Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 9 | |
9:1 | Иудиѳъ же паде на лице, и возложи персть на главу свою, и сложи, имже одѣвашеся, вретище. И бяше недавно приносимо во Иерусалимѣ въ дому Господни кадило въ вечеръ той, и возопи глсомъ великимъ Иудиѳъ ко Господу и рече: |
9:2 См.: 🔗Быт. 34:25 | Господи, Боже отца моего Симеона, емуже далъ еси въ руку мечь во отмщенiе инородныхъ, иже растлиша ложесна дѣвича во оскверненiе и обнажиша нѣдро въ срамоту и оскверниша ложесна въ поношенiе, |
9:3 См.: 🔗Исх. 20:14 | реклъ бо еси: да не будетъ тако: и сотвориша, за яже далъ еси князи ихъ на убiенiе, и постелю ихъ, яже вѣдяше прельщенiе ихъ, въ кровь, и поразилъ еси рабовъ о владыцѣхъ и владыки на престолѣхъ ихъ, |
9:4 | и далъ еси жены ихъ въ расхищенiе и дщери ихъ въ плѣненiе и вся корысти ихъ въ раздѣленiе сыномъ возлюбленнымъ от тебе, иже и возревноваша ревностiю твоею и мерзишася оскверненiемъ крове своея и призваша тя въ помощника: Боже, Боже мой, и мене услыши вдову: |
9:5 | ты бо сотворилъ еси, яже прежде оныхъ и оная, и яже по сихъ и яже нынѣ, и грядущая проразумѣлъ еси, и собышася, яже мыслилъ еси, |
9:6 | и предсташа, яже уставилъ еси, и рѣша: се, есмы: вси бо путiе твои готови, и судъ твой во проразумѣнiи: |
9:7 | се бо, Ассиріане умножишася въ силѣ своей, вознесошася о кони и о всадницѣ, возвеличашася въ мышцѣ пѣшевъ, уповаша на щитъ и копiе и лукъ и пращу, и не познаша, яко ты еси Господь сокрушаяй брани: |
9:8 | Господь имя тебѣ, ты сокруши ихъ крѣпость силою твоею и низложи державу ихъ яростiю твоею: усовѣтоваша бо омерзити святая твоя, осквернити селенiе упокоенiя имене славы твоея и опровергнути желѣзомъ рогъ олтаря твоего: |
9:9 | воззри на гордость ихъ, посли гнѣвъ твой на главы ихъ, даждь въ руку мою вдовiю, юже умыслихъ, крѣпость, |
9:10 | порази раба от устенъ хитрости моея о князи и князя о рабѣ его, сокруши гордыню ихъ рукою женскою: |
9:11 | не бо во множествѣ крѣпость твоя, ниже могутство твое въ сильныхъ, но смиренныхъ еси Богъ, малѣйшихъ еси помощникъ, заступникъ немощныхъ, отчаянныхъ покровитель, ненадежныхъ Спаситель: |
9:12 | ей, ей, Боже отца моего и Боже наследiя Израилева, Владыко небесъ и земли, создателю водъ, Царю всея твари твоея, ты услыши моленiе мое |
9:13 | и даждь слово мое и хитрость въ язву и рану ихъ иже противу завѣта твоего и дому освященнаго твоего, и въ верха Сiоня и дому одержанiя сыновъ твоихъ усовѣтоваша жестокая, |
9:14 | и сотвори во всемъ языцѣ твоемъ и во всемъ племени познанiе, еже вѣдати, яко ты еси, Боже Богъ всея силы и державы, и нѣсть инаго защитника рода Израилева кромѣ тебе. |