Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 35 | |
35:1 См.: 🔗Быт. 28:13 | Рече же Богъ ко Иакову: воставъ взыди на мѣсто Веѳиль, и живи тамо, и сотвори тамо жертвенникъ Богу явльшемуся тебѣ, егда бѣжалъ еси от лица Исава брата твоего. |
35:2 | Рече же Иаковъ дому своему и всѣмъ иже съ нимъ: поверзите боги чуждыя, иже съ вами, от среды васъ и очиститеся, и измѣните ризы своя: |
35:3 | и воставше взыдемъ въ Веѳиль и сотворимъ тамо жертвенникъ Богу послушавшему мене въ день скорбѣнiя, Иже бѣ со мною и спасе мя на пути, въ оньже ходихъ. |
35:4 См.: 🔗Нав. 24:26 🔗Суд. 9:6 | И вдаша Иакову боги чуждыя, иже бяху въ рукахъ ихъ, и усерязи яже во ушесѣхъ ихъ: и скры я Иаковъ подъ теревинѳомъ иже въ Сикимѣхъ: и погуби я до днешняго дне. |
35:5 См.: 🔗Исх. 23:27 🔗1Цар. 14:15 | И воздвижеся Израиль от Сикимовъ, и бысть страхъ Божiй на градѣхъ, иже окрестъ ихъ: и не гнаша вслѣдъ сыновъ Израилевыхъ. |
35:6 См.: 🔗Быт. 12:8 🔗Быт. 28:19 | Прiиде же Иаковъ въ Лузу, яже есть въ земли Ханаанстѣй, яже есть Веѳиль, самъ и вси людiе, иже бяху съ нимъ, |
35:7 См.: 🔗Быт. 28:13 | и созда тамо жертвенникъ, и прозва имя мѣсту тому Веѳиль: тамо бо явися ему Богъ, егда бѣжаше онъ от лица Исава брата своего. |
35:8 См.: 🔗1Пар. 10:12 | Умре же Девора, доилица Ревеккина, и погребоша ю ниже Веѳиля подъ дубомъ, и прозва имя ему дубъ плача. |
35:9 | Явися же Богъ Иакову еще въ Лузѣ, егда прiиде от Месопотамiи Сирскiя, и благослови его Богъ |
35:10 См.: 🔗Быт. 32:28 | и рече ему Богъ: имя твое не прозовется ктому Иаковъ, но Израиль будетъ имя тебѣ. И нарече имя ему Израиль. |
35:11 См.: 🔗Быт. 1:28 🔗Быт. 17:1 | Рече же ему Богъ: Азъ Богъ твой: расти и множися: языцы и собранiя языковъ будутъ от тебе, и царiе изъ чреслъ твоихъ изыдутъ: |
35:12 См.: 🔗Быт. 12:7 | и землю, юже дахъ Аврааму и Исааку, тебѣ дахъ ю, тебѣ будетъ, и сѣмени твоему по тебѣ дамъ землю сiю. |
35:13 См.: 🔗Быт. 17:22 | Взыде же Богъ от него от мѣста, идѣже глагола съ нимъ: |
35:14 См.: 🔗Быт. 28:18 | и постави Иаковъ столпъ на мѣстѣ, идѣже глагола съ нимъ Богъ, столпъ каменный, и пожре на немъ жертву и возлiя на него елей: |
35:15 См.: 🔗Быт. 28:19 | и прозва Иаковъ имя мѣсту тому, идѣже глагола съ нимъ Богъ, Веѳиль. |
35:16 | [Воставъ же [Иаковъ] от Веѳиля, и постави кущу свою далѣе столпа Гадеръ.] Бысть же егда приближися къ хавраѳѣ прiити до земли Ефраѳа, роди Рахиль и возбѣдствова въ рожденiи: |
35:17 См.: 🔗1Цар. 4:20 | бысть же внегда жестоко ей родити, рече ей баба: дерзай, ибо сей тебѣ есть сынъ. |
35:18 | Бысть же егда оставляше ю душа, умираше бо, прозва имя ему Сынъ болѣзни моея: отецъ же прозва имя ему Венiаминъ. |
35:19 См.: 🔗Быт. 48:7 | Умре же Рахиль, и погребоша ю на пути ипподрома Ефраѳы: сiя есть Виѳлеемъ: |
35:20 См.: 🔗1Мак. 13:27 🔗1Цар. 10:2 | и постави Иаковъ столпъ на гробѣ ея: сей есть столпъ надъ гробомъ Рахилинымъ даже до дне сего. |
35:21 См.: 🔗Мих. 4:8 | Изыде же оттуду Израиль и постави кущу свою за столпомъ Гадеръ. |
35:22 См.: 🔗Быт. 49:4 | Бысть же егда вселися Израиль въ земли той, иде Рувимъ и спа съ Валлою, наложницею отца своего Иакова. И слыша Израиль, и зло явися предъ нимъ. Бѣша же сынове Иаковли дванадесять. |
35:23 См.: 🔗Быт. 46:8 🔗Исх. 1:2 | Сынове Ліины: Рувимъ, первенецъ Иаковль, Симеонъ, Левій, Иуда, Иссахаръ, Завулонъ. |
35:24 См.: 🔗Быт. 30:23 | Сынове же Рахилины: Иосифъ и Венiаминъ. |
35:25 См.: 🔗Быт. 30:5 | Сынове же Валлы, рабы Рахилины: Данъ и Нефѳалимъ. |
35:26 См.: 🔗Быт. 30:9 | Сынове же Зелфы, рабы Ліины: Гадъ и Асиръ. Сіи сынове Иаковли, иже родишася ему въ Месопотамiи Сирстѣй. |
35:27 См.: 🔗Быт. 23:2 🔗Быт. 14:13 | Прiиде же Иаковъ ко Исааку отцу своему [еще живу сущу ему] въ Мамврію, во Градъ Польный: сей есть Хевронъ въ земли Ханаанстѣй, идѣже обита Авраамъ и Исаакъ. |
35:28 | Быша же дніе Исааковы, яже поживе, сто осмьдесятъ лѣтъ: |
35:29 См.: 🔗Быт. 25:9 | и ослабѣвъ Исаакъ умре, и приложися къ роду своему старъ исполнь дній: и погребоста его Исавъ и Иаковъ, сынове его. |