Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 1 | |
1:1 | [Зач. 249А.] Павелъ, апостолъ Иисусъ Христовъ волею Божiею, и Тимоѳей братъ, |
1:2 | сущымъ въ Колоссаехъ святымъ и вѣрнымъ братiямъ о Христѣ Иисусѣ: |
1:3 См.: 🔗Флп. 1:3 | [Зач. 249Б.] благодать вамъ и миръ от Бога Отца нашего, и Господа Иисуса Христа. Благодаримъ Бога и Отца Господа нашего Иисуса Христа, всегда о васъ молящеся, |
1:4 См.: 🔗Евр. 6:10 | слышавше вѣру вашу, яже о Христѣ Иисусѣ, и любовь, юже имате ко всѣмъ святымъ, |
1:5 | за упованiе отложенное вамъ на небесѣхъ, еже прежде слышасте въ словеси истины благовѣствованiя, |
1:6 См.: 🔗Мф. 13:8 🔗Ин. 15:16 | сущаго въ васъ, якоже и во всемъ мiрѣ: и есть плодоносно и растимо, якоже и въ васъ, от негоже дне слышасте и разумѣсте благодать Божiю во истинѣ: |
1:7 | якоже и увѣдѣсте от Епафраса, возлюбленнаго соработника нашего, иже есть вѣренъ о васъ служитель Христовъ, |
1:8 | иже и яви намъ вашу любовь въ дусѣ. |
1:9 См.: 🔗Рим. 12:2 | Сего ради и мы, от негоже дне слышахомъ, не престаемъ о васъ молящеся и просяще, да исполнитеся въ разумѣ воли Его, во всяцѣй премудрости и разумѣ духовнѣмъ, |
1:10 | яко ходити вамъ достоинѣ Богу во всяцѣмъ угожденiи [и] всяцѣмъ дѣлѣ блазѣ, плодоносяще и возрастающе въ разумѣ Божiи, |
1:11 См.: 🔗Деян. 5:41 | всякою силою возмогающе по державѣ славы Его, во всяцѣмъ терпѣнiи и долготерпѣнiи съ радостiю, |
1:12 См.: 🔗Деян. 26:18 | [Зач. 250.] благодаряще Бога и Отца, призвавшаго васъ въ причастiе наслѣдiя святыхъ во свѣтѣ, |
1:13 См.: 🔗Мф. 3:17 🔗Евр. 2:15 | Иже избави насъ от власти темныя и престави въ Царство Сына любве Своея, |
1:14 См.: 🔗Рим. 3:25 | о Немже имамы избавленiе Кровiю Его и оставленiе грѣховъ, |
1:15 См.: 🔗Прит. 8:22 🔗Евр. 1:3 | Иже есть образъ Бога невидимаго, перворожденъ всея твари: |
1:16 | яко Тѣмъ создана быша всяческая, яже на небеси и яже на земли, видимая и невидимая, аще престоли, аще господствiя, аще начала, аще власти: всяческая Тѣмъ и о Немъ создашася: |
1:17 См.: 🔗Ин. 1:1 | и Той есть прежде всѣхъ, и всяческая въ Немъ состоятся. |
1:18 | [Зач. 251.] И Той есть глава тѣлу Церкве, Иже есть начатокъ, перворожденъ изъ мертвыхъ, яко да будетъ во всѣхъ Той первенствуя: |
1:19 См.: 🔗Кол. 2:9 | яко въ Немъ благоизволи всему исполненiю вселитися, |
1:20 | и Тѣмъ примирити всяческая къ Себѣ, умиротворивъ Кровiю креста Его, чрезъ Него, аще земная, аще ли небесная. |
1:21 | И васъ, иногда сущихъ отчужденныхъ и враговъ помышленьми въ дѣлѣхъ лукавыхъ, |
1:22 | нынѣ же примири въ тѣлѣ Плоти Его смертiю Его, представити васъ святыхъ и непорочныхъ и неповинныхъ предъ Собою, |
1:23 | аще убо пребываете въ вѣрѣ основани и тверди, и неподвижими от упованiя благовѣствованiя, еже слышасте, проповѣданное всей твари поднебеснѣй, емуже быхъ азъ Павелъ служитель. |
1:24 См.: 🔗Рим. 5:3 | [Зач. 252.] Нынѣ радуюся во страданiихъ моихъ о васъ, яко исполняю лишенiе скорбей Христовыхъ во плоти моей за Тѣло Его, еже есть Церковь, |
1:25 См.: 🔗1Кор. 4:1 🔗1Кор. 9:17 | ейже быхъ азъ служитель по смотренiю Божiю, данному мнѣ въ васъ, исполнити слово Божiе, |
1:26 См.: 🔗Рим. 14:24 🔗Еф. 3:9 | тайну сокровенную от вѣкъ и от родовъ: нынѣ же явися святымъ Его, |
1:27 См.: 🔗Рим. 9:23 🔗Еф. 3:17 | Имже восхотѣ Богъ сказати, кое богатство славы тайны сея во языцѣхъ, иже есть Христосъ въ васъ, упованiе славы, |
1:28 См.: 🔗2Кор. 11:2 | Егоже мы проповѣдуемъ, наказующе всякаго человѣка и учаще всяцѣй премудрости, да представимъ всякаго человѣка совершенна о Христѣ Иисусѣ: |
1:29 См.: 🔗1Кор. 15:10 🔗Флп. 2:13 | въ немже и труждаюся и подвизаюся по дѣйству Его дѣйствуемому во мнѣ силою. |