Книга Левит, глава 15

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 15
15:1	И рече Господь къ Моисею и Аарону, глаголя:
15:2 См.: 🔗Лев. 22:4 🔗2Цар. 3:29	глаголи сыномъ Израилевымъ и речеши къ нимъ: мужу, мужу, емуже аще будетъ излiянiе от­ тѣла его, излiянiе его нечисто есть.
15:3	И сей законъ нечистоты его: изливаяй сѣмя изъ тѣла сво­его, от­ излiянiя, имже составлено есть тѣло его излiянiемъ, сiя нечистота его въ немъ: вся дни излiянiя тѣла его, имже составлено тѣло его излiянiемъ его, нечистота его есть:
15:4	всяко ложе, на немже аще ляжетъ изливаяй сѣмя, нечисто есть: и всякъ сосудъ, на немже аще сядетъ верху его изливаяй сѣмя, нечистъ будетъ:
15:5 См.: 🔗Лев. 11:24	и человѣкъ, иже аще при­­коснет­ся ложа его, да исперетъ ризы своя и да омыетъ тѣло свое водою, и нечистъ будетъ до вечера:
15:6	и сѣдяй на сосудѣ, на немже аще сядетъ верху его изливаяй сѣмя, да исперетъ ризы своя и да омыет­ся водою, и нечистъ будетъ до вечера:
15:7	и при­­коснувыйся къ плоти изливающаго сѣмя да исперетъ ризы своя и да омыет­ся водою, и нечистъ будетъ до вечера.
15:8	Аще же плюнетъ изливаяй сѣмя на чистаго, да исперетъ ризы своя и да измыет­ся водою, и нечистъ будетъ до вечера:
15:9	и всяко сѣдло ослее, на неже аще всядетъ верху его изливаяй сѣмя, нечисто будетъ до вечера:
15:10	и всякъ при­­коснувыйся всѣмъ, яже суть подъ нимъ, нечистъ будетъ до вечера: и вземляй я да исперетъ ризы своя и омыет­ся водою, и нечистъ будетъ до вечера:
15:11	и еликимъ аще коснет­ся изливаяй сѣмя и рукъ сво­ихъ не омыетъ водою, да исперетъ ризы своя и омыетъ тѣло водою, и нечистъ будетъ до вечера:
15:12 См.: 🔗Лев. 6:28	и сосудъ глинянъ, емуже аще при­­коснет­ся изливаяй сѣмя, да разбiет­ся: а сосудъ древяный да измыет­ся водою, и чистъ будетъ.
15:13 См.: 🔗Чис. 19:11	Аще же очистит­ся изливаяй сѣмя от­ излiянiя сво­его, и исчислитъ себѣ седмь дній на очищенiе свое, и исперетъ ризы своя и омыетъ тѣло свое водою живою, и чистъ будетъ:
15:14 См.: 🔗Лев. 12:8	и въ день осмый да возметъ себѣ два горличища или два птенца голубина, и да при­­несетъ я предъ Господа къ дверемъ скинiи свидѣнiя, и дастъ я жерцу:
15:15	и сотворитъ я жрецъ единъ грѣха ради, и другій во всесожженiе: и да помолит­ся о немъ жрецъ предъ Господемъ о излiянiи его.
15:16	И человѣкъ, емуже аще изыдетъ от­ ложа его сѣмя, и да омыетъ водою все тѣло свое, и нечистъ будетъ до вечера:
15:17	и всяка риза и всяка кожа, на нейже аще будетъ ложе сѣмен­ное, да измыет­ся водою, и нечиста будетъ до вечера.
15:18	И аще ляжетъ мужъ съ женою сво­ею на ложи сѣмене, да измыют­ся водою, и нечисты будутъ до вечера.
15:19 См.: 🔗Лев. 18:19	И жена яже аще будетъ кровь точащи, и будетъ теченiе ея въ тѣлеси ея, седмь дній да будетъ въ сквернѣ сво­ей: и всякъ при­­касаяйся ей нечистъ будетъ до вечера:
15:20	и все, на немже аще сѣдитъ въ теченiи сво­емъ, нечисто будетъ, и всяко, на неже аще при­­сядетъ [она], нечисто будетъ:
15:21	и всякъ, иже аще при­­коснет­ся ложа ея, да исперетъ ризы своя и да измыетъ водою тѣло свое, и нечистъ будетъ до вечера:
15:22	и всякъ при­­касаяйся всякому сосуду, на немже аще сядетъ, да исперетъ ризы своя и да измыет­ся водою, и нечистъ будетъ до вечера:
15:23	аще же на ложи ей сущей, или на сосудѣ, на немже аще сядетъ [она], егда при­­коснет­ся кто ей, нечистъ будетъ до вечера.
15:24 См.: 🔗Лев. 18:19 🔗Иез. 18:6	Аще же кто будетъ на ложи съ нею, и будетъ нечистота ея на немъ, нечистъ будетъ седмь дній: и всяко ложе, на немже аще ляжетъ, нечисто будетъ.
15:25 См.: 🔗Мф. 9:20	И жена аще точитъ теченiе крове дни многи, не во время скверны ея, аще и течетъ по оскверненiи ея, вся дни теченiя нечистоты ея, якоже дни скверны ея, нечиста будетъ:
15:26	и всяко ложе, на немже аще ляжетъ вся дни теченiя ея, по ложи скверны ея будетъ ей: и всякъ сосудъ, на немже аще сядетъ, нечистъ будетъ по нечистотѣ скверны ея:
15:27	и всякъ при­­касаяйся ей нечистъ будетъ, да исперетъ ризы своя и омыетъ водою тѣло свое, и нечистъ будетъ до вечера.
15:28	Аще же очистит­ся от­ теченiя сво­его, да сочтетъ себѣ седмь дній, и по сихъ чиста будетъ:
15:29 См.: 🔗Лев. 12:8 🔗Лев. 14:22	и во осмый день да возметъ себѣ два горличища или два птенца голубина, и при­­несетъ я къ жерцу къ дверемъ скинiи свидѣнiя,
15:30	и да сотворитъ жрецъ, единъ грѣха ради и другій во всесожженiе, и да помолит­ся о ней жрецъ предъ Господемъ о теченiи нечистоты ея.
15:31	И благоговѣйны сотворите сыны Израилевы от­ нечистотъ ихъ: и да не умрутъ нечистоты ради сво­ея, внегда осквернити имъ скинiю Мою яже въ нихъ.
15:32	Сей законъ изливающему сѣмя, и аще кому изыдетъ изъ него ложе сѣмен­ное, якоже осквернитися въ немъ,
15:33	и точащей кровь въ сквернѣ сво­ей, и изливающему сѣмя во излiянiи сво­емъ мужеску полу или женску, и мужу, иже аще поспитъ со сквернавою.