Книга пророка Иеремии, глава 17

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 17
17:1 См.: 🔗Ис. 65:6	Грѣхъ Иудинъ написанъ есть писаломъ желѣзнымъ на ногти адамантовѣ, начертанъ на скрижали сердца ихъ и на розѣхъ олтарей ихъ.
17:2 См.: 🔗Иер. 11:13	Егда воспомянутъ сынове ихъ олтари своя и дубравы своя при­­ древѣ ли­с­т­вен­нѣ и на холмѣхъ высокихъ,
17:3 См.: 🔗Иер. 15:13	о, нагорный [жителю]! крѣпость твою и сокровища твоя въ расхищенiе дамъ, и высокая твоя, грѣхъ ради тво­ихъ, яже во всѣхъ предѣлѣхъ тво­ихъ,
17:4 См.: 🔗Иер. 15:14	и останешися единъ от­ наслѣдiя тво­его, еже дахъ тебѣ: и служити тя сотворю врагомъ тво­имъ въ земли, еяже не вѣси: яко огнь разжеглъ еси въ ярости мо­ей, даже во вѣкъ горѣти будетъ. Сiя глаголетъ Господь:
17:5 См.: 🔗Пс. 117:8 🔗Прит. 29:25 🔗Ис. 31:1	проклятъ человѣкъ, иже надѣет­ся на человѣка и утвердитъ плоть мышцы сво­ея на немъ, и от­ Господа от­ступитъ сердце его:
17:6 См.: 🔗Ис. 1:30 🔗Иер. 48:6	и будетъ яко дивiя мирика въ пустыни и не узритъ, егда прiидутъ благая, и обитати будетъ въ сухотѣ и въ пустыни, въ земли сланѣй и необитаемѣй.
17:7 См.: 🔗Пс. 2:12 🔗Прит. 16:20 🔗Ис. 30:18	И благословенъ человѣкъ, иже надѣет­ся на Господа, и будетъ Господь упованiе его:
17:8 См.: 🔗Пс. 1:3	и будетъ яко древо насажден­ное при­ водахъ, и во влагѣ пуститъ коренiе свое: не убо­ит­ся, егда прiидетъ зной, и будетъ на немъ стеблiе зелено, и во время бездождiя не устрашит­ся и не престанетъ творити плода.
17:9 См.: 🔗Пс. 63:7	Глубоко сердце [человѣку] паче всѣхъ, и человѣкъ есть, и кто познаетъ его?
17:10 См.: 🔗1Цар. 16:7 🔗1Пар. 28:9 🔗Пс. 7:10 🔗Прит. 17:3 🔗Иер. 11:20 🔗Иер. 20:12 🔗Отк. 2:23	Азъ Господь испытуяй сердца и искушаяй утробы, еже воз­дати комуждо по пути его по плодомъ изобрѣтенiй его.
17:11	Возгласи рябъ, собра, ихже не роди, творяй богат­ст­во свое не съ судомъ: въ преполовенiи дній сво­ихъ оставитъ е и на послѣдокъ свой будетъ безуменъ.
17:12 См.: 🔗Иер. 14:21	Престолъ славы воз­вышенъ от­ начала, мѣсто святыни на­шея.
17:13 См.: 🔗Иер. 2:13 🔗Иер. 14:8 🔗Ин. 4:14 🔗Ин. 8:6	Чаянiе Израилево, Господи! вси оставляющiи тя да постыдят­ся, от­ступающiи [от­ тебе] на земли да напишут­ся, яко оставиша источникъ живыхъ водъ, Господа.
17:14	Исцѣли мя, Господи, и исцѣлѣю: спаси мя, и спасенъ буду, яко хвала моя ты еси.
17:15 См.: 🔗Ис. 5:19	Се, тіи глаголютъ ко мнѣ: гдѣ есть слово Господне? да прiидетъ.
17:16 См.: 🔗Иов. 32:21 🔗1Кор. 4:3	Азъ же не утрудихся, тебѣ [пастырю] послѣдуяй, и дне человѣча не пожелахъ: ты вѣси исходящая от­ устенъ мо­ихъ, предъ лицемъ тво­имъ суть:
17:17 См.: 🔗Иер. 16:19	не буди ми во от­чужденiе, упованiе мое ты въ день лютъ.
17:18 См.: 🔗Иер. 20:11	Да постыдят­ся гонящiи мя, азъ же да не постыждуся: да устрашат­ся тіи, азъ же да не устрашуся: наведи на нихъ день озлобленiя, сугубымъ сокрушенiемъ сотри ихъ.
17:19 См.: 🔗Ис. 29:21	Сiя глаголетъ Господь ко мнѣ: иди и стани во вратѣхъ сыновъ людій тво­ихъ, имиже входятъ царiе Иудины и исходятъ, и во всѣхъ вратѣхъ Иерусалимскихъ и речеши къ нимъ:
17:20	слышите слово Господне, царiе Иудины и вся Иудеа и весь Иерусалимъ, входящiи во врата сiя.
17:21 См.: 🔗Неем. 13:19 🔗Ин. 5:9	Сiя глаголетъ Господь: сохраните душы вашя и не носите бременъ въ день субботъ, и не исходите враты Иерусалима,
17:22 См.: 🔗Исх. 20:8 🔗Иез. 20:12	и не износите бременъ изъ домовъ вашихъ въ день субботный, и всякаго дѣла не творите: освятите день субботный, якоже заповѣдахъ отцемъ вашымъ:
17:23 См.: 🔗Иер. 7:24	и не услышаша, ни при­­клониша уха сво­его, но ожесточиша выи своя паче отецъ сво­ихъ, да не услышатъ мя и да не прiимути наказанiя.
17:24 См.: 🔗Ис. 56:2 🔗Ис. 58:13	И будетъ, аще послушаете мене, глаголетъ Господь, еже не вносити бременъ во врата града сего въ день субботный, и святити день субботный, не творити въ онь всякаго дѣла,
17:25 См.: 🔗Иер. 22:4	и внидутъ во врата града сего царiе и началницы, сѣдящiи на престолѣ давидовѣ и восходящiи на колесницахъ и конехъ сво­ихъ, тіи и началницы ихъ, мужiе Иудины и обитателiе Иерусалима: и обитати будутъ во градѣ семъ во вѣки:
17:26 См.: 🔗Иер. 32:44	и прiидутъ от­ градовъ Иудиныхъ и от­ окрестныхъ Иерусалима, и от­ земли Венiамини и от­ польныхъ, и от­ горнихъ и от­ юга, носяще всесожженiя и жертву, и ѳимiамъ и манау {даръ} и Ливанъ, носяще хвалу въ домъ Господень.
17:27 См.: 🔗Ис. 1:31 🔗Ам. 5:6 🔗Иер. 21:14	И будетъ, аще не послушаете мене еже святити день субботный и не носити бременъ, ниже входити вратами Иерусалима въ день субботный, то зажгу огнь во вратѣхъ его, и пожретъ домы Иерусалимли и не угаснетъ.