Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 23 | |
23:1 | И бысть слово Господне ко мнѣ глаголя: |
23:2 См.: 🔗Иер. 3:7 | сыне человѣчь, двѣ женѣ бѣстѣ дщери матере единыя |
23:3 | и соблудистѣ во Египтѣ, въ юности своей соблудистѣ: тамо спадоша сосцы ихъ, и тамо растлистѣ дѣвство. |
23:4 См.: 🔗Иез. 16:46 | Имена же има: оола старѣйшая, оолива же меншая сестра ея: и быстѣ мнѣ и родистѣ сыны и дщери: имена же има: самаріа оола, и Иерусалимъ оолива. |
23:5 | И соблуди оола от мене и возложися на похотники своя, на Ассиріаны приближающыяся ей, |
23:6 | облеченныя въ червленицы, старѣйшины и воеводы: юноши избраннiи, вси конницы яздящiи на конехъ: |
23:7 См.: 🔗Иез. 16:15 | и даде блуженiе свое къ нимъ: избраннымъ сыномъ Ассирийскимъ всѣмъ, и ко всѣмъ, на няже возлагашеся, во всѣхъ нечистотахъ ихъ оскверняшеся: |
23:8 См.: 🔗Иез. 16:26 | и блуженiя своего, еже изъ Египта, не остави, яко съ нею спаху въ юности ея, и тіи растлиша дѣвство ея и излiяша блуженiе свое на ню. |
23:9 | Того ради предахъ ю въ руцѣ похотникомъ ея, въ руцѣ сыномъ Ассирийскимъ, на нихже возлагашеся. |
23:10 См.: 🔗Иез. 16:38 | Тіи открыша стыдъ ея, сыны и дщери ея пояша и самую мечемъ усѣкнуша: и бысть поношенiе въ женахъ, и отмщенiе сотвориша въ ней во дщерехъ ея. |
23:11 См.: 🔗Иез. 16:51 | И видѣ сестра ея оолива, и растли возложенiе свое паче ея, и блудъ свой паче блуда сестры своея умножи: |
23:12 | на сыновъ Ассирійскихъ возложися, на старѣйшины и воеводы, иже близъ ея, облеченны во благоистканны, на конники яздящыя на конехъ, юноши избранни вси. |
23:13 | И видѣхъ, яко осквернися путь единъ обою. |
23:14 См.: 🔗Иез. 8:3 | И приложи ко блуженiю своему, и видѣ мужы написаны на стѣнѣ, образы халдейски написаны шарами, |
23:15 | препоясаны пестротами о чреслѣхъ своихъ, и превои крашеннiи на главахъ ихъ, видъ троякiй всѣхъ, подобiе сыновъ Вавилонскихъ, Халдейскихъ, земли отечества ихъ: |
23:16 | и возложися на ня зрѣнiемъ очей своихъ, и посла послы къ нимъ въ землю Халдейску. |
23:17 См.: 🔗Иез. 23:22 | И прiидоша къ ней сынове Вавилонстiи на ложе витающихъ и оскверниша ю въ блуженiи ея, и осквернися въ нихъ, и отступи душа ея от нихъ: |
23:18 | и откры блуженiе свое и откры срамоту свою. И отступи душа моя от нея, якоже отступи душа моя от сестры ея. |
23:19 | И умножила еси блуженiе твое, еже помянути дни юности твоея, въ няже блудила еси во Египтѣ, |
23:20 | и возлегла еси на халдеи, ихже плоти быша аки плоти осли, и яко лона конская лона ихъ, |
23:21 | и посѣтила еси беззаконiе юности твоея, яже творила еси во Египтѣ во виталищи твоемъ, идѣже сосцы юности твоея спадоста. |
23:22 | Того ради, ооливо, сiя глаголетъ Адонаи Господь: се, азъ воздвигну похотники твоя на тя, от нихже отступи душа твоя, и наведу ихъ на тя окрестъ, |
23:23 См.: 🔗Иез. 23:12 | сыновъ Вавилонскихъ и всѣхъ халдеевъ, факуда и суда и куда, и вся сыны Ассирийски съ ними, юношы избранны, старѣйшины и воеводы, вся тристаты и нарочитыя, конники на конехъ вси. |
23:24 См.: 🔗Иез. 21:22 | И прiидутъ на тя вси от сѣвера, колесницы и колеса со многимъ народомъ, щиты и сулицы и шлемы, и поставятъ стражбу окрестъ тебе, и дамъ предъ лицемъ ихъ судъ, и отмстятъ ти въ судѣхъ своихъ: |
23:25 | и дамъ рвенiе мое въ тебѣ, и сотворятъ съ тобою гнѣвъ ярости моея, ноздри твоя и ушы твои обрѣжутъ, и оставшихъ твоихъ мечемъ изсѣкутъ: тіи сыновъ твоихъ и дщерей твоихъ возмутъ, и оставшихъ твоихъ потребитъ огнь: |
23:26 См.: 🔗Иез. 16:39 | и совлекутъ съ тебе ризы твоя и возмутъ сосуды хвалы твоея. |
23:27 | И отвращу нечестiя твоя от тебе и блудъ твой от земли Египетскiя: и не воздвигнеши очесъ твоихъ на нихъ и Египта не помянеши ктому. |
23:28 | Понеже сiя глаголетъ Адонаи Господь: се, азъ предаю тя въ руцѣ, ихже ненавидиши, от нихже отступи душа твоя: |
23:29 См.: 🔗Иер. 13:22 🔗Иез. 16:37 | и сотворятъ въ тебѣ въ ненависти, и возмутъ вся труды твоя и дѣла твоя, и будеши нага и посрамлена, и открыется студъ блуда твоего и нечестiе твое. |
23:30 | И блуженiе твое сотвори сiя тебѣ, егда блудила еси вслѣдъ языковъ и осквернялася въ кумiрѣхъ ихъ: |
23:31 См.: 🔗Пс. 74:9 🔗Иер. 25:15 | въ пути сестры твоея ходила еси, и дамъ чашу ея въ руцѣ твои. |
23:32 | Сiя глаголетъ Адонаи Господь: чашу сестры твоея испiеши глубокую и широкую, и будетъ на смѣхъ и подражненiе, изобилную ко совершенiю пiянства, |
23:33 | и разслабленiя наполнишися: чаша же потребленiя и погубленiя чаша сестры твоея самаріи: |
23:34 | и испiеши ю и истощиши, и чрепъ ея ядущи потребиши, и сосца твоя отторгнеши: и праздники и новомесячiя твоя отвращу: понеже азъ глаголахъ, рече Адонаи Господь. |
23:35 | Сего ради сiя глаголетъ Адонаи Господь: понеже забыла мя еси и отвергла мене назадъ тѣла твоего, и ты возми нечестiе твое и блудъ твой. |
23:36 | И рече Господь ко мнѣ: сыне человѣчь, не будеши ли судити оолѣ и ооливѣ, и возвѣстиши ли има беззаконiя ею? |
23:37 | яко любодѣйствовастѣ, и кровь въ рукахъ ею, и въ кумiрѣхъ ею прелюбодѣйствовастѣ, и чада своя, яже родистѣ мнѣ, провождастѣ имъ сквозѣ огнь. |
23:38 | Даже и сiя сотвористѣ ми, осквернястѣ святая моя въ той день, и субботы моя осквернястѣ: |
23:39 См.: 🔗Ис. 1:11 | и внегда закаластѣ чада своя кумiромъ своимъ, и вхождастѣ во святая моя въ той день, еже сквернити я: и се, тако творястѣ средѣ дому моего: |
23:40 | и посыластѣ ко мужемъ грядущымъ издалеча, къ нимже пословъ посыластѣ. И егда приходити имъ, абiе умывалася еси и утваряла еси очи твои и украшалася утварiю, |
23:41 | и сѣдѣла еси на одрѣ постланѣ, и трапеза украшенна предъ лицемъ ея, и ѳимiамъ мой и елей мой предлагала предъ ними, и веселяхуся въ нихъ: |
23:42 | и гласомъ сличнымъ возглашаху, и ко мужемъ от множества человѣча приходящымъ от пустыни, и даяху перстни на руки ихъ и вѣнецъ хвалы на главы ихъ. |
23:43 | И рекохъ: не въ сихъ ли прелюбодѣйствуютъ? и дѣла блудницы, и сама соблуди. |
23:44 См.: 🔗Иез. 16:30 | И вхождаху къ ней: якоже влазятъ къ женѣ блудницѣ, тако влазяху ко оолѣ и ко ооливѣ, женамъ беззаконницамъ, еже сотворити беззаконiе. |
23:45 См.: 🔗Иез. 16:38 🔗Ис. 1:15 | Мужiе же праведнiи, тіи и отмстятъ има отмщенiемъ любодѣйницъ и отмщенiемъ проливающихъ кровь, яко любодѣйцы суть, и кровь въ рукахъ ихъ. |
23:46 | Сiя глаголетъ Адонаи Господь: приведи на нихъ народы и даждь на нихъ мятежъ и разграбленiе, |
23:47 См.: 🔗Иез. 16:40 | и вержи каменiе на нихъ, каменiе народовъ, и да избодутъ ихъ мечьми своими: сыны ихъ и дщери ихъ избiютъ и домы ихъ огнемъ сожгутъ: |
23:48 | и отвращу нечестiе от земли, и накажутся вся жены и не сотворятъ по нечестиемъ ихъ: |
23:49 | и дастся нечестiе ваше на вы: и [вся] грѣхи кумиръ вашихъ прiимете и уразумѣете, яко азъ Адонаи Господь. |