Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 1 | |
1:1 | Псаломъ Давиду. |
1:2 | Блаженъ мужъ, иже не иде на совѣтъ нечестивыхъ, и на пути грѣшныхъ не ста, и на сѣдалищи губителей не сѣде: |
1:3 См.: 🔗Нав. 1:8 | но въ законѣ Господни воля его, и въ законѣ Его поучится день и нощь. |
1:4 См.: 🔗Пс. 91:13 🔗Иер. 17:8 | И будетъ яко древо насажденое при исходищихъ водъ, еже плодъ свой дастъ во время свое, и листъ его не отпадетъ: и вся, елика аще творитъ, успѣетъ. |
1:5 См.: 🔗Иов. 21:18 🔗Ис. 29:5 | Не тако нечестивiи, не тако: но яко прахъ, егоже возметаетъ вѣтръ от лица земли. |
1:6 См.: 🔗Мф. 25:32 | Сего ради не воскреснутъ нечестивiи на судъ, ниже грѣшницы въ совѣтъ праведныхъ. |
1:7 | Яко вѣсть Господь путь праведныхъ, и путь нечестивыхъ погибнетъ. |