Книга пророка Иезекииля, глава 18

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 18
18:1	И бысть слово Господне ко мнѣ глаголя:
18:2 См.: 🔗Иер. 31:29	сыне человѣчь, что вамъ притча сiя на земли Израилевѣ, глаголющымъ: отцы ядоша терпкое, а зубомъ чадъ ихъ оскомины быша?
18:3	Живу азъ, глаголетъ Адонаи Господь, аще будетъ еще глаголема притча сiя во Израили.
18:4 См.: 🔗Втор. 24:16 🔗Рим. 2:9	Яко вся душы моя суть, якоже душа отча, тако и душа сыновня, моя суть: душа, яже согрѣшитъ, та умретъ, и зобав­шаго пародки зубы оскомин­ны будутъ.
18:5	Человѣкъ же, иже есть праведенъ, творяй судъ и правду,
18:6 См.: 🔗Лев. 18:20	на горахъ не снѣсть и очесъ сво­ихъ не воз­двигнетъ на кумiры дому Израилева, и жены ближняго сво­его не осквернавитъ и къ женѣ въ мѣсячныхъ сущей не при­­ближит­ся,
18:7 См.: 🔗Исх. 22:26 🔗Лев. 19:13 🔗Втор. 15:7 🔗Ис. 58:7 🔗Мф. 25:35	и человѣку не насиль­ствуетъ, залогъ должнику от­дастъ и хищенiемъ не восхититъ, хлѣбъ свой алчному дастъ и нагаго облечетъ въ ризу,
18:8 См.: 🔗Исх. 22:25	и сребра сво­его въ лихву не дастъ и при­­бытка не возметъ, и от­ неправды от­вратитъ руку свою и судъ сотворитъ между мужемъ и ближнимъ сво­имъ,
18:9	и въ заповѣдехъ мо­ихъ ходилъ и оправданiя моя снабдѣлъ, еже творити та: праведенъ сей есть, жизнiю жити имать, глаголетъ Адонаи Господь.
18:10	И аще родитъ сына губителя, проливающаго кровь и творяща грѣхи,
18:11	въ путь отца сво­его праведнаго не ходилъ, но и на горахъ пожре, и жену ближняго сво­его осквернавилъ,
18:12	и убогаго и нищаго преобидѣ, и хищенiемъ восхитилъ и залога не от­далъ, и къ кумiромъ положи очи сво­и, беззаконiя сотвори,
18:13 См.: 🔗Иез. 22:12 🔗Неем. 5:7	съ лихвою даде и съ при­­множенiемъ прiялъ, сей жизнiю не поживетъ: вся сiя беззаконiя сотвори, смертiю умретъ, кровь его на немъ будетъ.
18:14	Аще же родитъ сына, онъ же увидитъ вся грѣхи отца сво­его, яже сотворилъ есть, и убо­ит­ся и не сотворитъ по нимъ,
18:15	на горахъ не снѣсть и очесъ сво­ихъ не положитъ къ кумiромъ дому Израилева, и жены подруга сво­его не осквернавитъ
18:16 См.: 🔗Втор. 15:8 🔗Ис. 58:7	и человѣка не насиль­ствуетъ, и залога не удержитъ и хищенiемъ не восхититъ, хлѣбъ свой алчному дастъ и нага одѣетъ ризою,
18:17	и от­ неправды от­вратитъ руку свою, лихвы и при­­множенiя не возметъ, правду сотворитъ и въ заповѣдехъ мо­ихъ ходити будетъ: не скончает­ся въ неправдахъ отца сво­его, [но] жизнь поживетъ.
18:18	Отецъ же его аще скорбiю оскорбитъ и хищенiемъ восхититъ, сопротивная сотворитъ посредѣ людій мо­ихъ, и умретъ въ неправдахъ сво­ихъ.
18:19	И речете: что яко не взя сынъ неправды отца сво­его? Понеже сынъ правду и милость сотвори, вся законы моя соблюде и сотвори я, жизнiю поживетъ.
18:20 См.: 🔗Втор. 24:16 🔗4Цар. 14:6 🔗2Пар. 25:4	Душа же согрѣшающая, та умретъ: сынъ не возметъ неправды отца сво­его, и отецъ не возметъ неправды сына сво­его: правда праведнаго на немъ будетъ, и беззаконiе беззакон­ника на немъ будетъ.
18:21 См.: 🔗Иер. 18:8	И беззакон­никъ аще обратит­ся от­ всѣхъ беззаконiй сво­ихъ, яже сотворилъ, и сохранитъ вся заповѣди моя и сотворитъ судъ и правду и милость, жизнiю поживетъ и не умретъ:
18:22 См.: 🔗Мих. 7:19	вся согрѣшенiя его, елика сотворилъ, не помянут­ся ему: но въ правдѣ сво­ей, юже сотворилъ, живъ будетъ.
18:23 См.: 🔗Ис. 55:7 🔗Иез. 33:11	Еда хотѣнiемъ восхощу смерти грѣшника, глаголетъ Адонаи Господь, а не еже обратитися ему от­ пути зла и живу быти ему?
18:24 См.: 🔗Иез. 3:20	И аще совратит­ся праведникъ от­ правды сво­ея и сотворитъ неправду по всѣмъ беззакониемъ, яже сотворилъ беззакон­никъ, вся правды его, яже сотворилъ есть, не помянут­ся: въ преступленiи сво­емъ, имже преступи, и во грѣсѣхъ сво­ихъ, имиже согрѣши, въ нихъ умретъ.
18:25 См.: 🔗Иез. 33:17	И рекосте: не управит­ся путь Господень. Слышите убо, весь домъ Израилевъ, еда путь мой не управит­ся? вашъ ли путь убо управит­ся?
18:26	Егда совратит­ся праведникъ от­ правды сво­ея и сотворитъ грѣхъ, и умретъ въ преступленiи, еже сотворилъ, въ томъ умретъ.
18:27	И егда обратит­ся беззакон­никъ от­ беззаконiя сво­его, еже сотворилъ, и сотворитъ судъ и правду, той душу свою снабдѣлъ есть:
18:28 См.: 🔗3Цар. 12:16	и видѣ и обратися от­ всѣхъ беззаконiй сво­ихъ, яже сотвори, жизнiю поживетъ и не умретъ.
18:29	И глаголетъ домъ Израилевъ: управит­ся путь Господень. Еда путь мой не управляет­ся? о, доме Израилевъ, убо вашъ ли путь управляет­ся?
18:30 См.: 🔗Мф. 3:2	[Сего ради] комуждо по пути его сужду вамъ, доме Израилевъ, глаголетъ Адонаи Господь: обратитеся и от­вержитеся от­ всѣхъ нечестiй вашихъ, и не будутъ вамъ неправды въ мученiе:
18:31 См.: 🔗Иер. 32:39 🔗Иез. 11:19	от­вержите от­ себе вся нечестiя ваша, имиже нече­ст­вовасте ко мнѣ, и сотворите себѣ сердце ново и духъ новъ, и сотворите вся заповѣди моя: и вскую умираете, доме Израилевъ? глаголетъ Господь.
18:32 См.: 🔗2Цар. 14:14 🔗Прем. 1:13 🔗Иез. 33:11	Понеже не хощу смерти грѣшника умирающаго, глаголетъ Адонаи Господь, но еже обратитися ему от­ пути сво­его и жити души его, глаголетъ Адонаи Господь: обратитеся убо, и живи будете.