Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 3 | |
3:1 | И по сихъ прослави царь Артаксерксъ Амана сына Амадаѳуина вугеанина и вознесе его, и предсѣдяше вышше всѣхъ друговъ его: |
3:2 | и вси, иже во дворѣ [царевѣ], покланяхуся Аману: сице бо повелѣ царь творити. Мардохей же не кланяшеся ему. |
3:3 См.: 🔗Дан. 3:12 🔗Дан. 6:13 | И глаголаша сущiи во дворѣ царевѣ мардохею: мардохее, чесо ради не слушаеши глаголемыхъ от царя? |
3:4 | По вся же дни глаголаху ему, и не послушаше ихъ. И возвѣстиша Аману, яко мардохей сопротивляется повелѣнiю цареву, и повѣда имъ мардохей, яко Иудеанинъ есть. |
3:5 | И увѣдавъ Аманъ, яко не кланяется ему мардохеи, разгнѣвася зѣло |
3:6 | и умысли погубити вся иудеи, иже въ царствѣ Артаксерксовѣ: |
3:7 См.: 🔗Есф. 9:24 🔗Прит. 14:32 | и сотвори совѣтъ въ лѣто второенадесять царства Артаксерксова, и меташе жребiя день от дне и месяцъ от месяца, яко погубити во единъ день родъ мардохеевъ: и паде жребiй на четвертыйнадесять день месяца, иже есть Адаръ. |
3:8 См.: 🔗Чис. 23:9 | И рече [аманъ] ко царю Артаксерксу, глаголя: есть языкъ разсѣянный во языцѣхъ во всемъ царствѣ твоемъ: законы же ихъ странни паче всѣхъ языкъ, и законовъ царскихъ не слушаютъ, и не пользуетъ царю оставити ихъ: |
3:9 | и аще годѣ есть цареви, да повелитъ погубити я: азъ же запишу въ сокровище царево десять тысящъ талантъ сребра. |
3:10 См.: 🔗Быт. 41:42 | И снемъ царь перстень [съ руки своея], даде въ руцѣ Аману, да запечатаетъ писанiя написанная на иудей. |
3:11 | И рече царь Аману: сребро убо имѣй ты себѣ, людемъ же твори, якоже хощеши. |
3:12 | И призвани быша писцы царевы въ третiйнадесять день месяца перваго, и написаша, якоже повелѣ Аманъ, къ воеводамъ и началникомъ по всѣмъ странамъ, от индійскiя области даже и до еѳiопiи, сто двадесяти седми странамъ, началствующымъ надъ языки по ихъ языку, именемъ Артаксеркса царя. |
3:13 См.: 🔗Есф. 8:13 🔗Есф. 9:1 | И посла съ писмоносцы писанiя въ царство Артаксерксово, да побiютъ родъ жидовскiй въ день единъ месяца вторагонадесять, иже есть Адаръ, и да расхитятъ имѣнiя ихъ. |
3:14 | Списанiе же епистолiи сицево бѣ: царь великiй Артаксерксъ началствующымъ от индіи даже до еѳiопiи надъ сто двадесять седмiю странами и мѣстоначалникомъ подданнымъ. |
3:15 | Надъ многими царствующь языки и обдержавъ всю вселенную, восхотѣхъ, не дерзостiю области возносимь, но кротостiю и тихостiю всегда правя, безмятежно житiе всегда устрояти подручныхъ [нашихъ], и царствiе [свое] безмолвно и проходимо даже до конецъ соблюдая, обновити желаемый всѣмъ человѣкомъ миръ. |
3:16 | Вопросившу же ми совѣтники моя, како бы возможно сiе совершити, иже у насъ цѣломудрiемъ пресловутый и во благоволенiи неизмѣнный и твердою вѣрностiю утвержденный и вторую честь по цари получивый Аманъ |
3:17 | сказа намъ, яко во всѣхъ по вселеннѣй колѣнѣхъ смѣсися враждебный нѣкiй народъ, законами сопротивный ко всякому языку и повелѣнiя царская всегда небрегущь, дабы не устроялося от насъ благоуправляемое непорочно сообладанiе. |
3:18 | Уразумѣвше убо, яко сей языкъ единъ сопротивляется всегда всякому человѣку, уставленiе законовъ иностранное измѣняетъ, и противяся нашымъ дѣломъ, горшая совершаетъ злая, дабы царствiе наше не получило благостоянiя: |
3:19 | повелѣхомъ убо написанными къ вамъ грамотами от Амана учиненаго надъ вещьми [царскими] и втораго отца нашего, всѣхъ со женами и чады погубити всекореннѣ вражiими мечьми безъ всякiя милости и пощадѣнiя, въ четвертыйнадесять день вторагонадесять месяца Адара, настоящаго лѣта, |
3:20 | яко да бывшiи древле и нынѣ врази во единѣмъ дни горько во адъ сошедше, въ прочее время тихо и безмолвно житiе дадятъ намъ до конца проходити. |
3:21 | Списанiя же епистолiи посылахуся по странамъ, и повелѣно бысть всѣмъ языкомъ готовымъ быти въ нарѣченный день. |
3:22 См.: 🔗Есф. 4:8 🔗Есф. 8:15 | Приспѣ же дѣло и въ сусы: и царь убо и Аманъ пирующа наслаждастася, градъ же [сусы] мятяшеся. |