Книга Иудифи, глава 1 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1	Лѣта втораго­на­де­сять цар­ст­ва навуходоносора, иже цар­ст­вова надъ Ассиріаны въ Ниневіи градѣ велицѣмъ, во дни Арфаксада, иже цар­ст­вова надъ мидяны во екватанѣхъ
1:2	и созда во екватанѣхъ окрестъ стѣны от­ каменей тесаныхъ въ широту лактей трiехъ, а въ долготу лактей шести, и сотвори высоту стѣны лактей седмидесяти, а широту ея лактей пятидесяти:
1:3	и столпы ея постави на вратѣхъ его лактей сто, и широту ихъ основа на лактей шестьдесятъ:
1:4	и сотвори врата его врата воз­движена въ высоту лактей седмьдесятъ, а широту ихъ лактей четыредесять ко исходу силъ сильныхъ его и устро­ениемъ пѣшцевъ его:
1:5	и сотвори брань во дни оны царь навуходоносоръ на царя Арфаксада на поли велицѣмъ, еже есть въ предѣлѣхъ Рагавлихъ.
1:6	И собрашася къ нему вси живущiи въ горней и вси обитающiи при­­ Евфратѣ и Тигрѣ и идаспи и на поли Арiоха царя Елимеонска, и собрашася языцы мнози зѣло на ополченiе сыновъ хеле­удихъ.
1:7	И посла навуходоносоръ царь Ассирійскiй ко всѣмъ обитающымъ въ персидѣ и ко всѣмъ живущымъ къ западомъ, обитающымъ въ киликіи и дамасцѣ, и Ливанѣ и антиливанѣ, и ко всѣмъ живущымъ на лицы при­­морiя,
1:8	и къ сущымъ во языцѣхъ кармила и въ Галаадѣ, и въ вышней Галилеи и на велицѣмъ поли есдрилона,
1:9	и ко всѣмъ сущымъ въ самаріи и градѣхъ ея, и объ онъ полъ Иордана даже до Иерусалима и ветани, и хелла и Кадиса, и рѣки Египетскiя и тафны, и Рамесси и всея земли Гесемскiя,
1:10	дондеже прiити выше таниса и мемфиса, и ко всѣмъ обитающымъ во Египтѣ, дондеже прiити на предѣлы еѳiопiи.
1:11	И ни во что вмѣниша вси обитающiи по всей земли слово навуходоносора царя Ассирійска, и не снидошася къ нему на брань, понеже не бояшася его, но бысть предъ ними аки мужъ единъ: и воз­вратиша послан­никовъ его тщихъ со безчестiемъ от­ лица сво­его.
1:12	И разъярися навуходоносоръ на всяку землю сiю зѣло, и клят­ся престоломъ и цар­ст­вомъ сво­имъ всячески от­мстити всѣмъ предѣломъ киликіи и Дамаска и сиріи, погубити мечемъ сво­имъ и вся живущыя въ земли Моавли и сыны Аммони, и всю Иудею и всѣхъ сущихъ во Египтѣ, дондеже прiити на предѣлы двухъ морь.
1:13	И ополчися въ силѣ сво­ей на Арфаксада царя въ лѣто седмо­е­на­де­сять, и одолѣ на брани сво­ей, и побѣди всю силу Арфаксадову и всю кон­ницу его и вся колесницы его,
1:14	и воз­облада градами его: и прiиде даже до екватанъ, и одержа столпы, и плѣни стогны его, и красоту его положи во уничиженiе его:
1:15	и взя Арфаксада на горахъ Рагавлихъ, и избоде его сулицами сво­ими, и истреби его даже въ день оный:
1:16	и воз­вратися съ ними въ Ниневію самъ и все при­­совокупленiе его, множе­с­т­во мужей ратныхъ многое зѣло, и бѣ тамо почивая и пирше­ст­вуя самъ и сила его дній сто двадесять.