Книга Числа, глава 16

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 16
16:1 См.: 🔗Чис. 26:9 🔗Чис. 27:3 🔗Сир. 45:22 🔗Иуд. 1:11 🔗Исх. 6:21	И глагола Корей, сынъ Иссаара сына Кааѳа сына Левіина, и Даѳанъ и Авиронъ, сынове Елiавли, и Авнанъ сынъ Фалеѳа сына Рувимля:
16:2 См.: 🔗Чис. 12:1 🔗Исх. 18:22	и восташа на Моисеа, и мужи сыновъ Израилевыхъ двѣсти и пятьдесятъ началницы сонма, сигклитики совѣта и мужи именити.
16:3 См.: 🔗Чис. 14:2 🔗Чис. 20:2	Совосташа на Моисеа и Аарона и рѣша къ нимъ: довлѣетъ вамъ, яко весь сонмъ вси святи, и въ нихъ Господь: и чесо ради востаете на сонмъ Господень?
16:4 См.: 🔗Чис. 14:5	И слышавъ Моисей, паде ницъ.
16:5	И глагола къ Корею и ко всему сонму его, глаголя: согляда и позна Господь сущихъ Его и святыхъ, и при­­веде къ Себѣ: и ихже не избра Себѣ, не при­­веде къ Себѣ:
16:6	сiе сотворите: воз­мите себѣ сами кадилники, Корей и весь сонмъ его,
16:7	и вложите огнь въ ня, и вложите въ ня ѳимiамъ предъ Господемъ утрѣ: и будетъ мужъ, егоже аще изберетъ Господь, сей святъ: да довлѣютъ вамъ сынове Левіины.
16:8	И рече Моисей Корею: послушайте мене, сынове Левіини:
16:9 См.: 🔗Чис. 3:6	еда мало есть сiе вамъ, яко от­лучи васъ Богъ от­ сонма Израилева и при­­веде васъ къ Себѣ служити службы въ скинiи Господни и стояти предъ сонмомъ Господнимъ, еже служити имъ?
16:10	и при­­веде тя и всю братiю твою, сыны Левіины съ тобою, и просите священ­ствовати?
16:11 См.: 🔗Исх. 16:7	Тако ты и весь сонмъ твой собрав­шiйся на Бога: и Ааронъ кто есть, яко ропщете нань?
16:12	И посла Моисей при­­звати Даѳана и Авирона, сыны Елiавли. И рѣша: не идемъ:
16:13	еда мало се, яко извелъ еси ны изъ земли кипящiя млекомъ и медомъ, еже погубити насъ въ пустыни, яко владѣеши нами? Князь еси:
16:14 См.: 🔗Исх. 3:8 🔗Исх. 13:5 🔗Исх. 33:3	и ты ли въ землю кипящую медомъ и млекомъ ввелъ еси насъ и далъ еси намъ часть села и винограда? Очи человѣкъ тѣхъ исткнулъ еси: не идемъ.
16:15 См.: 🔗Быт. 4:4	И отягча Моисей гнѣвомъ зѣло и рече къ Господу: не внемли на жертву ихъ: ни единаго похотѣнiя от­ нихъ прiяхъ, ниже озлобихъ кого от­ нихъ.
16:16	И рече Моисей къ Корею: освяти сонмъ твой, и будите готови предъ Господа ты и Ааронъ и они заутра:
16:17	и воз­мите кійждо кадилникъ свой, и воз­ложите на ня ѳимiамъ, и при­­несите предъ Господа кійждо кадилникъ свой, двѣсти и пятьдесятъ кадилниковъ, и ты и Ааронъ кійждо кадилникъ свой.
16:18	И взяша кійждо свой кадилникъ, и воз­ложиша на ня огнь, и вложиша въ ня ѳимiамъ, и сташа предъ дверьми скинiи свидѣнiя Моисей и Ааронъ.
16:19 См.: 🔗Исх. 16:10 🔗Лев. 9:23	И собра на ня Корей весь сонмъ свой предъ дверьми скинiи свидѣнiя: и явися слава Господня всему сонму.
16:20	И рече Господь къ Моисею и Аарону, глаголя:
16:21	от­ступите кійждо от­ среды сонма сего, и потреблю я абiе.
16:22 См.: 🔗Пс. 30:6 🔗Пс. 145:4 🔗Лк. 8:55 🔗2Цар. 24:17	И падоста на лица своя и рекоста: Боже, Боже духовъ и всякiя плоти: аще человѣкъ единъ согрѣши, на весь ли сонмъ гнѣвъ Господень?
16:23	И рече Господь къ Моисею, глаголя:
16:24 См.: 🔗Чис. 12:15	рцы сонму, глаголя: от­ступите окрестъ от­ сонма Кореева и Даѳаня и Авироня.
16:25	И воста Моисей, и иде къ Даѳану и Авирону: и идоша съ нимъ вси старцы Израилтестiи.
16:26	И рече къ сонму, глаголя: от­ступите от­ кущъ человѣкъ жестокосердыхъ сихъ, и не при­­коснитеся ко всѣмъ, елика суть имъ, да не погибнете купно во всемъ грѣсѣ ихъ.
16:27	И от­ступиша от­ кущъ Кореа и Даѳана и Авирона окрестъ: Даѳанъ же и Авиронъ изыдоста и стаста предъ дверьми кущъ сво­ихъ, и жены ихъ, и дѣти ихъ и имѣнiе ихъ.
16:28	И рече Моисей: въ семъ познаете, яко Господь посла мя сотворити вся дѣла сiя, яко не от­ себе [азъ творю сiя]:
16:29	аще смертiю всѣхъ людій умрутъ сіи, и аще по при­­сѣщенiю всѣхъ человѣкъ посѣщенiе будетъ ихъ, то не Господь посла мене:
16:30 См.: 🔗Чис. 27:3 🔗Втор. 11:6 🔗Пс. 105:17	но явно покажетъ Господь, и от­верзши земля уста своя пожретъ я и домы ихъ, и кущы ихъ и вся, елика суть ихъ, и снидутъ живи во адъ, и увѣдите, яко разгнѣваша человѣцы сіи Господа.
16:31 См.: 🔗Чис. 26:10	Егда же преста глаголя вся словеса сiя, разсѣдеся земля подъ ногами ихъ:
16:32	и разверзеся земля, и пожре я и домы ихъ, и вся люди сущыя съ Кореомъ, и скоты ихъ:
16:33	и снидоша тіи, и вся, елика суть ихъ, живи во адъ, и покры ихъ земля, и погибоша от­ среды сонма:
16:34	и весь Израиль, и иже окрестъ ихъ, от­бѣгоша от­ вопля ихъ, зане рекоша, глаголюще: да не пожретъ насъ земля.
16:35 См.: 🔗Лев. 10:2	И огнь изыде от­ Господа и пояде двѣсти и пятьдесятъ мужей при­­несшихъ ѳимiамъ.
16:36	И рече Господь къ Моисею
16:37	и ко Елеазару сыну Ааронову жерцу: соберите кадилники мѣдяныя от­ среды изгорѣв­шихъ, и огнь чуждій сей разсыплите тамо, яко освятишася кадилницы грѣшныхъ сихъ въ душахъ ихъ:
16:38	и сотворите я дщицы кованы, обложенiе у олтаря, яко при­­несошася предъ Господа и освятишася, и быша въ знаменiе сыномъ Израилевымъ.
16:39	И взя Елеазаръ сынъ Аарона жерца кадилники мѣдяныя, елики при­­несоша изгорѣв­шiи, и обложиша я во обложенiе олтаря,
16:40	въ память сыномъ Израилевымъ, яко да никтоже прiидетъ иноплемен­никъ, иже нѣсть от­ сѣмене Аароня, еже воз­ложити ѳимiамъ предъ Господемъ, и да не будетъ, якоже Корей и совѣтницы его, якоже глагола ему Господь рукою Моисеовою.
16:41 См.: 🔗Чис. 14:2 🔗Чис. 20:3	И воз­ропташа сынове Израилтестiи на утрiе на Моисеа и Аарона, глаголюще: вы избисте люди Господни.
16:42 См.: 🔗Исх. 16:10 🔗Чис. 12:5	И бысть егда нападе сонмъ на Моисеа и Аарона, и устремишася къ скинiи свидѣнiя:
16:43	и покры оную облакъ, и явися слава Господня: и вниде Моисей и Ааронъ предъ скинiю свидѣнiя.
16:44	И рече Господь къ Моисею и Аарону, глаголя:
16:45	уступите от­ среды сонма сего, и потреблю я единицею. И падоста на лица своя.
16:46 См.: 🔗Прем. 18:21	И рече Моисей ко Аарону: воз­ми кадилникъ, и вложи въ него огнь от­ олтаря, и воз­ложи нань ѳимiамъ, и понеси скоро въ полкъ, и помолися о нихъ: изыде бо гнѣвъ от­ лица Господня, и нача губити люди.
16:47	И взя Ааронъ, якоже глагола ему Моисей, и тече въ сонмъ, уже бо начася пагуба въ людехъ: и воз­ложи ѳимiамъ, и помолися о людехъ:
16:48	и ста между мертвыми и живыми, и преста пагуба.
16:49	И бысть умершихъ въ пагубѣ четыре­на­де­сять тысящъ и седмь сотъ, кромѣ умершихъ Кореа ради.
16:50	И воз­вратися Ааронъ къ Моисею, къ дверемъ скинiи свидѣнiя, и преста пагуба.