Книга пророка Исаии, глава 35

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 35
35:1 См.: 🔗Ис. 32:16	Радуйся, пустыня жаждущая, да веселит­ся пустыня и да цвѣтетъ яко кринъ.
35:2 См.: 🔗3Цар. 4:33 🔗3Цар. 18:9 🔗Ин. 1:14	И процвѣтетъ и воз­веселит­ся пустыня Иорданова: и слава Ливанова дадеся ей, и честь кармилова, и узрятъ людiе мо­и славу Господню и высоту Божiю.
35:3 См.: 🔗Евр. 12:12	Укрѣпитеся, руцѣ ослабленыя и колѣна разслабленая:
35:4 См.: 🔗Лк. 1:70 🔗Ис. 40:1	утѣшитеся, малодушнiи умомъ, укрѣпитеся, не бойтеся: се, Богъ нашъ судъ воз­даетъ и воз­дастъ, той прiидетъ и спасетъ насъ.
35:5 См.: 🔗Мф. 9:30 🔗Мф. 11:5 🔗Мф. 15:30 🔗Лк. 7:22 🔗Ин. 9:6	Тогда от­верзут­ся очи слѣпыхъ, и уши глухихъ услышатъ.
35:6 См.: 🔗Ин. 5:8 🔗Ин. 7:38 🔗Деян. 3:8 🔗Мф. 9:32 🔗Мф. 21:14 🔗Ис. 41:18	Тогда скочитъ хромый яко елень, и ясенъ будетъ языкъ гугнивыхъ: яко проторжеся вода въ пустыни и дебрь въ земли жаждущей.
35:7	И безводная будетъ во езера, и на жаждущей земли источникъ водный будетъ: тамо будетъ веселiе птицамъ, и селитва трости, и лузи.
35:8 См.: 🔗Ин. 14:6	И тамо будетъ путь чистъ, и путь святъ нарѣчет­ся: и не прейдетъ тамо нечистый, ниже будетъ тамо путь нечистъ: разсѣян­нiи же пойдутъ по нему и не заблудятъ.
35:9 См.: 🔗1Пет. 5:8	И не будетъ тамо льва, ни от­ звѣрей злыхъ не взыдетъ нань, ниже обрящет­ся тамо, но пойдутъ по нему избавлен­нiи:
35:10 См.: 🔗Ис. 51:11 🔗Ис. 61:7 🔗Ис. 66:14	и собран­нiи Господемъ обратят­ся и прiидутъ въ Сiонъ съ радостiю, и радость вѣчная надъ главою ихъ: надъ главою бо ихъ хвала и веселiе, и радость прiиметъ я, от­бѣже болѣзнь и печаль и воз­дыханiе.