Деяния святых Апостолов, глава 15

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 15
15:1 См.: 🔗Гал. 2:3 🔗Гал. 5:2 🔗Флп. 3:3	И нѣцыи сшедше от­ Иудеи, учаху братiю, яко аще не обрѣжетеся по обычаю Моисеову, не можете спастися.
15:2	Быв­шей же распри и стязанiю не малу Павлу и Варнавѣ къ нимъ, учиниша взыти Павлу и Варнавѣ и нѣкимъ другимъ от­ нихъ ко апостоломъ и старцемъ во Иерусалимъ о вопрошенiи семъ.
15:3	Они же убо, предпослани быв­ше от­ церкве, прохождаху Финикію и Самарію, повѣда­ю­ще обращенiе языковъ, и творяху радость велiю всей братiи.
15:4	Пришедше же во Иерусалимъ, прiяти быша от­ церкве и апостолъ и старецъ, сказаша же, елика сотвори Богъ съ ними и яко от­верзе языкомъ дверь вѣры.
15:5	[Зач. 36.] Восташа же нѣцыи от­ ереси фарисейскiя вѣровав­шiи, глаголюще, яко подобаетъ обрѣзати ихъ, завѣщавати же блюсти законъ Моисеовъ.
15:6	Собрашася же апостоли и старцы вѣдѣти о словеси семъ.
15:7 См.: 🔗Деян. 10:20 🔗Деян. 11:12	Многу же взысканiю быв­шу, воставъ Петръ рече къ нимъ: мужiе братiе, вы вѣсте, яко от­ дній первыхъ Богъ въ насъ избра усты мо­ими услышати языкомъ слово Благовѣстiя и вѣровати:
15:8 См.: 🔗Пс. 7:10 🔗Деян. 11:15	и Сердцевѣдецъ Богъ свидѣтел­ст­вова имъ, давъ имъ Духа Святаго, якоже и намъ,
15:9 См.: 🔗Деян. 10:43 🔗1Кор. 1:2	и ничтоже разсуди между нами же и онѣми, вѣрою очищь сердца ихъ:
15:10 См.: 🔗Мф. 23:4 🔗Лк. 11:46 🔗Гал. 5:1	нынѣ убо что искушаете Бога, [хотяще] воз­ложити иго на выи ученикомъ, егоже ни отцы наши, ни мы воз­могохомъ понести?
15:11 См.: 🔗Гал. 3:22 🔗Еф. 2:8 🔗2Тим. 1:9 🔗Тит. 3:4	но благодатiю Господа Иисуса Христа вѣруемъ спастися, якоже и они.
15:12	Умолча же все множе­с­т­во и послушаху Варнавы и Павла повѣда­ю­щею, елика сотвори Богъ знаменiя и чудеса во языцѣхъ има.
15:13	По умолчанiи же ею, от­вѣща Иаковъ глаголя: мужiе братiе, послушайте мене:
15:14	Симеонъ повѣда, яко прежде Богъ посѣти прiяти от­ языкъ люди о имени Сво­емъ:
15:15	и сему согласуютъ словеса пророкъ, якоже пишетъ:
15:16	по сихъ обращуся и созижду кровъ Давидовъ падшiй, и раскопаная его созижду и исправлю его,
15:17 См.: 🔗Ам. 9:11	яко да взыщутъ прочiи человѣцы Господа, и вси языцы, въ нихже наречеся имя Мое, глаголетъ Господь, творяй сiя вся.
15:18	Разумна от­ вѣка суть Богови вся дѣла Его.
15:19	Сего ради азъ сужду не стужати от­ языкъ обращающымся къ Богу,
15:20 См.: 🔗Быт. 9:4 🔗Исх. 34:15 🔗Деян. 21:25 🔗Рим. 1:27 🔗1Кор. 6:15	но заповѣдати имъ огребатися от­ требъ идолскихъ и от­ блуда и удавленины и от­ крове, и елика неугодна себѣ суть, инымъ не творити.
15:21	Моисей бо от­ родовъ древнихъ по всѣмъ градомъ проповѣда­ю­щыя его имать, въ сонмищихъ по вся субботы чтомый.
15:22	Тогда изволися апостоломъ и старцемъ со всею церковiю, избрав­ше мужа от­ нихъ, послати во Антiохію съ Павломъ и Варнавою, Иуду нарицаемаго Варсаву, и Силу, мужа нарочита въ братiи,
15:23	написав­ше рукама ихъ сiя: апостоли и старцы и братiя, сущымъ во Антiохіи и Сиріи и Киликіи братiямъ, иже от­ языкъ, [о Господѣ] радоватися.
15:24	Понеже слышахомъ, яко нѣцыи от­ насъ изшедше воз­мутиша васъ словесы, развращающе душы вашя, глаголюще обрѣзатися и блюсти законъ, имже мы не завѣщахомъ:
15:25	изволися намъ собрав­шымся единодушно, избран­ныя мужы послати къ вамъ, съ воз­люблен­ныма нашима Варнавою и Павломъ,
15:26	человѣкома предав­шема душы своя о имени Господа на­шего Иисуса Христа:
15:27	послахомъ убо Иуду и Силу, и тѣхъ словомъ сказующихъ таяжде:
15:28	изволися бо Святому Духу и намъ, ничтоже множае воз­ложити вамъ тяготы, развѣ нуждныхъ сихъ:
15:29	огребатися от­ идоложертвен­ныхъ и крове, и удавленины и блуда: и елика не хощете вамъ быти, другимъ не творите: от­ нихже соблюдающе себе, добрѣ сотворите. Здрав­ст­вуйте.
15:30	Они же убо послани быв­ше прiидоша во Антiохію, и собрав­ше народъ, вдаша посланiе.
15:31	Прочетше же, воз­радовашася о утѣшенiи.
15:32 См.: 🔗Деян. 14:22	Иуда же и Сила, и та пророка суща, словомъ мнозѣмъ утѣшиста братiю и утвердиста.
15:33	Пребыв­ша же тамо время, от­пущена быста съ миромъ от­ братiй ко апостоломъ.
15:34	Изволися же Силѣ пребыти тамо, Иуда же воз­вратися во Иерусалимъ.
15:35	[Зач. 37.] Павелъ же и Варнава живяста во Антiохіи, учаща и благовѣ­ст­вующа слово Господне, и со инѣми многими.
15:36	По нѣкихъ же днехъ рече Павелъ къ Варнавѣ: воз­вращшеся подобаетъ посѣтити братiю нашу во всѣхъ градѣхъ, въ нихже проповѣдахомъ слово Господне, како пребываютъ.
15:37 См.: 🔗Деян. 12:12 🔗Кол. 4:10	Варнава же восхотѣ пояти съ собою Иоан­на нарицаемаго Марка:
15:38 См.: 🔗Деян. 13:13	Павелъ же глаголаше от­ступльшаго от­ наю от­ Памфиліи и не шедшаго съ нама на дѣло, на неже послани быхомъ, не пояти сего съ собою.
15:39	Бысть убо распря, яко от­лучитися има от­ себе: Варнава убо по­емь Марка от­плы въ Кипръ:
15:40	Павелъ же избравъ Силу изыде преданъ благодати Божiей от­ братiй,
15:41 См.: 🔗Деян. 14:22	прохожда­ше же Сирію и Киликію, утверждая церкви.