Книга пророка Даниила, глава 4

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 4
4:1	Азъ навуходоносоръ обилуяй бѣхъ въ дому мо­емъ и благоцвѣтый на престолѣ мо­емъ:
4:2 См.: 🔗Дан. 2:1	сонъ видѣхъ, и устраши мя, и смятохся на ложи мо­емъ, и видѣнiя главы мо­ея смятоша мя:
4:3	и мною положися повелѣнiе, при­­вести предъ мя вся мужы мудрыя вавилонскiя, да сказанiе сна воз­вѣстятъ мнѣ.
4:4	И вхождаху обаятелiе, волсви, газарини, халдее, и сонъ азъ рѣхъ предъ ними, и сказанiя его не воз­вѣстиша ми,
4:5 См.: 🔗Иез. 28:3	дондеже вниде [предъ мя] данiилъ, емуже имя Валтасаръ, по именiя бога мо­его, иже Духа Божiя свята имать въ себѣ, и сонъ предъ нимъ рѣхъ:
4:6 См.: 🔗Дан. 2:47	Валтасаре, княже обаятелей, егоже азъ разумѣхъ, яко Духъ Божiй святый имаши, и всякая тайна не изнемогаетъ предъ тобою, слыши видѣнiе сна мо­его, еже видѣхъ, и сказанiе его повѣждь мнѣ.
4:7 См.: 🔗Иез. 31:3	И видѣнiе главы мо­ея на ложи мо­емъ зрѣхъ, и се, древо средѣ земли, и высота его велика:
4:8	и воз­величися древо то и укрѣпися, и высота его досяза­ше до небесе, и величина его до конецъ земли всея,
4:9 См.: 🔗Иез. 31:6	ли­ст­вiе его прекрасное, и плодъ его многъ, и пища всѣхъ въ немъ, и подъ нимъ вселяхуся вси звѣрiе дивiи, и въ вѣтвехъ его живяху [вся] птицы небесныя, и от­ него пита­шеся всяка плоть.
4:10 См.: 🔗Пс. 33:8 🔗Пс. 90:11	Видѣхъ во снѣ нощiю на ложи мо­емъ, и се, бодрый и святый от­ небесе сниде
4:11 См.: 🔗Иер. 8:13	и воз­гласи крѣпцѣ и тако рече: посѣцыте древо и обійте вѣтви его, и от­трясите ли­ст­вiе его и разсыплите плодъ его, да позыблют­ся звѣрiе подъ нимъ и птицы съ вѣтвiй его:
4:12 См.: 🔗Иов. 14:7	точiю от­расль коренiя его въ земли оставите, и во узѣ желѣзнѣ и мѣднѣ, и во злацѣ внѣшнемъ и въ росѣ небеснѣй вселит­ся, и со звѣрьми [дивiими] часть его во травѣ земнѣй:
4:13	сердце его от­ человѣкъ измѣнит­ся, и сердце звѣрино даст­ся ему, и седмь временъ измѣнят­ся надъ нимъ:
4:14 См.: 🔗Пс. 112:7	изрѣченiемъ бодраго слово, и глаголъ святыхъ прошенiе: да увѣдятъ живущiи, яко владѣетъ вышнiй цар­ст­вомъ человѣческимъ, и емуже восхощетъ, дастъ е, и уничтожен­ное человѣковъ воз­ставитъ надъ нимъ.
4:15 См.: 🔗Дан. 1:17 🔗Дан. 6:3	Сей сонъ, егоже видѣхъ азъ навуходоносоръ царь: ты же, Валтасаре, сказанiе его повѣждь, яко вси мудрiи цар­ст­ва мо­его не могутъ сказанiя его повѣдати мнѣ, ты же, данiиле, можеши, яко Духъ Божiй святъ въ тебѣ.
4:16	Тогда данiилъ, емуже имя Валтасаръ, ужасеся аки на единъ часъ, и размышленiя его смущаху его. И от­вѣща царь и рече: Валтасаре, сонъ мой и сказанiе его да не смущаетъ тебе. И от­вѣща Валтасаръ и рече: господине, да будетъ сонъ сей ненавидящымъ тя, и сказанiе его врагомъ тво­имъ.
4:17 См.: 🔗Иез. 31:3 🔗Пс. 36:35	Древо, еже видѣлъ еси воз­величив­шееся и укрѣпив­шееся, егоже высота досяза­ше до небесе и величина его на всю землю,
4:18	и ли­ст­вiе его благоцвѣтное и плодъ его многъ, и пища всѣмъ въ немъ, подъ нимъ живяху звѣрiе дивiи, и въ вѣтвехъ его угнѣздяхуся птицы небесныя:
4:19 См.: 🔗Дан. 2:38 🔗Дан. 5:18	ты еси, царю, яко воз­величил­ся еси и укрѣпѣлъ, и величе­с­т­во твое воз­величися и досяже небесе, и власть твоя до конецъ земли.
4:20	И яко видѣ царь бодраго и святаго сходяща съ небесе, и рече: посѣцыте древо и разсыплите е, точiю прониченiе коренiя его въ земли оставите, и во узѣ желѣзнѣ и мѣдянѣ и во злацѣ внѣшнемъ и въ росѣ небеснѣй водворит­ся, и со звѣрьми дивiими часть его, дондеже седмь временъ премѣнят­ся надъ нимъ:
4:21	сiе сказанiе его, царю, и изрѣченiе вышняго есть, еже при­­спѣ на господина мо­его царя:
4:22 См.: 🔗Дан. 5:21	изженутъ тя от­ человѣкъ, и съ дивiими звѣрьми будетъ житiе твое, и травою аки вола напитаютъ тя, и от­ росы небесныя тѣло твое оросит­ся, и седмь временъ измѣнят­ся надъ тобою, дондеже увѣси, яко владѣетъ вышнiй цар­ст­вомъ человѣческимъ, и емуже восхощетъ, дастъ е.
4:23	А еже рече: оставите прониченiе коренiя древа [въ земли]: цар­ст­во твое тебѣ будетъ, от­нелѣже увѣси власть небесную.
4:24 См.: 🔗Сир. 3:1	Сего ради, царю совѣтъ мой да будетъ тебѣ угоденъ, и грѣхи твоя милостынями искупи и неправды твоя щедротами убогихъ: негли будетъ долготерпѣливъ грѣхомъ тво­имъ Богъ.
4:25	Сiя вся постигоша навуходоносора царя.
4:26	По двою­на­де­ся­ти месяцѣхъ въ дому цар­ст­ва сво­его, въ Вавилонѣ бѣ ходя,
4:27 См.: 🔗Дан. 5:20	от­вѣща царь и рече: нѣсть ли сей Вавилонъ великiй, егоже азъ соградихъ въ домъ цар­ст­ва, въ державѣ крѣпости мо­ея, въ честь славы мо­ея?
4:28 См.: 🔗Деян. 12:23 🔗Иез. 31:11	Еще слову сущу во устѣхъ царя, гласъ съ небесе бысть: тебѣ глаголет­ся, навуходоносоре царю: цартво твое прейде от­ тебе,
4:29 См.: 🔗Дан. 4:22 🔗Дан. 5:21	и от­ человѣкъ от­женутъ тя, и со звѣрьми дивiими житiе твое, и травою аки вола напитаютъ тя и седмь временъ измѣнят­ся на тебѣ, дондеже увѣси, яко владѣетъ вышнiй цар­ст­вомъ человѣческимъ, и емуже восхощетъ, дастъ е.
4:30 См.: 🔗Дан. 5:21	Въ той часъ слово скончася на цари навуходоносорѣ, и от­ человѣкъ от­гнася, и траву аки волъ ядяше, и от­ росы небесныя тѣло его оросися, дондеже власи ему яко льву воз­растоша и ногти ему аки птицамъ.
4:31 См.: 🔗Дан. 2:44 🔗Дан. 7:14	И по скончанiи тѣхъ дній, азъ навуходоносоръ очи сво­и на небо воз­двигъ, и умъ мой ко мнѣ воз­вратися, и вышняго благословихъ, и живущаго во вѣки похвалихъ и прославихъ, яко власть его власть вѣчна, и цар­ст­во его въ роды и роды,
4:32 См.: 🔗Иов. 9:12	и вси живущiи на земли ни во чтоже вмѣнишася, и по воли сво­ей творитъ въ силѣ небеснѣй и въ селенiи земнѣмъ: и нѣсть, иже воспротивит­ся руцѣ его и речетъ ему: что сотворилъ еси?
4:33	Въ то время умъ мой воз­вратися ко мнѣ, и въ честь цар­ст­ва мо­его прiидохъ, и зракъ мой воз­вратися ко мнѣ, и началницы мо­и и вельможи мо­и искаху мене: и въ цар­ст­вѣ мо­емъ утвердихся, и величе­с­т­во изобилнѣе при­­ложися мнѣ.
4:34 См.: 🔗Пс. 110:7	Нынѣ убо азъ навуходоносоръ хвалю и превоз­ношу и славлю Царя небеснаго, яко вся дѣла его истин­на, и путiе его судьбы, и вся ходящыя въ гордости можетъ смирити.