Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 52 | |
52:1 | Въ конецъ, о Маелеѳѣ, разума Давиду. |
52:2 | Рече безуменъ въ сердцы своемъ: нѣсть Богъ. Растлѣша и омерзишася въ беззаконiихъ, нѣсть творяй благое. |
52:3 См.: 🔗Рим. 3:11 | Богъ съ небесе приниче на сыны человѣческiя, видѣти, аще есть разумѣваяй или взыскаяй Бога. |
52:4 | Вси уклонишася, вкупѣ непотребни быша: нѣсть творяй благое, нѣсть до единаго. |
52:5 | Ни ли уразумѣютъ вси дѣлающiи беззаконiе, снѣдающiи люди моя въ снѣдь хлѣба? Господа не призваша. |
52:6 См.: 🔗Мф. 25:25 | Тамо устрашишася страха, идѣже не бѣ страхъ: яко Богъ разсыпа кости человѣкоугодниковъ: постыдѣшася, яко Богъ уничижи ихъ. |
52:7 См.: 🔗Пс. 13:7 🔗Отк. 22:20 | Кто дастъ от Сiона спасенiе Израилево? Внегда возвратитъ Богъ плѣненiе людій Своихъ, возрадуется Иаковъ и возвеселится Израиль. |