Книга Судей Израилевых, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1 См.: 🔗Исх. 3:2 🔗Исх. 14:19 🔗Быт. 17:7	И взыде ангелъ Господень от­ Галгалъ къ мѣсту плача и къ Веѳилю и къ дому Израилеву, и рече къ нимъ: сiя глаголетъ Господь: изведохъ васъ изъ Египта, и введохъ васъ въ землю, еюже кляхся отцемъ вашымъ дати вамъ: и рекохъ: не разорю завѣта мо­его, иже съ вами, во вѣки:
2:2 См.: 🔗Исх. 23:32 🔗Исх. 34:13	и вы не завѣщайте завѣта съ сѣдящими на земли сей, ниже богомъ ихъ да поклонитеся, но изваян­ная ихъ сокрушите, и олтари ихъ раскопайте: и не послушасте гласа мо­его, яко сiя сотвористе:
2:3 См.: 🔗Нав. 23:13 🔗Исх. 23:33 🔗Исх. 34:12	и азъ рѣхъ: не при­­ложу преселити людій, ихже рѣхъ изгнати, ниже от­иму ихъ от­ лица ва­шего, и будутъ вамъ въ тернiе, и бози ихъ будутъ вамъ въ соблазнъ.
2:4	И бысть егда глагола ангелъ Господень словеса сiя ко всѣмъ сыномъ Израилевымъ, и воз­двигоша людiе гласъ свой, и восплакашася.
2:5	И сего ради прозвася имя мѣсту тому плачь: и пожроша тамо Господеви.
2:6 См.: 🔗Нав. 24:28	И от­пусти иисусъ люди, и от­идоша сынове Израилевы кійждо въ домы своя и кійждо въ наслѣдiе свое наслѣдити землю.
2:7 См.: 🔗Нав. 24:31	И работаша людiе Господеви во вся дни иисусовы и во вся дни старѣйшинъ, елицы пожиша многи дни со иисусомъ, елицы разумѣша все дѣло Господне великое, еже сотвори Израилю.
2:8 См.: 🔗Нав. 24:29	И скончася иисусъ сынъ навинъ рабъ Господень, сынъ ста и десяти лѣтъ.
2:9 См.: 🔗Нав. 19:50	И погребоша его въ предѣлѣхъ наслѣдiя его въ Ѳамнаѳаресѣ, въ горѣ Ефремли, от­ сѣвера горы гаасъ:
2:10	и весь родъ онъ при­­ложишася ко отцемъ сво­имъ. И воста родъ другій по сихъ, иже не познаша Господа и дѣла, еже сотвори во Израили.
2:11 См.: 🔗Суд. 3:7	И сотвориша сынове Израилевы злое предъ Господемъ и послужиша Ваалу,
2:12 См.: 🔗Прит. 29:18	и оставиша Господа Бога отецъ сво­ихъ, изведшаго ихъ изъ земли Египетски, и по­идоша вслѣдъ боговъ иныхъ, от­ боговъ языческихъ, иже окрестъ ихъ, и поклонишася имъ: и разгнѣваша Господа,
2:13 См.: 🔗Чис. 25:3 🔗Суд. 8:33	и оставиша его, и послужиша Ваалу и Астартомъ.
2:14 См.: 🔗Суд. 3:8 🔗Пс. 43:13 🔗Ис. 50:1	И разгнѣвася яростiю Господь на Израиля и предаде его въ руки плѣняющихъ, и плѣниша ихъ: и от­даде ихъ въ руки враговъ ихъ, иже окрестъ ихъ, и не воз­могоша ктому противостати предъ лицемъ враговъ сво­ихъ, во всѣхъ въ нихже прохождаху.
2:15	И рука Господня бяше на нихъ во злая, якоже глагола Господь и якоже клят­ся Господь имъ, и озлоби ихъ зѣло.
2:16 См.: 🔗Суд. 3:9 🔗Деян. 13:20	И воз­стави [имъ] Господь судiи, и избави ихъ Господь от­ руки плѣняющихъ я.
2:17 См.: 🔗Лев. 17:7	Но и судій не послушаша, яко соблудиша вслѣдъ боговъ иныхъ и поклонишася имъ, и разгнѣваша Господа: и уклонишася съ пути скоро, по немуже ходиша отцы ихъ послушати заповѣдiй Господнихъ: не сотвориша тако.
2:18 См.: 🔗Суд. 10:16	И яко воз­стави имъ Господь судій, и бяше Господь съ судiею, и спасе я от­ руки враговъ ихъ во вся дни судiи: яко умилися Господь от­ воз­дыханiя ихъ, от­ лица воюющихъ на ня и озлобляющихъ я.
2:19	И бысть егда умира­ше судiя, и от­вращахуся, и паки растлѣвахуся паче отецъ сво­ихъ, идуще вслѣдъ боговъ иныхъ служити имъ и покланятися имъ: не от­вергоша начинанiй сво­ихъ и не от­ступиша от­ путій сво­ихъ жестокихъ.
2:20 См.: 🔗Суд. 3:8	И разгнѣвася яростiю Господь на Израиля и рече: понеже остави родъ сей завѣтъ мой, егоже заповѣдахъ отцемъ ихъ, и не послушаша гласа мо­его,
2:21 См.: 🔗Нав. 23:13	и азъ не при­­ложу изгнати мужа от­ лица ихъ от­ сихъ языковъ, ихже остави иисусъ сынъ навинъ на земли и умре,
2:22 См.: 🔗Втор. 8:2 🔗Суд. 3:4 🔗Мф. 6:13	еже искушати въ нихъ Израиля, аще сохранятъ путь Господень ходити въ немъ, якоже сохраниша отцы ихъ, или ни.
2:23	И остави Господь языки сiя не истребити ихъ вскорѣ, и не предаде ихъ въ руку иисусову.