Книга пророка Иезекииля, глава 8

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 8
8:1 См.: 🔗Иез. 14:1	И бысть въ лѣто шестое въ шестый месяцъ, въ пятый день месяца, азъ сѣдѣхъ въ дому мо­емъ, и старѣйшины Иудины сѣдяху предо мною, и бысть на мнѣ рука Адонаи Господа.
8:2 См.: 🔗Иез. 1:27	И видѣхъ, и се, подобiе мужа, от­ чреслъ его и даже до низу огнь, от­ чреслъ же его въ верхъ его якоже видѣнiе зари и яко взоръ илектра.
8:3 См.: 🔗Дан. 5:5	И простре подобiе руки и взя мя за верхъ главы мо­ея, и взя мя духъ средѣ земли и средѣ небесе и веде мя во Иерусалимъ въ видѣнiи Божiи на преддверiе вратъ внутрен­нѣйшихъ зрящихъ на сѣверъ, идѣже бѣ столпъ и образъ ревности при­­тяжавающаго.
8:4 См.: 🔗Иез. 3:23	И се, ту бяше слава Господа Бога Израилева по видѣнiю, еже видѣхъ на поли.
8:5 См.: 🔗Иер. 7:30 🔗4Цар. 21:7	И рече ко мнѣ: сыне человѣчь, воз­зри очима тво­има на сѣверъ. И воз­зрѣхъ очима мо­има на сѣверъ, и се, от­ сѣвера ко вратомъ зрящымъ на востокъ требника, идѣже образъ рвенiя сего во входѣ.
8:6	И рече ко мнѣ: сыне человѣчь, видѣлъ ли еси, что сіи творятъ? беззаконiя велика домъ Израилевъ творитъ здѣ, еже удалятися от­ святынь мо­ихъ: еже обратився узриши болшая беззаконiя.
8:7	И введе мя ко предвратiю двора, и видѣхъ, и се, скважня едина въ стѣнѣ.
8:8	И рече ко мнѣ: сыне человѣчь, раскопай стѣну. И раскопахъ, и се, дверь едина.
8:9	И рече ко мнѣ: вниди и виждь беззаконiя злая, яже творятъ сіи здѣ.
8:10 См.: 🔗Рим. 1:23 🔗Лев. 26:30 🔗Втор. 27:15	И внидохъ и видѣхъ, и се, всякое подобiе гада и скота, суетная гнушенiя и всяцыи кумiры дому Израилева написани быша на стѣнѣ всюду около.
8:11 См.: 🔗Втор. 10:8 🔗Иер. 23:11	И седмьдесятъ мужей от­ старѣйшинъ дому Израилева, и Иезонiа сынъ Сафановъ посредѣ ихъ стояше предъ лицемъ ихъ, и кійждо кадилницу свою имѣяше въ руцѣ сво­ей, и дымъ кадила восхожда­ше.
8:12 См.: 🔗Иез. 9:9	И рече ко мнѣ: видѣлъ ли еси, сыне человѣчь, яже старцы дому Израилева творятъ здѣ, кійждо ихъ на ложи тайнѣмъ сво­емъ, зане рѣша: не видитъ Господь, оставилъ Господь землю.
8:13	И рече ко мнѣ: еще обратися, и узриши беззаконiя болшая, яже сіи творятъ.
8:14	И введе мя въ преддверiе вратъ дому Господня зрящихъ на сѣверъ: и се, тамо жены сѣдящыя плачущяся о Ѳаммузѣ.
8:15	И рече ко мнѣ: сыне человѣчь, видѣлъ еси, и еще узриши мерзости ихъ болшыя сихъ.
8:16 См.: 🔗Иез. 11:1 🔗Втор. 17:3	И введе мя во дворъ дому Господня внутрен­нiй, и въ преддверiе храма Господня, между Еламомъ и между жертвен­никомъ, яко двадесять и пять мужей, задняя своя дав­шихъ ко храму Господню, и лица ихъ прямо къ востоку: и сіи покланяют­ся на востокъ солнцу.
8:17	И рече ко мнѣ: видѣлъ еси, сыне человѣчь, еда мало дому Иудину, еже творити беззаконiя, яже сотвориша здѣ? понеже наполниша землю беззаконiя, и обратишася разгнѣвати мя: и се, сіи простираютъ лозу аки ругающеся мнѣ:
8:18 См.: 🔗Иез. 5:11 🔗Ис. 1:15 🔗Иер. 11:11	и азъ сотворю имъ съ яростiю: не пощадитъ око мое, и не помилую: и воз­зовутъ во ушы мо­и гласомъ великимъ, и не услышу ихъ.