Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 31 | |
31:1 См.: 🔗1Пар. 10:1 | И иноплеменницы воеваху на Израиля, и бѣжаша мужiе Израилевы от лица иноплеменнича, и падаху язвеннiи на горѣ гелвуе. |
31:2 См.: 🔗1Цар. 14:49 | И снидошася иноплеменницы съ Сауломъ и съ сынми его, и убиша иноплеменницы Ионаѳана и Аминадава и Мелхисуа, сыны Сауловы. |
31:3 | И отяготѣ брань на Саула, и обрѣтоша его копейницы мужiе стрѣлцы, и уязвенъ бысть [саулъ] во утробу. |
31:4 | И рече Саулъ къ носящему оружiе его: изсуни мечь твой и прободи мя имъ, да не прiидутъ необрѣзаннiи сіи и избодутъ мя, и поругаются мнѣ. И не хотяше носяй оружiе его, яко убояся зѣло. И взя Саулъ мечь свой и паде на него. |
31:5 | И видѣ носяй оружiе его, яко умре Саулъ, и паде и той на мечь свой и умре съ нимъ. |
31:6 См.: 🔗1Цар. 28:19 🔗1Пар. 10:6 | И умре Саулъ и трiе сынове его, и носяй оружiе его, и вси мужiе его въ день той купно. |
31:7 См.: 🔗1Пар. 10:7 | И видѣша мужiе Израилстiи, иже объ онъ полъ юдоли и иже объ онъ полъ Иордана, яко бѣжаша мужiе Израилстiи, и яко умре Саулъ и сынове его, и оставиша грады своя и бѣжаша: и прiидоша иноплеменницы и вселишася въ нихъ. |
31:8 | И бысть на утрiе, и прiидоша иноплеменницы обнажити мертвыхъ, и обрѣтоша Саула и три сыны его падшыя на горѣ гелвуе, |
31:9 | и обратиша его, и сняша оружiе его, и отсѣкоша главу его, и послаша въ землю иноплеменничу окрестъ возвѣщающе идоломъ ихъ и людемъ ихъ: |
31:10 См.: 🔗2Цар. 21:12 | и положиша оружiе его у Астарта, тѣло же его воткнуша на стѣнѣ веѳсамли. |
31:11 См.: 🔗2Цар. 2:4 | И услышаша живущiи во Иависѣ Галаадитійстѣмъ, яже сотвориша иноплеменницы Саулу, |
31:12 См.: 🔗2Цар. 2:4 | и восташа вси мужiе сильнiи, и идоша всю нощь, и взяша тѣло Саулово и тѣло Ионаѳана сына его съ стѣны веѳсамски, и принесоша я во Иависъ, и сожгоша я тамо: |
31:13 См.: 🔗2Цар. 21:12 🔗1Пар. 10:12 | и взяша кости ихъ, и погребоша я въ дубравѣ яже во Иависѣ, и постишася седмь дній. |