Книга пророка Иеремии, глава 12

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 12
12:1 См.: 🔗Иов. 21:7 🔗Пс. 72:3 🔗Авв. 1:13	Праведнъ еси, Господи, яко от­вѣщаю къ тебѣ: обаче судьбы воз­глаголю къ тебѣ: что, яко путь нечестивыхъ спѣет­ся, угобзишася вси творящiи беззаконiя?
12:2	Насадилъ еси ихъ, и укоренишася, чада сотвориша и сотвориша плодъ: близъ еси ты устъ ихъ, далече же от­ утробъ ихъ.
12:3 См.: 🔗Пс. 16:3	И ты, Господи, разумѣеши мя, видѣлъ мя еси и искусилъ еси сердце мое предъ тобою: собери ихъ яко овцы на заколенiе и очисти ихъ въ день заколенiя ихъ.
12:4 См.: 🔗Иер. 4:25 🔗Иер. 14:6 🔗Иер. 23:10	Доколѣ плакати имать земля, и трава вся селная изсхнетъ от­ злобы живущихъ на ней? Погибоша скоти и птицы, яко рекоша: не узритъ Богъ путій нашихъ.
12:5	Нозѣ тво­и текутъ и разслабляютъ тя: како уготовишися съ коньми? и въ земли мира тво­его уповалъ еси, како сотвориши въ шумѣ Иорданстѣмъ?
12:6 См.: 🔗Иер. 9:4 🔗Мк. 14:68	Понеже и братiя твоя и домъ отца тво­его, и сіи от­вергошася тебе и тіи возопиша, созади тебе собрашася: не вѣруй имъ, егда глаголати будутъ тебѣ благая.
12:7 См.: 🔗Мф. 23:38	Оставихъ домъ мой, оставихъ достоянiе мое, дахъ воз­люблен­ную душу мою въ руки враговъ ея:
12:8 См.: 🔗Пс. 78:1	бысть мнѣ достоянiе мое яко левъ въ дубравѣ, даде противу мене гласъ свой: сего ради воз­ненавидѣхъ е.
12:9 См.: 🔗Плч. 3:52 🔗Отк. 9:17	Не вертепъ ли венинъ достоянiе мое мнѣ, или пещера окрестъ его? Идите, соберите вся звѣри селныя, и да прiидутъ снѣсти е.
12:10 См.: 🔗Иер. 6:3	Пастырiе мнози растлиша виноградъ мой, оскверниша часть мою, даша часть желаемую мою въ пустыню непроходную,
12:11	положиша въ потребленiе пагубы: мене ради разоренiемъ разорена есть вся земля, яко ни единъ есть, иже размышляетъ сердцемъ.
12:12	Во всякiй путь пустыни прiидоша опустошающiи, яко мечь Господень поястъ от­ края земли даже до края ея: нѣсть мира всяцѣй плоти.
12:13 См.: 🔗Лев. 26:16 🔗Втор. 28:38 🔗Мих. 6:15 🔗Аг. 1:6	Посѣясте пшеницу, а тернiе пожасте: достоянiя ихъ не полезна будутъ имъ: постыдитеся стыдѣнiемъ от­ похваленiя ва­шего, от­ поношенiя предъ Господемъ.
12:14 См.: 🔗Иер. 32:37	Яко сiя глаголетъ Господь о всѣхъ сосѣдѣхъ лукавыхъ, при­­касающихся наслѣдiю мо­ему, еже раздѣлихъ людемъ мо­имъ Израилю: се, азъ исторгну ихъ от­ земли ихъ и домъ Иудинъ извергну от­ среды ихъ:
12:15	и будетъ, егда исторгну ихъ, обращуся и помилую ихъ, и вселю ихъ когождо въ достоянiе свое и когождо въ землю свою:
12:16 См.: 🔗Втор. 6:13 🔗Втор. 10:20 🔗Иер. 4:2	и будетъ, аще учащеся научат­ся путемъ людій мо­ихъ, еже клятися именемъ мо­имъ, живъ Господь, якоже научиша людій мо­ихъ клятися Вааломъ, и созиждут­ся посредѣ людій мо­ихъ:
12:17 См.: 🔗Ис. 60:12	аще же не послушаютъ, исторгну языкъ оный исторганiемъ и погубленiемъ, рече Господь.