Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 14 | |
14:1 | Въ лѣто второе Иоаса сына Иоахаза царя Израилева, и воцарися Амессіа сынъ Иоасовъ, царь Иудинъ: |
14:2 См.: 🔗2Пар. 25:1 | сынъ двадесяти пяти лѣтъ бѣ, внегда царствовати ему и двадесять пять лѣтъ царствова во Иерусалимѣ. Имя же матере его Иоадина от Иерусалима. |
14:3 | И сотвори правое предъ очима Господнима, обаче не якоже давидъ отецъ его: по всѣмъ, елика сотвори отецъ его Иоасъ, сотвори, |
14:4 | токмо высокихъ не разруши: еще людiе жряху и кадяху на высокихъ. |
14:5 | И бысть егда утвердися царство въ руку его, и изби рабы своя убившыя отца его: |
14:6 | сыновъ же убійцъ тѣхъ не изби, якоже писано въ книзѣ закона Моисеова, якоже заповѣда Господь, глаголя: да не умираютъ отцы за сыны, и сынове да не умираютъ за отцы, но токмо кійждо за своя грѣхи да умретъ. |
14:7 См.: 🔗2Пар. 25:11 | Сей порази Едома въ гемелѣ десять тысящъ и взя камень на брани, и нарече имя ему Иеѳоилъ до днешняго дне. |
14:8 См.: 🔗4Цар. 13:12 🔗2Пар. 25:17 | Тогда посла Амессіа послы ко Иоасу сыну Иоахаза сына ииуа царя Израилева, глаголя: прiиди, да видимся въ лице. |
14:9 См.: 🔗Суд. 9:14 🔗2Пар. 25:18 | И посла Иоасъ царь Израилевъ ко Амессіи царю Иудину, глаголя: тернъ, иже въ Ливанѣ, посла къ кедрови сущему въ Ливанѣ, глаголя: даждь дщерь твою сыну моему въ жену: и прiидоша звѣрiе лужнiи, иже въ Ливанѣ, и попраша тернiе: |
14:10 | побивая поразилъ еси Идумею, и вознесе тя сердце твое, прославися сѣдя въ дому твоемъ, и почто любопришися въ злобѣ твоей? и падеши ты, и Иуда съ тобою. |
14:11 См.: 🔗2Пар. 25:20 | И не послуша Амессіа. И взыде Иоасъ царь Израилевъ, и видѣстася лицемъ той и Амессіа царь Иудинъ въ веѳсамисѣ Иудинѣ. |
14:12 См.: 🔗2Пар. 25:22 | И паде Иуда предъ лицемъ Израилевымъ, и побѣже кійждо въ домы своя. |
14:13 См.: 🔗Зах. 14:10 | И Амессію сына Иоасова, сына Охозіи, царя Иудина, ятъ Иоасъ сынъ Иоахазовъ царь Израилевъ въ веѳсамисѣ: и прiиде во Иерусалимъ, и разби стѣну Иерусалиму от вратъ Ефремлихъ до вратъ уголныхъ, на четыреста лакотъ: |
14:14 См.: 🔗2Пар. 25:24 | и взя сребро и злато, и вся сосуды обрѣтеныя въ дому Господни и въ сокровищахъ дому царева, и сыны смѣсившихся, и возвратися въ самарію. |
14:15 См.: 🔗2Пар. 25:26 | И прочая словесъ Иоасовыхъ, елика сотвори въ силѣ своей, якоже брася со Амессіею царемъ Иудинымъ, не сiя ли писана въ книзѣ словесъ дній царей Израилевыхъ? |
14:16 См.: 🔗4Цар. 13:13 | И успе Иоасъ со отцы своими и погребенъ бысть въ самаріи съ цари Израилевыми. И воцарися иеровоамъ сынъ его вмѣсто его. |
14:17 См.: 🔗2Пар. 25:25 | И поживе Амессіа сынъ Иоасовъ, царь Иудинъ, по умертвiи Иоаса сына Иоахаза царя Израилева пятьнадесять лѣтъ. |
14:18 См.: 🔗2Пар. 25:26 | И прочая словесъ Амессіевыхъ, и вся елика сотвори, не сiя ли писана въ книзѣ словесъ дній царей Иудиныхъ? |
14:19 См.: 🔗3Цар. 15:27 🔗4Цар. 12:20 | И восташа на него полки во Иерусалимѣ: и убѣже въ лахисы, и послаша вслѣдъ его въ лахисы, и убиша его ту: |
14:20 См.: 🔗2Пар. 25:28 | и взяша его на кони, и погребенъ бысть со отцы своими во Иерусалимѣ во градѣ давидовѣ. |
14:21 См.: 🔗4Цар. 15:1 🔗2Пар. 26:1 | И пояша вси людiе Иудины азарію, и той сынъ шестинадесяти лѣтъ, и поставиша его царемъ вмѣсто отца его Амессіи: |
14:22 См.: 🔗Втор. 2:8 🔗2Пар. 26:2 | той созда Елоѳъ, и возврати его Иудѣ по умертвiи царя со отцы его. |
14:23 | Въ лѣто пятоенадесять Амессіи сына Иоаса царя Иудина, царствова иеровоамъ сынъ Иоасовъ надъ Израилемъ въ самаріи четыредесять и едино лѣто, |
14:24 См.: 🔗3Цар. 15:26 🔗4Цар. 13:2 | и сотвори лукавое предъ Господемъ: не отступи от всѣхъ грѣховъ иеровоама сына наватова, иже въ грѣхъ введе Израиля: |
14:25 См.: 🔗Чис. 34:3 🔗Ион. 1:1 | той приврати предѣлъ Израилевъ от входа Емаѳова даже и до моря Аравитскаго, по глаголу Господа Бога Израилева, егоже глагола рукою раба своего Ионы, сына Амаѳіина, пророка, иже от геѳаховера, |
14:26 См.: 🔗4Цар. 13:4 🔗Втор. 32:36 | яко видѣ Господь смиренiе Израилево горько зѣло, и мало содержимыхъ, и умаленныхъ, и оставленыхъ, и не бѣ помогающаго имъ. |
14:27 | И не глагола Господь искоренити сѣмене Израилева подъ небесемъ: и спасе я рукою иеровоама сына Иоасова. |
14:28 См.: 🔗2Пар. 12:15 | И прочая словесъ иеровоамовыхъ, и вся елика сотвори, и силы его, елика повоева, и како возврати Дамаскъ и Емаѳъ Иудѣ во Израили, не сiя ли писана въ книзѣ словесъ дній царей Израилевыхъ? |
14:29 См.: 🔗4Цар. 15:8 | И успе иеровоамъ со отцы своими, со цари Израилевыми: и воцарися захарiа сынъ его вмѣсто его. |