Книга Исход, глава 32

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 32
32:1 См.: 🔗Деян. 7:40	И видѣв­ше людiе, яко умедли Моисей снити съ горы, восташа людiе на Аарона и глаголаша ему: востани и сотвори намъ боги, иже пойдутъ предъ нами: Моисей бо сей человѣкъ, иже изведе насъ от­ земли Египетскiя, не вѣмы, что бысть ему.
32:2	И рече имъ Ааронъ: измите усерязи златыя, яже во ушесѣхъ женъ вашихъ и дщерей, и при­­несите ко мнѣ.
32:3 См.: 🔗Втор. 9:16	И изъяша вси людiе усерязи златы, яже во ушесѣхъ женъ ихъ, и при­­несоша ко Аарону.
32:4 См.: 🔗Пс. 105:19 🔗3Цар. 12:28 🔗Неем. 9:18	И взя от­ рукъ ихъ и слiя ихъ дѣломъ литымъ, и сотвори имъ телца литаго. И рекоша: сіи бози тво­и, Израилю, иже изведоша тя изъ земли Египетскiя.
32:5	И видѣвъ Ааронъ, созда олтарь прямо ему, и проповѣда Ааронъ, глаголя: праздникъ Господень утрѣ.
32:6 См.: 🔗1Кор. 10:7	И обутреневавъ наутрiе, воз­несе всесожженiя и при­­несе жертву спасенiя. И сѣдоша людiе ясти и пити и восташа играти.
32:7 См.: 🔗Втор. 9:12	И рече Господь къ Моисею глаголя: иди скоро, сниди от­сюду, беззакон­новаша бо людiе тво­и, ихже извелъ еси изъ земли Египетскiя:
32:8 См.: 🔗3Цар. 12:28	преступиша съ пути скоро, егоже заповѣдалъ еси имъ: сотвориша себѣ телца, и поклонишася ему, и пожроша ему, и рѣша:
32:9	сіи бози тво­и, Израилю, иже изведоша тя изъ земли Египетскiя:
32:10 См.: 🔗Втор. 9:14	и нынѣ остави Мя, и воз­ъярився гнѣвомъ на ня, потреблю ихъ, и сотворю тя въ языкъ великъ.
32:11 См.: 🔗Пс. 105:23	И помолися Моисей предъ Господемъ Богомъ и рече: вскую, Господи, яришися гнѣвомъ на люди Твоя, ихже извелъ еси изъ земли Египетскiя крѣпостiю великою и мышцею Тво­ею высокою?
32:12 См.: 🔗Чис. 14:13	Да не когда рекутъ Египтяне, глаголюще: съ лукав­ст­вомъ изведе ихъ погубити въ горахъ и потребити ихъ от­ земли: утоли гнѣвъ ярости Тво­ея и милостивъ буди о злобѣ людій Тво­ихъ,
32:13 См.: 🔗Быт. 12:7 🔗Быт. 15:7 🔗Быт. 48:16 🔗Пс. 104:8	помянувъ Авраама и Исаака и Иакова, Твоя рабы, имже клял­ся еси Собою, и реклъ еси къ нимъ, глаголя: зѣло умножу сѣмя ва­ше, яко звѣзды небесныя множе­с­т­вомъ, и всю сiю землю, юже реклъ еси дати сѣмени ихъ, и обладаютъ ею во вѣки.
32:14	И умилостивися Господь о злѣ, еже рече сотворити людемъ Сво­имъ.
32:15	И воз­вратився Моисей, сниде съ горы: и двѣ скрижали свидѣнiя въ руку его, скрижали камен­ны написаны от­ обою страну ихъ, сюду и сюду быша написаны:
32:16 См.: 🔗Исх. 31:18 🔗Втор. 9:10	и скрижали дѣло Божiе быша, и написанiе, написанiе Божiе изваяно на скрижалехъ.
32:17 См.: 🔗Исх. 24:13	И услышавъ Иисусъ гласъ людій кричащихъ, рече къ Моисею: гласъ ратный въ полцѣ.
32:18	И рече Моисей: нѣсть гласъ начинающихъ одолѣвати, ниже гласъ начинающихъ бѣжати, но гласъ начинающихъ напиватися виномъ азъ слышу.
32:19 См.: 🔗Втор. 9:17	И егда при­­ближа­шеся къ полку, узрѣ телца и лики: и воз­ъярився гнѣвомъ Моисей, поверже изъ руку своею обѣ скрижали, и сокруши я подъ горою:
32:20	и вземъ телца, егоже сотвориша, сожже его во огни и сотре его подробну, и разсыпа его по водѣ, и напо­и ею сыны Израилевы.
32:21	И рече Моисей Аарону: что сотвориша тебѣ людiе сіи, яко навелъ еси на нихъ грѣхъ великъ?
32:22	И рече Ааронъ къ Моисею: не гнѣвайся, господине: ты бо вѣси людій сихъ устремленiе.
32:23	Глаголаша бо ми: сотвори намъ боги, иже пойдутъ предъ нами: Моисей бо сей человѣкъ, иже изведе ны от­ Египта, не вѣмы, что бысть ему:
32:24	и рекохъ имъ: иже имать злато, измите: и изъяша, и даша мнѣ, и ввергохъ е во огнь, и излiяся телецъ сей.
32:25	Видѣвъ же Моисей люди, яко раздѣлишася, раздѣли бо ихъ Ааронъ въ порадованiе супостатомъ ихъ:
32:26 См.: 🔗Быт. 34:20	ста же Моисей во вратѣхъ полка и рече: аще кто есть Господень, да идетъ ко мнѣ. Снидошася убо къ нему вси сынове Левіины.
32:27 См.: 🔗Втор. 33:9	И рече имъ: сiя глаголетъ Господь Богъ Израилевъ: препояшите кійждо свой мечь при­­ бедрѣ и пройдите, и воз­вратитеся от­ вратъ до вратъ сквоз­ѣ полкъ, и убійте кійждо брата сво­его и кійждо ближняго сво­его и кійждо сосѣда сво­его.
32:28	И сотвориша сынове Левіины, якоже глагола имъ Моисей: и паде от­ людій въ той день до трехъ тысящъ мужей.
32:29 См.: 🔗Втор. 33:10	И рече имъ Моисей: наполнисте руки вашя днесь Господу, кійждо въ сынѣ сво­емъ и въ братѣ сво­емъ, да даст­ся на васъ благословенiе.
32:30	И бысть на утрiе, рече Моисей къ людемъ: вы согрѣшисте грѣхъ великъ: и нынѣ взыду къ Богу, да умолю о грѣсѣ ва­шемъ.
32:31	И воз­вратися Моисей ко Господу и рече: молюся ти, Господи: согрѣшиша людiе сіи грѣхъ великъ и сотвориша себѣ боги златы:
32:32 См.: 🔗Рим. 9:3 🔗Пс. 68:29 🔗Флп. 4:3 🔗Отк. 3:5	и нынѣ, аще убо оставиши имъ грѣхъ ихъ, остави: аще же ни, изглади мя изъ книги Тво­ея, въ нюже вписалъ еси.
32:33	И рече Господь къ Моисею: аще кто согрѣши предо Мною, изглажу его изъ книги Мо­ея:
32:34 См.: 🔗Исх. 14:19 🔗Исх. 33:2 🔗Чис. 14:18	нынѣ же иди, сниди и воз­веди люди сiя на мѣсто, еже рѣхъ тебѣ: се, Ангелъ Мой предъидетъ предъ лицемъ тво­имъ: въ оньже день при­­сѣщу, наведу на нихъ грѣхъ ихъ.
32:35	И порази Господь люди за сотворенiе телца, егоже сотвори Ааронъ.