Книга Неемии, глава 13

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 13
13:1 См.: 🔗Втор. 23:3	Въ день той чтено бысть въ книзѣ Моисеовѣ во слышанiе людемъ, и обрѣтеся написано въ ней: да не имутъ внити Амманитяне и Моавитяне въ церковь Божiю даже до вѣка,
13:2 См.: 🔗Чис. 22:5	понеже не срѣтоша сыновъ Израилевыхъ со хлѣбомъ и водою и наяша на нихъ Валаама на проклятiе ихъ: и обрати Богъ нашъ проклят­ст­во на благословенiе.
13:3	И бысть егда слышаху законъ, и от­лучиша всѣхъ чуждихъ от­ Израиля.
13:4 См.: 🔗Неем. 4:3 🔗Неем. 12:10	И прежде сего Елiасивъ священ­никъ живяше въ сокровищнѣмъ дому Бога на­шего, сродникъ товіинъ,
13:5	и сотвори ему сокровищный домъ великъ: таможе бяху прежде при­­носяще жертву и Ливанъ, и сосуды и десятину пшеницы и вина и елеа, уставленая левитомъ и пѣвцемъ и дверникомъ, и начатки священ­ническiя.
13:6	Во всѣхъ же сихъ не быхъ во Иерусалимѣ, понеже въ лѣто тридесять второе Артаксеркса царя Вавилонскаго прiидохъ ко царю: и по скончанiи дній испросихъ от­ царя
13:7	и прiидохъ во Иерусалимъ, и уразумѣхъ зло, еже сотвори Елiасивъ товіи, сотворити ему сокровищный домъ во дворѣ дому Божiя,
13:8	и зло явися ми зѣло: и извергохъ вся сосуды дому товіева вонъ изъ дому сокровищнаго,
13:9 См.: 🔗2Пар. 29:5 🔗Лев. 2:1	и рекохъ, и очистиша сокровищный домъ: и воз­вратихъ онамо сосуды дому Божiя, жертву и Ливанъ.
13:10 См.: 🔗2Пар. 31:4	И познахъ, яко части Левитскiя не быша даны, и побѣгоша кійждо на село свое левити и пѣвцы творящiи дѣло.
13:11	И пряхся со стратигами и рекохъ: чесо ради оставленъ бысть домъ Божiй? И собрахъ ихъ и поставихъ оныхъ во стоянiихъ сво­ихъ.
13:12 См.: 🔗Неем. 10:37	И весь Иуда при­­несоша десятину пшеницы и вина и елеа въ сокровища подъ руку селеміи священ­ника и садока писца и фадаіи от­ Левитъ,
13:13	и при­­ нихъ Ананъ сынъ закхуровъ, сынъ Матѳаніевъ, яко вѣрни искушени суть надъ ними раздѣляти братiямъ сво­имъ.
13:14 См.: 🔗Неем. 5:19 🔗Евр. 6:10	Помяни мя, Боже, того ради, и да не погибнетъ милость моя, юже сотворихъ въ дому Господа Бога мо­его и въ чинѣхъ его.
13:15 См.: 🔗Иер. 17:21 🔗Неем. 10:31 🔗Ам. 8:5	Во днехъ тѣхъ видѣхъ во Иудѣ топчущихъ точило въ субботу, и носящихъ снопы, и воз­лагающихъ на ослы и вино, и гроздiе, и смоквы, и всякое бремя, и носящихъ во Иерусалимъ во дни субботныя: и засвидѣтел­ст­вовахъ имъ въ день продаянiя ихъ.
13:16	И тиряне обиташа въ немъ при­­носяще рыбы, и вся продаемая продающе въ субботы сыновомъ Иудинымъ и во Иерусалимѣ.
13:17	И обличихъ сыновъ Иудиныхъ свободныхъ и рекохъ имъ: что сiя вещь злая, юже вы творите, и скверните день субботный?
13:18 См.: 🔗Иер. 17:21	не сiя ли сотвориша отцы ваши, и наведе на нихъ Богъ нашъ и на насъ вся злая сiя, и на градъ сей, и вы при­­лагаете гнѣвъ на Израиля, скверняще субботу?
13:19	Бысть же егда поставишася врата во Иерусалимѣ прежде субботы, и рекохъ, и запроша двери и повелѣхъ, да не от­верзаютъ ихъ даже по субботѣ: и от­ отрокъ мо­ихъ поставихъ надъ враты, да ни единъ вноситъ бремя въ день субботный.
13:20	И сташа вси и творяху куплю внѣ Иерусалима единощи и дващи.
13:21	И засвидѣтел­ст­вовахъ о нихъ и рекохъ имъ: что вы пребываете предъ стѣною? аще вторицею сiе сотворите, простру руку мою на васъ. И от­ времене того не прiидоша въ субботу.
13:22 См.: 🔗Неем. 5:19	И рекохъ левитомъ, иже бяху очищени, дабы при­­ходили хранити вратъ и святити день субботный. И сихъ ради помяни мя, Боже, и прости ми по множе­ст­ву милости тво­ея.
13:23 См.: 🔗1Езд. 9:2 🔗1Езд. 10:2	И во днехъ онѣхъ видѣхъ Иудеевъ по­емшихъ жены азотскiя, Амманитяны, Моавитскiя,
13:24	и сынове ихъ от­ полу глаголаху азотскимъ языкомъ и не умѣяху глаголати Иудейски:
13:25 См.: 🔗Втор. 7:3 🔗1Езд. 9:2	и запретихъ имъ, и прокляхъ ихъ, и поразихъ от­ нихъ мужей, и оплѣшихъ ихъ, и закляхъ ихъ Богомъ, аще дадите дщери вашя сыновомъ ихъ и аще поймете от­ дщерей ихъ сыновомъ вашымъ и себѣ:
13:26 См.: 🔗3Цар. 3:13 🔗3Цар. 11:3 🔗2Пар. 1:12 🔗2Цар. 12:24	не тако ли согрѣши соломонъ царь Израилевъ? и во языцѣхъ мнозѣхъ не бысть царь подобенъ ему, и воз­любленъ Богу бѣ, и постави его Богъ царемъ надъ всѣмъ Израилемъ, и того прельстиша жены чуждія:
13:27	и мы послушаемъ ли васъ творити всяко зло сiе, согрѣшити Богу на­шему, еже пояти жены иноплемен­ничи?
13:28 См.: 🔗Неем. 2:19 🔗1Езд. 10:8	И от­ сыновъ Иоада сына Ельтува священ­ника великаго, зятя санаваллатова уранитина, и изгнахъ его от­ мене.
13:29 См.: 🔗Неем. 6:14	Помяни имъ, Боже, за оскверненiе священ­ства и завѣта священ­ническа и левитска.
13:30	И очистихъ ихъ от­ всякiя чуждія нечистоты, и поставихъ чреды священ­никомъ и левитомъ, комуждо по дѣлу его,
13:31 См.: 🔗Неем. 5:19 🔗Неем. 10:34 🔗Ис. 38:3	и даянiе древесъ во временѣхъ уставленыхъ и первородныхъ. Помяни мя, Боже нашъ, во благое.