Книга Премудрости Иисуса, сына Сирахова, глава 15 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 15
15:1	Бояйся Господа сотворитъ сiе, и держайся закона постигнетъ ю.
15:2 См.: 🔗Ис. 66:13	И срящетъ его яко мати, и яко жена дѣв­ст­ва прiиметъ и:
15:3 См.: 🔗Ин. 4:14 🔗Еф. 5:17	ухлѣбитъ его хлѣбомъ разума и водою премудрости напо­итъ и:
15:4	утвердит­ся на ней и не преклонит­ся, и до нея при­­станетъ и не постыдит­ся:
15:5	и воз­несетъ его паче искрен­нихъ его и посредѣ церкве от­верзетъ уста его:
15:6	веселiе и вѣнецъ радости и имя вѣчно наслѣдитъ.
15:7 См.: 🔗Прит. 14:6	Не постигнутъ ея человѣцы неразумивiи, и мужiе грѣшнiи не узрятъ ея:
15:8	далече есть от­ гордыни, и мужiе лживiи не имутъ помянути ея.
15:9 См.: 🔗Пс. 49:16 🔗Ис. 52:7 🔗2Тим. 3:7	Не красна похвала во устѣхъ грѣшника, яко не от­ Господа послана бысть:
15:10 См.: 🔗Сир. 39:8	премудростiю бо речена будетъ хвала, и Господь благопоспѣшитъ ей.
15:11 См.: 🔗Пс. 5:5	Не рцы, яко Господа ради от­ступихъ: ихже бо воз­ненавидѣ, да не сотвориши.
15:12 См.: 🔗Иак. 1:13	Не рцы, яко самъ мя прельсти: не требуетъ бо мужа грѣшника.
15:13	Всяку мерзость воз­ненавидѣ Господь, и нѣсть любезна боящымся его.
15:14 См.: 🔗Быт. 1:27	Самъ изъ начала сотвори человѣка и остави его въ руцѣ про­изволенiя его:
15:15 См.: 🔗Мф. 19:17	аще хощеши, соблюдеши заповѣди и вѣру сотвориши благоволенiя.
15:16	Предложилъ ти огнь и воду, и на неже хощеши, простреши руку твою.
15:17 См.: 🔗Иер. 21:8	Предъ человѣкомъ животъ и смерть, и еже аще изволитъ, даст­ся ему.
15:18	Яко многа премудрость Господня: крѣпокъ силою и видяй вся:
15:19 См.: 🔗Пс. 33:16	и очи его на боящихся его, и той познаетъ всяко дѣло человѣческо.
15:20 См.: 🔗Пс. 5:5 🔗Ос. 5:5	Не заповѣда ни единому же нече­ст­вовати и не даде ослабы ни единому же согрѣшати.