Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 25 | |
25:1 | И рече Господь къ Моисею, глаголя: |
25:2 См.: 🔗Исх. 35:5 | рцы сыномъ Израилевымъ, и да возмутъ Ми начатки от всѣхъ, яже угодна будутъ сердцу ихъ, да возмете начатки Моя. |
25:3 | Сей же есть начатокъ, егоже возмете от нихъ: злато и сребро и мѣдь, |
25:4 | и синету и багряницу, и червленицу сугубу [пряденую], и виссонъ сканый, и власы козiя, |
25:5 | и кожы овни очервленены, и кожы сини, и древа негнiющая, |
25:6 | и елей въ свѣщенiе, ѳимiамъ во елей помазанiя и въ сложенiе ѳимiама, |
25:7 | и камени Сардийскiя, и камени въ ваянiе на епомиду {Евр.: еѳудъ, славен.: нарамникъ или верхняя риза.} и подиръ {долгая риза}. |
25:8 | И да сотвориши Ми освященiе, и явлюся въ васъ: |
25:9 См.: 🔗Исх. 26:30 | и сотвориши Ми по всему, елика Азъ покажу тебѣ на горѣ, образъ скинiи и образъ всѣхъ сосудовъ ея: сице да сотвориши. |
25:10 | И сотвориши кивотъ свидѣнiя от древъ негнiющихъ, двою лактiй и полъ въ долготу, и лактя и полъ въ широту, и лактя и полъ въ высоту: |
25:11 | и позлатиши его златомъ чистымъ, внутрьуду и внѣуду позлатиши его, и сотвориши верху его вѣнецъ златъ витый окрестъ: |
25:12 | и слiеши ему четыри колца злата, и возложиши на четыри страны его, два колца на едину страну, и два на другую страну. |
25:13 | Сотвориши же носила от древа негнiюща и позлатиши я златомъ чистымъ: |
25:14 | и вложиши носила въ колца, яже на странахъ кивота, носити ими кивотъ: |
25:15 | въ колцахъ кивота да будутъ носила не зыблющеся: |
25:16 См.: 🔗Исх. 16:34 🔗Евр. 9:4 | и вложиши въ кивотъ свидѣнiя, яже дамъ тебѣ. |
25:17 См.: 🔗Исх. 37:6 | И да сотвориши очистилище покровъ от злата чиста, двою лактiй и полъ въ долготу, лактя же и полъ въ широту: |
25:18 | и сотвориши два херувима злата изваянна, и возложиши я от обоихъ странъ очистилища: |
25:19 | да сотворятся херувими, единъ от страны сея и другій от страны другія очистилища, и сотвориши два херувима на обоихъ странахъ: |
25:20 См.: 🔗Евр. 9:5 | да будутъ херувими распростирающе крила верху, соосѣняюще крилами своими надъ очистилищемъ, и лица ихъ ко другъдругу, на очистилище будутъ лица херувимска: |
25:21 См.: 🔗Исх. 26:34 🔗Втор. 10:2 | и да возложиши очистилище на кивотъ верху, и въ кивотъ да вложиши свидѣнiя, яже дамъ тебѣ. |
25:22 См.: 🔗Исх. 29:42 | И познанъ буду тебѣ оттуду, и возглаголю тебѣ съ верху очистилища между двѣма херувимы, иже суть надъ кивотомъ свидѣнiя, и по всѣмъ, елика аще заповѣмъ тебѣ къ сыномъ Израилевымъ. |
25:23 См.: 🔗Исх. 35:13 🔗Евр. 9:2 | И сотвориши трапезу от древъ негнiющихъ, двою лактiй въ долготу, и лактя въ широту, и лактя и полъ въ высоту: |
25:24 | и позлатиши ю златомъ чистымъ, и сотвориши ей витое обложенiе златое окрестъ, и сотвориши ей вѣнецъ длани окрестъ, |
25:25 | и сотвориши витое обложенiе вѣнцу окрестъ. |
25:26 | И сотвориши четыри колца злата, и возложиши четыри колца на четыри страны ногъ ея подъ вѣнецъ: |
25:27 | и да будутъ колца на влагалища носиламъ, яко воздвизати ими трапезу. |
25:28 | И сотвориши носила ея от древъ негнiющихъ, и позлатиши я златомъ чистымъ, и воздвизатися будетъ на нихъ трапеза. |
25:29 | И сотвориши блюда ея и ѳимiамники, и возливалники и чашы, имиже возливати будеши: от злата чиста да сотвориши я. |
25:30 | И возлагати будеши на трапезу хлѣбы предложенiя предо Мною присно. |
25:31 См.: 🔗Исх. 35:14 🔗Чис. 8:4 | И да сотвориши свѣтилникъ от злата чиста, изваянъ да сотвориши свѣтилникъ: стебль его и вѣтви, и чашы и крузи и крины от него да будутъ: |
25:32 | шесть же вѣтвiй исходящихъ от странъ, три вѣтви свѣтилника от страны его единыя и три вѣтви свѣтилника от страны вторыя: |
25:33 См.: 🔗Зах. 4:2 | и три чашы во образъ орѣха, на единѣй вѣтви кругъ и кринъ: тако шести вѣтвамъ исходящымъ от свѣтилника: |
25:34 | и на свѣтилникѣ четыри чашы во образъ орѣха, на единѣй вѣтви крузи и крины его: |
25:35 | кругъ подъ двѣма вѣтвьми от него, и кругъ подъ четырьми вѣтвьми от него: тако шести вѣтвамъ исходящымъ от свѣтилника: и на свѣтилникѣ четыри чашы во образъ орѣха: |
25:36 | крузи и вѣтви от него да будутъ: весь изваянъ от единаго злата чиста. |
25:37 См.: 🔗Чис. 8:2 | И да сотвориши свѣтилъ его седмь, и поставиши свѣтила его, и свѣтити будутъ от единаго лица его: |
25:38 | и щипцы его, и подставы его от злата чиста сотвориши: |
25:39 | талантомъ злата чиста да сотвориши вся сосуды сiя. |
25:40 См.: 🔗Деян. 7:44 🔗Евр. 8:5 | Виждь, да сотвориши по образу показанному тебѣ на горѣ. |