Вторая книга Паралипоменон (Вторая книга Хроник, Вторая Летопись), глава 23

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 23
23:1 См.: 🔗4Цар. 11:4	Въ лѣто же седмое укрѣпися Иодай, и взя сотники, азарiю сына Иорамля и Исмаила сына Иоананя, и азарiю сына овидова и Амасію сына Адіева и Елисафана сына захарiина съ собою въ домъ Господень.
23:2	И обыдоша Иудею, и собраша левиты от­ всѣхъ градовъ Иудиныхъ и началники отече­ст­въ Израилевыхъ, и прiидоша во Иерусалимъ.
23:3 См.: 🔗2Цар. 7:13	И завѣща все собранiе Иудино завѣтъ въ дому Божiи со царемъ: и показа имъ сына царева и рече имъ [Иодай]: се, сынъ царевъ да воцарит­ся, якоже глагола Господь о домѣ давидовѣ:
23:4 См.: 🔗4Цар. 11:5	и нынѣ слово сiе, еже сотворите: третiя часть от­ васъ да изыдетъ въ субботу, священ­никовъ и левитовъ, и во врата входовъ,
23:5 См.: 🔗4Цар. 11:6	и третiя часть въ дому царевѣ, и третiя часть во вратѣхъ среднихъ, и вси людiе [да будутъ] во дворѣхъ дому Господня:
23:6 См.: 🔗Чис. 8:6 🔗Чис. 16:5 🔗1Езд. 8:28	и никтоже да внидетъ въ домъ Господень, токмо священ­ницы и левити и иже служатъ от­ Левитъ: тіи внидутъ, яко освящени суть, вси же людiе да держатъ стражу Господню:
23:7	левити же да ходятъ окрестъ царя, кійждо имѣя оружiе свое въ руку своею, и входяй въ церковъ да убiет­ся, и да будутъ со царемъ, входящу ему и исходящу.
23:8	И сотвориша левити и весь Иуда по всему, елика повелѣ имъ Иодай жрецъ: и взяша кійждо мужы своя от­ начала субботы даже до исхода субботы: занеже не остави Иодай жрецъ службы дневныя.
23:9 См.: 🔗4Цар. 11:10	И даде Иодай священ­никъ сотникомъ по чину поставлен­нымъ мечы и щиты и броня, яже бяху царя давида въ дому Божiи,
23:10	и постави вся люди, ко­егождо во оружiи его, от­ десныя страны церкве даже до лѣвыя страны олтаря и церкве, надъ царемъ окрестъ:
23:11 См.: 🔗4Цар. 11:12 🔗Втор. 17:18	и изведе сына царева, и воз­ложиша на него дiадиму и свидѣнiя, и поставиша его царемъ, и помаза его Иодай жрецъ и сынове его и рекоша да живетъ царь.
23:12 См.: 🔗4Цар. 11:13	И услыша Гоѳоліа гласъ людій текущихъ и исповѣда­ю­щихъ и хвалящихъ царя, и вниде ко царю въ церковь Господню,
23:13 См.: 🔗4Цар. 11:14 🔗Чис. 10:10	и видѣ, и се, царь стояше на степени сво­емъ, на входѣ же князи и трубы, и началницы окрестъ царя: и вси людiе земли воз­радовашася и вострубиша трубами, и поюще во органы пѣвцы, и хваляще хвалою. И растерза Гоѳоліа ризы своя, и возопи и рече: напада­ю­ще нападаете.
23:14 См.: 🔗4Цар. 11:15	Изыде же Иодай архiерей, и повелѣ сотникомъ и началникомъ силы и рече имъ: изрините ю вонъ изъ церкве, и изыдите вслѣдъ ея, и да убiет­ся мечемъ. Рече бо священ­никъ да не умретъ въ дому Господни.
23:15 См.: 🔗4Цар. 11:16	И даша ей ослабу на мало, дондеже пройде врата кон­никъ дому царева и убиша ю тамо.
23:16 См.: 🔗4Цар. 11:17	И завѣща Иодай завѣтъ между собою и всѣми людьми и царемъ, да быша были людiе Господни.
23:17 См.: 🔗4Цар. 11:18	И внидоша вси людiе земли въ домъ Вааловъ и разориша его, и олтари его и идолы его сокрушиша, и Матѳана жерца Ваалова убиша предъ олтаремъ его.
23:18 См.: 🔗2Пар. 29:25 🔗Лев. 1:3	И вручи Иодай жрецъ дѣла дому Господня въ руку священ­никовъ и левитовъ, и воз­стави дневныя чреды жерцевъ и левитовъ, яже раздѣли давидѣ въ дому Господни, и воз­несе всесожженiя Господеви, якоже писано есть въ законѣ Моисеовѣ, въ радости и пѣнiихъ по расположенiю давидову:
23:19	и постави при­­дверники во вратѣхъ дому Господня, и да не внидетъ нечистъ во всяцѣй вещи:
23:20 См.: 🔗4Цар. 11:19	и взя отече­ст­въ началники, и сильныя, и началники людій, и вся люди земли, и воз­ведоша царя от­ дому Господня, и вниде вратами внутрен­ними въ домъ царевъ, и посадиша царя на престолѣ царстѣмъ.
23:21 См.: 🔗4Цар. 11:20	И воз­веселишася вси людiе земстiи и градъ упокоися, и Гоѳоліа убiена есть мечемъ.