Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 14 | |
14:1 | Во время оно разболѣся Авіа сынъ иеровоамль. |
14:2 См.: 🔗3Цар. 11:31 | И рече иеровоамъ къ женѣ своей: востани и измѣни ризы своя, да не познаютъ, яко ты жена иеровоамова, и иди въ Силомъ: се бо, тамо Ахіа пророкъ: той глагола мнѣ еже царствовати надъ людьми сими: |
14:3 См.: 🔗1Цар. 9:7 | и возми въ руцѣ твои человѣку Божiю десять хлѣбовъ, и опрѣсноки чадомъ его, и гроздiе и сосудъ меда, и иди къ нему: той возвѣститъ ти, что будетъ отрочати. |
14:4 | И сотвори тако жена иеровоамля: и воста и иде въ Силомъ, и вниде въ домъ Ахіинъ: человѣкъ же старъ бяше еже видѣти, и притупистася очи его от старости его. |
14:5 | И рече Господь ко Ахіи: се, жена иеровоамова входитъ вопрошати тя о сынѣ своемъ, яко болѣзнуетъ: по сему и по сему да глаголеши къ ней. И бысть внегда внити ей, и она странноявляшеся. |
14:6 | И бысть егда услыша Ахіа шумъ ногъ ея, входящей ей во врата, и рече: вниди, жено иеровоамова, почто ты тако странноявляешися? азъ бо есмь посланникъ къ тебѣ жестокъ: |
14:7 | шедши рцы иеровоаму: сiя глаголетъ Господь Богъ Израилевъ: понеже толико вознесохъ тя от среды людій, и дахъ тя вожда надъ людьми моими Израилемъ, |
14:8 См.: 🔗3Цар. 11:31 | и раздрахъ царство от дому давидова, и дахъ е тебѣ, ты же не былъ еси якоже рабъ мой давидъ, иже сохрани заповѣди моя, и иже хождаше вслѣдъ мене всѣмъ сердцемъ своимъ, еже творити всякую правоту предъ очима моима, |
14:9 См.: 🔗Неем. 9:26 | и излукавствовалъ еси, еже творити паче всѣхъ елицы быша предъ лицемъ твоимъ, и пошелъ еси и сотворилъ еси себѣ боги чужды и слiяны, еже раздражити мя, и отверглъ мя еси назадъ себе: |
14:10 См.: 🔗3Цар. 15:29 | сего ради се, азъ навожду злая на домъ иеровоамовъ, и потреблю иеровоамля мочащаго къ стѣнѣ, держащагося и оставленаго во Израили, и истреблю домъ иеровоамовъ, якоже истребляется гной, дондеже скончатися ему: |
14:11 | умершихъ иеровоамлихъ во градѣ снѣдятъ пси, и умершаго на селѣ снѣдятъ птицы небесныя, яко Господь глагола: |
14:12 | ты же воставши иди въ домъ твой: внегда входити ногама твоима во градъ, умретъ дѣтищь, |
14:13 | и восплачется по немъ весь Израиль, и погребутъ его, яко той единъ внидетъ иеровоаму во гробъ, яко обрѣтеся въ немъ глаголъ благъ о Господѣ Бозѣ Израилевѣ въ дому иеровоамли: |
14:14 См.: 🔗3Цар. 15:29 | и возставитъ Господь себѣ царя надъ Израилемъ, иже поразитъ домъ иеровоамовъ въ сей день: а что, и нынѣ? |
14:15 См.: 🔗2Пар. 13:17 🔗4Цар. 17:6 | и поразитъ Господь Богъ Израиля, якоже колеблется трость на водѣ: и истребитъ Израиля свыше земли благія сея, юже даде отцемъ ихъ, и завѣетъ ихъ за ону страну рѣки, понеже сотвориша дубравы своя, прогнѣвляюще Господа, |
14:16 См.: 🔗3Цар. 12:28 | и предастъ Господь Израиля за грѣхи иеровоамли, иже согрѣши и иже во грѣхъ введе Израиля. |
14:17 См.: 🔗3Цар. 11:26 🔗3Цар. 16:8 | И воста жена иеровоамля и прiиде во сариру. И бысть егда вниде въ преддверiе дому, и дѣтищь умре. |
14:18 См.: 🔗3Цар. 14:13 🔗2Пар. 10:15 | И погребоша его, и плакашася его весь Израиль по словеси Господню, еже глагола рукою раба своего Ахіи пророка. |
14:19 См.: 🔗2Пар. 10:15 🔗2Пар. 13:2 | И останокъ словесъ иеровоамовыхъ, елика ратоваше и елика царствоваше, се, сiя написана въ книзѣ словесъ дній царей Израилевыхъ. |
14:20 | И дніе, въ нихже царствова иеровоамъ, двадесять два лѣта: и успе со отцы своими, и воцарися наватъ сынъ его вмѣсто его. |
14:21 См.: 🔗2Пар. 12:13 | Ровоамъ же сынъ соломоновъ царствова надъ Иудою: бѣ четыредесяти и единаго лѣта, егда нача царствовати, и седмьнадесять лѣтъ царствова во Иерусалимѣ градѣ, егоже избра Господь положити имя свое тамо от всѣхъ племенъ Израилевыхъ. И имя матере его Наама Амманитяныня. |
14:22 См.: 🔗2Пар. 12:1 | И сотвори ровоамъ лукавое предъ Господемъ: и раздражи его о всѣхъ, яже сотвориша отцы ихъ, о грѣсѣхъ ихъ, имиже согрѣшиша: |
14:23 | и создаша сіи себѣ высокая, и столпы, и капища на всяцѣмъ холмѣ высоцѣмъ и подъ всяцѣмъ древомъ сѣновнымъ: |
14:24 | и смѣшенiе бѣ въ земли ихъ, и сотвориша от всѣхъ мерзостей языческихъ, яже отъя Господь от лица сыновъ Израилевыхъ. |
14:25 См.: 🔗2Пар. 12:2 | И бысть въ лѣто пятое царствующаго ровоама, взыде сусакимъ царь Египетскiй на Иерусалимъ |
14:26 См.: 🔗3Цар. 10:16 | и взя вся сокровища дому Господня и сокровища дому царева, и копiя златая, яже взя давидъ изъ руки отроковъ Адраазара царя сувскаго и внесе я во Иерусалимъ: вся сiя взя, и щиты златыя, яже сотвори соломонъ, и внесе я во Египетъ. |
14:27 См.: 🔗2Пар. 12:10 | И сотвори царь ровоамъ щиты мѣдяныя вмѣсто тѣхъ, и постави надъ ними властели от предходящихъ предъ нимъ, иже храняху врата дому царева: |
14:28 | и бысть егда вхождаше царь въ домъ Господень, и ношаху оныя предходящiи, и паки возвращаху тыя во оружехранилище предходящихъ. |
14:29 См.: 🔗2Пар. 12:15 | Прочая же словесъ ровоамлихъ, и вся яже сотвори, не се ли, сiя писана суть въ книзѣ словесъ дній царства Иудина? |
14:30 См.: 🔗3Цар. 15:6 | И брань бѣ между ровоамомъ и между иеровоамомъ во вся дни. |
14:31 См.: 🔗Втор. 31:16 🔗2Пар. 12:16 | И успе ровоамъ со отцы своими, и погребенъ бысть со отцы своими во градѣ давидовѣ. И воцарися Авіа сынъ его вмѣсто его. |