Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Псалом 60 | |
60:1 | Въ конецъ, въ пѣснехъ, Давиду псаломъ, 60. |
60:2 | Услыши, Боже, моленiе мое, вонми молитвѣ моей: |
60:3 См.: 🔗Пс. 17:7 🔗Ис. 33:16 | от конецъ земли къ Тебѣ воззвахъ, внегда уны сердце мое: на камень вознеслъ мя еси, наставилъ мя еси, |
60:4 См.: 🔗Пс. 70:3 | яко былъ еси упованiе мое, столпъ крѣпости от лица вражiя. |
60:5 См.: 🔗Пс. 35:8 | Вселюся въ селенiи Твоемъ во вѣки, покрыюся въ кровѣ крилъ Твоихъ. |
60:6 | Яко Ты, Боже, услышалъ еси молитвы моя, далъ еси достоянiе боящымся имене Твоего. |
60:7 См.: 🔗Пс. 20:5 | Дни на дни царевы приложиши, лѣта его до дне рода и рода. |
60:8 См.: 🔗2Цар. 7:12 | Пребудетъ въ вѣкъ предъ Богомъ: милость и истину его кто взыщетъ? |
60:9 См.: 🔗Пс. 49:14 | Тако воспою имени Твоему во вѣки, воздати ми молитвы моя день от дне. |