Евангелие от Луки, глава 23

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 23
23:1 См.: 🔗Мф. 27:2 🔗Мк. 15:1 🔗Ин. 18:28	[Зач. 110.] И востав­ше все множе­с­т­во ихъ, ведоша Его къ Пилату.
23:2 См.: 🔗Мф. 22:21	Начаша же Нань вадити, глаголюще: Сего обрѣтохомъ развращающа языкъ нашъ и воз­браняюща кесареви дань даяти, глаголюща Себе Христа Царя быти.
23:3 См.: 🔗Мф. 27:11 🔗Мк. 15:2 🔗Ин. 18:33 🔗1Тим. 6:13 🔗Отк. 1:5	Пилатъ же вопроси Его, глаголя: Ты ли еси Царь Иудеомъ? Онъ же от­вѣщавъ рече ему: ты глаголеши.
23:4	Пилатъ же рече ко архiереомъ и народу: нико­еяже обрѣтаю вины въ человѣцѣ семъ.
23:5	Они же крѣпляхуся глаголюще, яко развращаетъ люди, учя по всеи Иудеи, наченъ от­ Галилеи до здѣ.
23:6	Пилатъ же слышавъ Галилею, вопроси, аще человѣкъ Галилеанинъ есть?
23:7	И разумѣвъ, яко от­ области Иродовы есть, посла Его ко Ироду, сущу и тому во Иерусалимѣ въ тыя дни.
23:8 См.: 🔗Лк. 9:9	Иродъ же видѣвъ Иисуса радъ бысть зѣло: бѣ бо желая от­ многа времене видѣти Его, зане слышаше многа о Немъ: и надѣяшеся знаменiе нѣкое видѣти от­ Него бываемо.
23:9	Вопроша­ше же Его словесы многими: Онъ же ничесоже от­вѣщава­ше ему.
23:10	Стояху же архiерее и книжницы, при­­лѣжно вадяще Нань.
23:11 См.: 🔗Ис. 53:3	Укоривъ же Его Иродъ съ вои сво­ими и поругався, оболкъ Его въ ризу свѣтлу, воз­врати Его къ Пилату.
23:12	Быста же друга Иродъ же и Пилатъ въ той день съ собою: прежде бо бѣста вражду имуща между собою.
23:13	Пилатъ же созвавъ архiереи и князи и люди,
23:14 См.: 🔗Мф. 27:23 🔗Мк. 15:14 🔗Ин. 18:38 🔗Ин. 19:4	рече къ нимъ: при­­ведосте ми Человѣка Сего, яко развращающа люди: и се азъ предъ вами истязавъ, ни единыя же обрѣтаю въ Человѣцѣ Семъ вины, яже Нань вадите:
23:15	но ни Иродъ: послахъ бо Его къ нему, и се ничтоже достойно смерти сотворено есть о Немъ:
23:16	наказавъ убо Его от­пущу.
23:17	Нужду же имяше на вся праздники от­пущати имъ единаго.
23:18 См.: 🔗Мф. 27:20 🔗Мк. 15:11 🔗Ин. 18:40 🔗Деян. 3:14	Возопиша же вси народи, глаголюще: воз­ми Сего, от­пусти же намъ Варавву.
23:19	Иже бѣ за нѣкую крамолу быв­шую во градѣ и убій­ст­во вверженъ въ темницу.
23:20	Паки же Пилатъ воз­гласи, хотя от­пустити Иисуса.
23:21	Они же воз­глашаху, глаголюще: распни, распни Его.
23:22	Онъ же третицею рече къ нимъ: что бо зло сотвори Сей? Ничесоже достойна смерти обрѣтохъ въ Немъ: наказавъ убо Его от­пущу.
23:23	Они же при­­лѣжаху гласы великими, просяще Его на распятiе: и устояху {превоз­могаху} гласи ихъ и архiерейстiи.
23:24	Пилатъ же посуди быти прошенiю ихъ:
23:25	от­пусти же быв­шаго за крамолу и убій­ст­во всаждена въ темницу, егоже прошаху: Иисуса же предаде воли ихъ.
23:26	И яко поведоша Его, емше Симона нѣко­его Киринеа, грядуща съ села, воз­ложиша нань крестъ, нести по Иисусѣ.
23:27	Идяше же вослѣдъ Его народъ многъ людей, и жены, яже и плакахуся и рыдаху Его.
23:28	Обращься же къ нимъ Иисусъ рече: дщери Иерусалимски, не плачитеся о Мнѣ, обаче себе плачите и чадъ вашихъ:
23:29	яко се дніе грядутъ, въ няже рекутъ: блажены неплоды, и утробы, яже не родиша, и сосцы, иже не до­иша.
23:30 См.: 🔗Ис. 2:19 🔗Ос. 10:8 🔗Отк. 6:16 🔗Отк. 9:6	Тогда начнутъ глаголати горамъ: падите на ны: и холмомъ: покрыйте ны.
23:31	Зане, аще въ суровѣ древѣ сiя творятъ, въ сусѣ что будетъ?
23:32	[Зач. 111.] Ведяху же и ина два злодѣя съ Нимъ убити.
23:33 См.: 🔗Мф. 27:33 🔗Мк. 15:22 🔗Ин. 19:17	И егда прiидоша на мѣсто, нарицаемое Лобное, ту распяша Его и злодѣя, оваго убо одесную, а другаго ошуюю.
23:34 См.: 🔗Пс. 21:19 🔗Мф. 5:44 🔗Мф. 27:35 🔗Мк. 15:24 🔗Ин. 19:23	Иисусъ же глаголаше: Отче, от­пусти имъ: не вѣдятъ бо что творятъ. Раздѣляюще же ризы Его, метаху жребiя.
23:35	И стояху людiе зряще. Ругахуся же и князи съ ними, глаголюще: иныя спасе, да спасетъ и Себе, аще Той есть Христосъ Божiй избран­ный.
23:36	Ругахуся же Ему и воини, при­­ступающе и оцетъ при­­дѣюще Ему,
23:37	и глаголаху: аще Ты еси Царь Иудейскъ, спасися Самъ.
23:38	Бѣ же и написанiе написано надъ Нимъ писмены еллинскими и римскими и еврейскими: Сей есть Царь Иудейскъ.
23:39	Единъ же от­ обѣшеною злодѣю хуляше Его, глаголя: аще Ты еси Христосъ, спаси Себе и наю.
23:40	Отвѣщавъ же другій преща­ше ему, глаголя: ни ли ты бо­ишися Бога, яко въ томже осужденъ еси?
23:41	И мы убо въ правду: достойная бо по дѣломъ наю воспрiемлева: Сей же ни единаго зла сотвори.
23:42 См.: 🔗Мф. 16:28	И глаголаше Иисусови: помяни мя, Господи, егда прiидеши во Цар­ст­вiи си.
23:43	И рече ему Иисусъ: аминь глаголю тебѣ, днесь со Мною будеши въ раи.
23:44 См.: 🔗Ам. 8:9	Бѣ же часъ яко шестый, и тма бысть по всей земли до часа девятаго:
23:45	и померче солнце, и завѣса церковная раздрася посредѣ.
23:46 См.: 🔗Пс. 30:6	И воз­глашь гласомъ велiимъ Иисусъ, рече: Отче, въ руцѣ Тво­и предаю духъ Мой. И сiя рекъ издше.
23:47	Видѣвъ же сотникъ быв­шее, прослави Бога, глаголя: во­истин­ну Человѣкъ Сей праведенъ бѣ.
23:48	И вси при­­шедшiи народи на позоръ сей, видяще бывающая, бiюще перси своя воз­вращахуся.
23:49	Стояху же вси знаемiи Его издалеча, и жены спослѣд­ст­вовав­шыя Ему от­ Галилеи, зрящя сiя.
23:50 См.: 🔗Мф. 27:57 🔗Мк. 15:43 🔗Ин. 19:38	И се, мужъ именемъ Иосифъ, совѣтникъ сый, мужъ благъ и праведенъ,
23:51	сей не бѣ при­­сталъ совѣту и дѣлу ихъ, от­ Аримаѳеа града Иудейска, иже чаяше и самъ Цар­ст­вiя Божiя:
23:52	сей при­­ступль къ Пилату, проси тѣлесе Иисусова:
23:53	и снемъ е обвитъ плащаницею, и положи е во гробѣ изсѣченѣ, въ немже не бѣ никтоже никогдаже положенъ.
23:54	И день бѣ пятокъ, и суббота свѣта­ше.
23:55	Вслѣдъ же шедшыя жены, яже бяху при­­шли съ Нимъ от­ Галилеи, видѣша гробъ, и яко положено бысть тѣло Его:
23:56 См.: 🔗Исх. 20:10	воз­вращшяся же уготоваша ароматы и миро: и въ субботу убо умолчаша по заповѣди.