлати златомъ.
3:10 См.: 🔗Исх. 25:18 🔗3Цар. 6:23	И сотвори въ дому святая святыхъ херувима два, дѣло от­ древъ негнiюшихъ и позлати ихъ златомъ.
3:11 См.: 🔗3Цар. 6:24	И крилѣ херувимовъ, долгота двадесять лакотъ, и едино крило лакотъ пяти, при­­касающееся стѣнѣ дому,
3:12	и другое крило пяти лакотъ, при­­касающееся крилу херувима другаго:
3:13 См.: 🔗Исх. 25:20	крилѣ же херувимовъ сихъ распростертѣ на лакотъ двадесять, тіи же стояху на нозѣхъ сво­ихъ, лица же ихъ [зряще] къ дому.
3:14 См.: 🔗Исх. 26:1	Сотвори же завѣсу от­ синеты и багряницы, и червленицы и виссона, и сотка на ней херувимы.
3:15 См.: 🔗4Цар. 25:13 🔗Иер. 52:17	И сотвори предъ храмомъ столпа два, лакотъ тридесять пять въ высоту, и главы ихъ пять лакотъ.
3:16 См.: 🔗3Цар. 7:17	И сотвори чепи въ давирѣ и положи на главахъ столповъ, и шипковъ сотвори сто, ихже положи на мрежи.
3:17 См.: 🔗3Цар. 7:21	И постави столпы предъ лицемъ храма, единаго одесную, а другаго ошуюю: и нарече имя сущему одесную исправленiе, имя же сущему ошуюю крѣпость.