Евангелие от Марка, глава 6

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 6
6:1 См.: 🔗Мф. 13:54 🔗Лк. 4:16	[Зач. 22.] И изыде от­туду и прiиде во отече­ст­вiе Свое: и по Немъ идоша ученицы Его.
6:2 См.: 🔗Мф. 7:28 🔗Мк. 1:27	И быв­шей субботѣ, начатъ на сонмищи учити. И мнози слышащiи дивляхуся, глаголюще: от­куду Сему сiя? И что премудрость дан­ная Ему, и силы таковы рукама Его бываютъ?
6:3 См.: 🔗Лк. 4:22 🔗Ин. 6:42	Не Сей ли есть тектонъ, сынъ Маріинъ, братъ же Иакову и Иосіи и Иудѣ и Симону? И не сестры ли Его здѣ [суть] въ насъ? И блажняхуся о Немъ.
6:4 См.: 🔗Иер. 12:6 🔗Мф. 13:57 🔗Лк. 4:24 🔗Ин. 4:44	Глаголаше же имъ Иисусъ, яко нѣсть пророкъ безъ чести, токмо во отече­ст­вiи сво­емъ, и въ срод­ст­вѣ и въ дому сво­емъ.
6:5	И не можа­ше ту ни единыя силы сотворити, токмо мало недужныхъ, воз­ложь руцѣ, исцѣли.
6:6 См.: 🔗Мф. 9:35	И дивляшеся за невѣр­ст­вiе ихъ: и обхожда­ше веси окрестъ учя.
6:7 См.: 🔗Мф. 10:1 🔗Лк. 9:1	[Зач. 23.] И при­­зва оба­на­де­ся­те, и начатъ ихъ посылати два два, и даяше имъ власть надъ духи нечистыми.
6:8	И заповѣда имъ, да ничесоже возмутъ на путь, токмо жезлъ единъ: ни пиры, ни хлѣба, ни при­­ поясѣ мѣди:
6:9	но обувени въ сандалiя: и не облачитися въ двѣ ризѣ.
6:10	И глаголаше имъ: идѣже аще внидете въ домъ, ту пребывайте, дондеже изыдете от­туду:
6:11 См.: 🔗Мф. 10:14 🔗Лк. 9:5 🔗Деян. 13:51 🔗Деян. 18:6	и елицы аще не прiимутъ вы, ниже послушаютъ васъ, исходяще от­туду, от­трясите прахъ, иже подъ ногами вашими, во свидѣтел­ст­во имъ: аминь глаголю вамъ, от­раднѣе будетъ Cодомомъ и Гоморромъ въ день судный, неже граду тому.
6:12	И изшедше проповѣдаху, да покают­ся:
6:13 См.: 🔗Иак. 5:14	и бѣсы многи изгоняху: и мазаху масломъ многи недужныя, и исцѣлѣваху.
6:14 См.: 🔗Мф. 14:1 🔗Лк. 9:7	[Зач. 24.] И услыша царь Иродъ: явѣ бо бысть имя Его: и глаголаше, яко Иоан­нъ Креститель от­ мертвыхъ воста, и сего ради силы дѣют­ся о немъ.
6:15	Иніи глаголаху, яко Илiа есть: иніи же глаголаху, яко пророкъ есть, или яко единъ от­ пророкъ.
6:16	Слышавъ же Иродъ рече, яко, егоже азъ усѣкнухъ Иоан­на, той есть: той воста от­ мертвыхъ.
6:17 См.: 🔗Лк. 3:19	Той бо Иродъ пославъ, ятъ Иоан­на и связа его въ темницѣ, Иродiады ради жены Филиппа брата сво­его, яко оженися ею.
6:18 См.: 🔗Лев. 18:16 🔗Лев. 20:21	Глаголаше бо Иоан­нъ Иродови: не досто­итъ тебѣ имѣти жену [Филиппа] брата тво­его.
6:19	Иродіа же гнѣвашеся на него и хотяше его убити: и не можа­ше.
6:20 См.: 🔗Мф. 21:26	Иродъ бо бояшеся Иоан­на, вѣдый его мужа праведна и свята, и соблюда­ше его: и послушавъ его, многа творяше, и въ сладость его послушаше.
6:21	И при­­ключшуся дню потребну {удобну}, егда Иродъ рожде­ст­ву сво­ему вечерю творяше княземъ сво­имъ и тысящникомъ и старѣйшинамъ Галилейскимъ:
6:22	и в­шедши дщерь тоя Иродiады, и плясав­ши, и угождши Иродови и воз­лежащымъ съ нимъ, рече царь дѣвицѣ: проси у мене егоже аще хощеши, и дамъ ти.
6:23	И клят­ся ей: яко егоже аще попросиши у мене, дамъ ти, и до полъ цар­ст­вiя моего.
6:24	Она же изшедши рече матери сво­ей: чесо прошу? Она же рече: главы Иоан­на Крестителя.
6:25	И в­шедши абiе со тщанiемъ къ царю, просяше, глаголющи: хощу, да ми даси от­ него {абiе} на блюдѣ главу Иоан­на Крестителя.
6:26	И при­­скорбенъ бывъ царь, клятвы [же] ради и за воз­лежащихъ съ нимъ не восхотѣ от­рѣщи ей.
6:27	И абiе пославъ царь спекулатора, повелѣ при­­нести главу его.
6:28	Онъ же шедъ усѣкну его въ темницѣ, и при­­несе главу его на блюдѣ, и даде ю дѣвицѣ: и дѣвица даде ю матери сво­ей.
6:29	И слышав­ше ученицы его, прiидоша и взяша трупъ его, и положиша его во гробѣ.
6:30 См.: 🔗Лк. 9:10	[Зач. 25.] И собрашася апостоли ко Иисусу и воз­вѣстиша Ему вся, и елика сотвориша, и елика научиша.
6:31	И рече имъ: прiидите вы сами въ пусто мѣсто едини {особь} и почійте мало. Бяху бо при­­ходящiи и от­ходящiи мнози, и ни ясти имъ бѣ когда.
6:32 См.: 🔗Мф. 14:13 🔗Лк. 9:10	И идоша въ пусто мѣсто кораблемъ едини.
6:33	И видѣша ихъ идущихъ народи, и познаша ихъ мнози: и пѣши от­ всѣхъ градовъ стицахуся тамо, и предвариша ихъ, и снидошася къ Нему.
6:34 См.: 🔗Мф. 9:36	И изшедъ видѣ Иисусъ народъ многъ и милосердова о нихъ, зане бяху яко овцы не имущыя пастыря: и начатъ ихъ учити много.
6:35	И уже часу многу быв­шу, при­­ступльше къ Нему ученицы Его, глаголаша, яко пусто есть мѣсто, и уже часъ многъ:
6:36	от­пусти ихъ, да шедше во окрестныхъ селѣхъ и весехъ купятъ себѣ хлѣбы: не имутъ бо чесо ясти.
6:37	Онъ же от­вѣщавъ рече имъ: дадите имъ вы ясти. И глаголаша Ему: да шедше купимъ двѣма стома пѣнязь хлѣбы и дамы имъ ясти?
6:38 См.: 🔗Мф. 14:17 🔗Лк. 9:13 🔗Ин. 6:9	Онъ же рече имъ: колико хлѣбы имате? Идите и видите. И увѣдѣв­ше глаголаша: пять [хлѣбъ], и двѣ рыбѣ.
6:39	И повелѣ имъ посадити вся на споды на споды {во округъ} на травѣ зеленѣ.
6:40	И воз­легоша на лѣхи на лѣхи {на кучы} по сту и по пятидесятъ.
6:41	И прiемь пять хлѣбъ и двѣ рыбѣ, воз­зрѣвъ на небо, благослови и преломи хлѣбы, и даяше ученикомъ Сво­имъ, да предлагаютъ предъ ними: и обѣ рыбѣ раздѣли всѣмъ.
6:42	И ядоша вси и насытишася:
6:43	и взяша укрухи, два­на­де­ся­те кошя исполнь, и от­ рыбу.
6:44	Бяше же ядшихъ хлѣбы яко пять тысящъ мужей.
6:45	[Зач. 26.] И абiе понуди ученики Своя внити въ корабль и варити {предварити} Его на онъ полъ къ Виѳсаидѣ, дондеже Самъ от­пуститъ народы.
6:46 См.: 🔗Мф. 14:23	И от­рекся имъ {и от­пустивъ я}, иде въ гору помолитися.
6:47 См.: 🔗Ин. 6:16	И вечеру быв­шу, бѣ корабль посредѣ моря, и Самъ единъ на земли.
6:48	И видѣ ихъ страждущихъ въ плаванiи: бѣ бо вѣтръ противенъ имъ: и о четвертѣй стражи нощнѣй прiиде къ нимъ, по морю ходяй, и хотяше минути ихъ.
6:49	Они же видѣв­ше Его ходяща по морю, мняху при­­зракъ быти и возопиша.
6:50	Вси бо Его видѣша и смутишася. И абiе глагола съ ними и рече имъ: дерзайте: Азъ есмь, не бойтеся.
6:51	И вниде къ нимъ въ корабль: и улеже вѣтръ. И зѣло излиха въ себѣ ужасахуся и дивляхуся.
6:52 См.: 🔗Мк. 8:18	Не разумѣша бо о хлѣбѣхъ: бѣ бо сердце ихъ окаменено.
6:53 См.: 🔗Мф. 14:34	И прешедше прiидоша въ землю Ген­нисаретску и при­­сташа.
6:54	[Зач. 27.] И изшедшымъ имъ изъ корабля, абiе познаша Его,
6:55 См.: 🔗Мф. 4:24	обтекше всю страну ту, начаша на одрѣхъ при­­носити болящыя, идѣже слышаху, яко ту есть.
6:56	И аможе аще вхожда­ше въ веси, или во грады, или села, на распутiихъ полагаху недужныя и моляху Его, да поне воскрилiю ризы Его при­­коснут­ся: и елицы аще при­­касахуся Ему, спасахуся.