Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 34 | |
34:1 | И рече Господь къ Моисею, глаголя: |
34:2 См.: 🔗Быт. 15:18 | заповѣждь сыномъ Израилевымъ, и речеши къ нимъ: вы входите въ землю Ханааню, сiя будетъ вамъ въ наслѣдiе, земля Ханааня съ предѣлы ея: |
34:3 См.: 🔗Нав. 15:1 | и будетъ вамъ страна, яже къ ливѣ от пустыни Синъ даже до Едома: и будутъ вамъ предѣлѣ къ ливѣ, от края моря Сланаго от востоковъ, |
34:4 См.: 🔗Нав. 15:3 | и объидутъ васъ предѣлы от ливы до возшествiя Акравиня, и пройдутъ Еннакъ, и будетъ исходъ его къ ливѣ Кадисъ-Варни, и изыдетъ на село Арадъ, и пройдетъ Аселмона: |
34:5 См.: 🔗Быт. 15:18 🔗Нав. 15:4 | и объидутъ предѣлы от Аселмона водотечу Египетскую, и будетъ исходъ море [великое]: |
34:6 См.: 🔗Нав. 15:47 | и предѣлы морстіи будутъ вамъ, море великое опредѣлитъ, сiе будетъ вамъ предѣлы морстіи: |
34:7 | и сiе будетъ вамъ предѣлъ къ сѣверу: от моря великаго измѣрите сами себѣ при горѣ Гору: |
34:8 | и от горы Гору измѣрите сами себѣ, входяще во Емаѳъ, и будутъ преходъ его предѣлы Садада: |
34:9 | и изыдутъ предѣлы Зефрона, и будетъ исходъ его Арсенаинъ: сiе будетъ вамъ предѣлы от сѣвера: |
34:10 См.: 🔗1Цар. 30:28 | и измѣрите сами себѣ предѣлы восточныя от Арсенаина до Сепфамара: |
34:11 См.: 🔗Втор. 3:17 🔗Лк. 5:1 | и снидутъ предѣлы от Сепфамаръ-Вила от востокъ на источники, и снидутъ предѣлы Вилы, и пройдутъ на хребетъ моря Хенереѳъ, от востокъ: |
34:12 См.: 🔗Чис. 32:33 | и снидутъ предѣлы на Иорданъ, и будетъ преходъ его море Сланое: сiя будетъ земля вамъ, и предѣлы ея окрестъ. |
34:13 См.: 🔗Нав. 14:2 🔗Деян. 13:19 | И заповѣда Моисей сыномъ Израилевымъ, глаголя: сiя земля, юже прiимете въ наслѣдiе по жребiю, якоже повелѣ Господь, дати ю девяти племеномъ и полуплемени Манассіину: |
34:14 | яко взя племя сыновъ Рувимлихъ и племя сыновъ Гадовыхъ, по домомъ отечествъ ихъ, и полъ племене Манассіина воспрiяша жребiя своя: |
34:15 | два племена и полъ племене прiяша жребiя своя за Иорданомъ при Иерихонѣ от полудня на востоки. |
34:16 | И рече Господь къ Моисею, глаголя: |
34:17 См.: 🔗Нав. 14:1 🔗Нав. 21:1 | сiя имена мужей, иже раздѣлятъ вамъ землю: Елеазаръ жрецъ и Иисусъ Навинъ: |
34:18 | и по князю единому от племене возмете раздѣлити вамъ землю. |
34:19 | И сiя имена мужемъ: племене Иудина Халевъ сынъ Иефонніинъ, |
34:20 | племене Симеоня Саламiилъ сынъ Семiудовъ, |
34:21 | племене Венiаминя Елдадъ сынъ Хаслонь, |
34:22 | племене Данова князь Воккоръ сынъ Иеклининъ, |
34:23 | сыновъ Иосифовыхъ племене сыновъ Манассіиныхъ князь Анiилъ сынъ Суфидовъ, |
34:24 | племене сыновъ Ефремлихъ князь Камуилъ сынъ Сафтановъ, |
34:25 | племене Завулоня князь Елисафанъ сынъ Харнаховъ, |
34:26 | племене сыновъ Иссахаровыхъ князь Фалтiилъ сынъ Озаинъ, |
34:27 | племене сыновъ Асировыхъ князь Ахiоръ сынъ Селеміинъ, |
34:28 | племене Нефѳалимля князь Фадаилъ сынъ Амiудовъ. |
34:29 | Симъ заповѣда Господь раздѣлити сыномъ Израилевымъ въ земли Ханаани. |