Книга Премудрости Иисуса, сына Сирахова, глава 30 неканонич.

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 30
30:1 См.: 🔗Прит. 13:25	Любяй сына сво­его участитъ ему раны, да воз­веселит­ся въ послѣдняя своя.
30:2	Наказуяй сына сво­его насладит­ся о немъ и посредѣ знаемыхъ о немъ похвалит­ся.
30:3	Учай сына сво­его раздражитъ врага и предъ други о немъ воз­радует­ся.
30:4	Умре отецъ его, и аки не умре: подобна бо себѣ остави по себѣ.
30:5	Во житiи сво­емъ видѣ и воз­веселися о немъ и при­­ кончинѣ сво­ей не оскорбися:
30:6	противу врагомъ остави мест­ника и другомъ воз­дающа благодать.
30:7	Угождаяй сыну обяжетъ струпы его, и о всяцѣмъ вопли воз­мятет­ся утроба его.
30:8	Конь неукрощенъ свирѣпъ бываетъ, и сынъ самовольный продерзъ будетъ.
30:9	Ласкай чадо, и устрашитъ тя, играй съ нимъ, и опечалитъ тя.
30:10	Не смѣйся съ нимъ, да не поболиши о немъ и на послѣдокъ стиснеши зубы твоя.
30:11	Не даждь ему власти въ юности и не презри невѣдѣнiя его:
30:12 См.: 🔗Сир. 7:25	сляцы выю его въ юности и сокруши ребра его, дондеже младъ есть, да не когда ожестѣвъ не покориттися.
30:13	Накажи сына тво­его и дѣлай имъ, да не въ безстудiи его поткнешися.
30:14	Лучше нищь здравъ и крѣпокъ въ силѣ сво­ей, нежели богатъ ураненъ тѣломъ сво­имъ.
30:15	Здравiе и крѣпость лучше есть всякаго злата, и тѣло здравое, нежели богат­ст­во безчислен­ное.
30:16	Нѣсть богат­ст­во лучше здравiя тѣлеснаго, и нѣсть веселiе паче радости сердечныя.
30:17	Лучше есть смерть паче живота горька или недуга долгаго.
30:18	Благая излiян­ная предъ усты затворен­ными предложенiя бра­шенъ предлежащая у гроба.
30:19 См.: 🔗Дан. 14:7	Кая польза идолу от­ жертвы? не имать бо ясти, ни обоняти:
30:20	тако гонимый от­ Господа,
30:21 См.: 🔗Сир. 20:4	зряй очима и стеняй, якоже евнухъ осязаяй дѣвицу и воз­дыхаяй.
30:22 См.: 🔗Прит. 15:13	Не вдаждь въ печаль душу твою и не оскорби себе совѣтомъ тво­имъ.
30:23 См.: 🔗Прит. 14:30 🔗Прит. 15:13 🔗Прит. 17:22	Веселiе сердца животъ человѣка, и радованiе мужа долгоден­ствiе.
30:24	Люби душу твою и утѣшай сердце твое, и печаль от­ себе от­рини далече:
30:25 См.: 🔗2Кор. 7:10	многи бо печаль уби, и нѣсть пользы въ ней.
30:26 См.: 🔗Иов. 5:2	Рвенiе и ярость умаляютъ дни, и печаль прежде времене старость наводитъ.
30:27	Свѣтло сердце и благо о брашнѣ и о яди сво­ей попечет­ся.