|
Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 4 | |
| 4:1 | Мардохей же разумѣвъ замышляемое, раздра ризы своя и облечеся во вретище и посыпася пепеломъ: и скочивъ въ пространную улицу града, возопи воплемъ великимъ и горькимъ: взимается родъ ничтоже преступивый. |
| 4:2 | И прiиде даже до вратъ царевыхъ и ста: не лѣть бо бѣ ему внити во дворъ во вретище облечену и пепеломъ осыпану сущу. |
| 4:3 | И во всяцѣй странѣ, идѣже показовахуся писанiя [царева], вопль бѣ и плачь и рыданiе превелiе Иудеомъ, вретище и пепелъ постилаху себѣ. |
| 4:4 | И внидоща рабыни и евнуси царицыны и возвѣстиша ей. И смятеся услышавши бывшее: и посла ризы облещи мардохеа и сняти вретище его. И не послуша. |
| 4:5 | Есѳирь же призва Ахраѳеа скопца своего, предстоящаго ей, |
| 4:6 | и посла его увѣдати от мардохеа истину. |
| 4:7 | Мардохей же сказа ему бывшее, и обѣщанiе, еже обѣша Аманъ царю въ сокровищный домъ [положити] десять тысящъ талантъ сребра, да погубитъ иудей: |
| 4:8 | и списанiе [повелѣнiя] изданнаго въ сусѣхъ [градѣ] на погубленiе ихъ даде ему, да покажетъ есѳири: и рече ему, заповѣдати ей ити молити царя и просити его о людехъ, поминаюши дни смиренiя твоего, како воспитана еси въ руцѣ моей, зане Аманъ вторый по цари глагола противу намъ на смерть: призови Господа и глаголи царю о насъ, да избавитъ насъ от смерти. |
| 4:9 | Вшедъ же Ахраѳей, повѣда есѳири вся глаголы сiя. |
| 4:10 | И рече есѳирь ко Ахраѳею: иди къ мардохею и рцы: |
| 4:11 | понеже вси языцы царствiя вѣдятъ, яко всякъ мужъ или жена, иже аще внидетъ ко царвеи во внутреннiй домъ не призванъ, нѣсть ему спасенiя, точiю къ немуже аще простретъ царь златый жезлъ, сей спасенъ будетъ: азъ же нѣсмь звана внити ко царю се уже тридесять дній. |
| 4:12 | И возвѣсти Ахраѳей мардохею вся глаголы есѳирины. |
| 4:13 | И рече мардохей ко Ахраѳею: иди и рцы ей: есѳире, да не речеши въ себѣ, яко ты едина спасешися во царствiи паче всѣхъ иудей: |
| 4:14 | зане аще преслушаеши въ сiе время, отинуду помощь и покровъ будетъ Иудеомъ, ты же и домъ отца твоего погибнете: и кто вѣсть, аще на сiе время воцарилася еси? |
| 4:15 | И посла есѳирь пришедшаго къ ней ко мардохею, глаголющи: |
| 4:16 | Шедъ собери иудеи иже въ сусѣхъ, и поститеся о мнѣ, и не ядите ниже пійте три дни день и нощь: азъ же и служебницы моя [такожде] не имамы ясти: и тогда вниду ко царю кромѣ закона, аще и погибнути ми приключится. |
| 4:17 | Боже, могій надъ всѣми, услыши гласъ безнадежныхъ, и избави насъ от руки лукавнующихъ и изми мя от страха моего. |
| 4:18 | и не возвеселися раба твоя от дне премѣненiя моего даже донынѣ, точiю о тебѣ, Господи Боже Авраамовъ: |
| 4:19 | и не яде раба твоя от трапезы Амановы, и не прославляхъ пира царева, ниже пiяхъ вино требищъ [идолскихъ]: |
| 4:20 | ты вѣси нужду мою, яко гнушаюся знаменiя гордости моея, еже есть на главѣ моей во днехъ видѣнiя моего, гнушаюся его, яко рубищъ оскверненныхъ, и не ношу его въ день молчанiя моего: |
| 4:21 | всѣхъ разумъ имаши и вѣси, яко возненавидѣхъ славу беззаконныхъ и гнушаюся ложа необрѣзанныхъ и всякаго иноплеменника: |
| 4:22 | насъ же изми рукою твоею и помози ми единѣй и не имѣющей ни когоже, токмо тебе, Господи: |
| 4:23 | даждь слово благоугодно во уста моя предъ львомъ, и премѣни сердце его въ ненавидѣнiе воюющаго ны, во истребленiе его и съ нимъ совѣтующихъ: |
| 4:24 | помяни, Господи, познанъ буди во время скорби нашея и мене сподоби дерзновенiя: Царю боговъ и всякаго началства содержителю, |
| 4:25 | не предаждь, Господи, скиптра твоего симъ, иже не суть, и да не посмѣются въ паденiи нашемъ, но обрати совѣтъ ихъ на ня, наченшаго же на насъ въ притчу положи: |
| 4:26 | и отверзти уста языкомъ во угожденiя суетныхъ и удивитися цареви плотскому во вѣки: |
| 4:27 | и нынѣ не доволни быша горестiю работы нашея, но положиша руки своя на руки идолъ своихъ, исторгнути заповѣдь устъ твоихъ и погубити наслѣдiе твое, и заградити уста хвалящихъ тя и угасити славу храма твоего и олтаря твоего, |
| 4:28 | и нынѣ согрѣшихомъ предъ тобою, и предалъ еси насъ въ руки врагъ нашихъ, занеже славихомъ боги ихъ: праведенъ еси, Господи: |
| 4:29 | азъ слышахъ, Господи, от отца моего въ племени отечества моего, яко ты Господи, прiялъ еси Израиля от всѣхъ языкъ и отцы нашя от всѣхъ праотецъ ихъ въ наслѣдие вѣчное, и сотворилъ еси имъ, елика глаголалъ еси: |
| 4:30 | Господи мой, Царю нашъ, ты еси единъ, помози ми единѣй и не имѣющей помощи развѣ тебе, яко бѣда моя въ руцѣ моей: |
| 4:31 | и есѳирь царица притече ко Господу въ подвизѣ смерти обдержима, и снемши ризы славы своея, облечеся въ ризы тѣсноты и плача, и вмѣсто многоцѣнныхъ мастей и благовонныхъ пепеломъ и гноемъ посыпа главу свою, и плоть свою смири зѣло, и кождо мѣсто украшенiя веселiя своего исполни растерзанными власы своими, и моляшеся Господу Богу иилеву и рече: |
| 4:32 | И весь Израиль возопи от крѣпости своея, яко смерть ихъ предъ очима ихъ: |
| 4:33 | услыши молитву мою, и умилосердися надъ жребiемъ твоимъ, и обрати рыданiе наше въ веселiе, да живуще восхвалимъ имя твое, Господи, и не погуби устъ восхваляющихъ тя, Господи. |
| 4:34 | не презри достоянiя твоего, еже избавилъ еси тебѣ от земли Египетскiя: |
| 4:35 | и нынѣ, Господи Боже, Царю, Боже Авраамовъ, пощади люди твоя, яко назираютъ намъ въ погибель и вожделѣша погубити еже изъ начала наслѣдiе твое: |
| 4:36 | но сiе сотворихъ, да не воздамъ славы человѣку паче славы Божия, и не поклонюся ни комуже, кромѣ тебе Господа моего, и не сотворю сiя въ гордости: |
| 4:37 | ты вся вѣси, ты знаеши, Господи, яко не въ укоризнѣ ни въ гордости, ниже во тщеславiи сотворихъ сiе, еже не покланятися прегордому Аману, понеже благоволимъ быхъ лобзати и слѣды ногъ его спасенiя ради Израилева, |
| 4:38 | яко ты сотворилъ еси небо и землю и все удивляемое въ поднебеснѣй и Господь еси всѣхъ, и нѣсть, иже воспротивится тебѣ Господеви: |
| 4:39 | Господи, Господи Царю Вседержителю, яко во власти твоей сiе все есть, и нѣсть противомудрствуяй тебѣ, внегда восхощеши спасти Израиля: |
| 4:40 | и помолися Господеви поминая вся дѣла Господня и рече: |
| 4:41 | И шедъ мардохей сотвори, елика заповѣда ему есѳирь, |
