Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 2 | |
2:1 См.: 🔗1Цар. 23:2 🔗1Цар. 30:7 | И бысть по сихъ, и вопроси давидъ Господа, глаголя: вниду ли въ единъ от градовъ Иудиныхъ? И рече Господь къ нему: и вниди. И рече давидъ: камо вниду? И рече: въ Хевронъ. |
2:2 См.: 🔗1Цар. 25:42 | И иде тамо давидъ въ Хевронъ, и обѣ жены его, Ахинаамъ Иезраилитыня и Авигеа [бывшая] жена Навала кармилскаго, |
2:3 | и мужiе иже съ нимъ кійждо, и домове ихъ, и начаша жити во градѣхъ Хевронскихъ. |
2:4 См.: 🔗1Цар. 31:11 🔗1Мак. 2:57 | И прiидоша мужiе от Иудеи и помазаша тамо давида, да царствуетъ надъ домомъ Иудинымъ. И возвѣстиша давиду, глаголюще: яко мужiе Иависа Галаадититскаго погребоша Саула. |
2:5 См.: 🔗1Цар. 15:13 | И посла давидъ послы къ старѣйшинамъ Иависа Галаадититскаго и рече къ нимъ давидъ: благословени вы Господу, яко сотвористе милость сiю надъ господиномъ вашимъ Сауломъ, христомъ Господнимъ, и погребосте его и Ионаѳана сына его: |
2:6 | и нынѣ да сотворитъ Господь съ вами милость и истину: и азъ сотворю съ вами сiе благое, понеже сотвористе глаголъ сей: |
2:7 | и нынѣ да укрѣпятся руки вашя, и да будете сынове сильнiи, яко умре господинъ вашъ Саулъ, мене же помаза домъ Иудинъ, да царствую надъ ними. |
2:8 См.: 🔗1Цар. 14:50 🔗1Цар. 17:55 | И Авениръ сынъ нировъ, началный воевода Сауловъ, взя Иевосѳеа сына Сауля, и изведе его изъ полка въ Манаемъ, |
2:9 См.: 🔗Чис. 32:40 🔗Нав. 19:18 | и воцари его надъ Галаадитiею и надъ Ѳасиріею и надъ Иезраилемъ и надъ Ефремомъ и надъ Венiаминомъ и надъ всѣмъ Израилемъ. |
2:10 | Четыредесять лѣтъ Иевосѳею бѣ сыну Саулову, егда нача царствовати надъ Израилемъ, и два лѣта царствова, кромѣ дому Иудина, иже бысть за давидомъ. |
2:11 См.: 🔗2Цар. 5:5 | И быша дніе, въ няже давидъ царствова въ Хевронѣ надъ домомъ Иудинымъ, седмь лѣтъ и шесть месяцъ. |
2:12 См.: 🔗Нав. 9:3 🔗Нав. 21:17 | И изыде Авениръ сынъ нировъ и отроцы Иевосѳеа сына Сауля изъ Манаема въ гаваонъ. |
2:13 См.: 🔗Иер. 41:12 | И Иоавъ сынъ саруіевъ и отроцы давидовы изыдоша от Хеврона и срѣтошася съ ними у потока гаваоня купно, и сѣдоша сіи надъ потокомъ отсюду, и тіи оттуду. |
2:14 | И рече Авениръ ко Иоаву: да востанутъ нынѣ отроцы и да поиграютъ предъ нами. И рече Иоавъ: да востанутъ. |
2:15 | И восташа и преидоша от отрокъ Венiаминовыхъ, числомъ дванадесять Иевосѳеа сына Сауля, и от отрокъ давидовыхъ дванадесять: |
2:16 | и взя кійждо рукою за главу искренняго своего, и мечь его въ ребра искренняго его, и падоша вкупѣ: и наречеся имя мѣсту тому часть навѣтниковъ, яже есть въ гаваонѣ. |
2:17 | И бысть брань жестока зѣло въ той день: и паде Авениръ и мужiе Израилстiи предъ отроки давидовы. |
2:18 См.: 🔗1Пар. 2:16 | И быша тамо три сынове саруиевы, Иоавъ и Авесса и Асаилъ: Асаилъ же бѣ легокъ ногама своима, яко едина серна от сущихъ на селѣ. |
2:19 | И погна Асаилъ вслѣдъ Авенира, и не уклонися ни на десно ни на лѣво, но вслѣдъ Авенира: |
2:20 | и озрѣся Авениръ назадъ себе и рече: ты ли еси самъ, Асаиле? И рече: азъ есмь. |
2:21 | И рече ему Авениръ: уклонися ты на десно или на шуее, и возми себѣ единаго от отрокъ, и возми себѣ все оружiе его. И не восхотѣ Асаилъ уклонитися от него. |
2:22 | И приложи еще Авениръ глаголати ко Асаилу: отступи от мене, да не поражу тя о землю: и како явлю лице мое ко Иоаву? |
2:23 См.: 🔗2Цар. 3:27 | и гдѣ суть сiя? возвратися ко Иоаву брату твоему. И не хотяше отступити. И удари его Авениръ копiемъ созади въ лядвiя: и пройде копiе сквозѣ его, и паде тамо и умре предъ нимъ: и бысть всякъ приходяй до мѣста, идѣже паде Асаилъ и умре, и остановляшеся. |
2:24 | И погнаша Иоавъ и Авесса вслѣдъ Авенира, и солнце заходяше: и тіи прiидоша даже до холма Амма, иже есть предъ лицемъ гаи, путь пустыни гаваони. |
2:25 | И собрашася сынове Венiаминовы за Авениромъ и быша въ снитiи единѣмъ, и сташа на версѣ холма единаго. |
2:26 | И воззва Авениръ ко Иоаву и рече: еда въ побѣду поястъ мечь? или не вѣси, яко горька будутъ послѣдняя? и доколѣ не речеши людемъ возвратитися созади братiй нашихъ? |
2:27 | И рече Иоавъ: живъ Господь, яко, аще бы не реклъ еси, тогда от утра бы людiе мои престали гоняще кійждо вслѣдъ брата своего. |
2:28 См.: 🔗2Цар. 18:16 | И воструби Иоавъ трубою, и сташа вси людiе, и не погнаша вслѣдъ Израилтянъ, и не приложиша ктому ратовати. |
2:29 | Авениръ же и мужiе его идоша на западъ всю нощь ону, и преидоша Иорданъ, и проидоша всю страну ту, и прiидоша въ полкъ. |
2:30 | И Иоавъ возвратися вспять от Авенира, и собра вся люди, и исчислиша отрокъ давидовыхъ [падшихъ] девятьнадесять мужей, и Асаила. |
2:31 | Отроцы же давидовы убиша сыновъ Венiаминихъ мужей Авенировыхъ триста и шестьдесятъ мужей. |
2:32 | И взяша Асаила, и погребоша его во гробѣ отца его въ Виѳлеемѣ. И иде Иоавъ и мужiе его съ нимъ всю нощь, и освѣтоша въ Хевронѣ. |