Псалтирь, псалом 113

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Псалом 113
113:1	Аллилуiа.
113:2 См.: 🔗Исх. 13:3	Во исходѣ Израилевѣ от­ Египта, дому Иаковля изъ людій варваръ,
113:3	бысть Иудеа святыня Его, Израиль область Его.
113:4 См.: 🔗Исх. 14:21 🔗Нав. 3:16	Море видѣ и побѣже, Иорданъ воз­вратися вспять:
113:5 См.: 🔗Пс. 67:17	горы взыграшася яко овни, и холми яко агнцы овчiи.
113:6 См.: 🔗Наум. 1:4	Что ти есть, море, яко побѣгло еси, и тебѣ, Иордане, яко воз­вратил­ся еси вспять:
113:7	горы, яко взыграстеся яко овни, и холми яко агнцы овчiи.
113:8	От лица Господня подвижеся земля, от­ лица Бога Иаковля:
113:9 См.: 🔗Исх. 17:6 🔗Чис. 20:11	обращшаго камень во езера водная и несѣкомый во источники водныя.
113:10 См.: 🔗1Пар. 16:35	Не намъ, Господи, не намъ, но имени Тво­ему даждь славу о милости Тво­ей и истинѣ Тво­ей:
113:11 См.: 🔗Пс. 41:4	да не когда рекутъ языцы: гдѣ есть Богъ ихъ?
113:12 См.: 🔗Втор. 33:26	Богъ же нашъ на небеси и на земли, вся елика восхотѣ, сотвори.
113:13 См.: 🔗Пс. 134:15	Идоли языкъ сребро и злато, дѣла рукъ человѣческихъ:
113:14 См.: 🔗Прем. 15:15	уста имутъ, и не воз­глаголютъ: очи имутъ, и не узрятъ:
113:15 См.: 🔗Пс. 134:17	ушы имутъ, и не услышатъ: ноздри имутъ, и не обоняютъ:
113:16	руцѣ имутъ, и не осяжутъ: нозѣ имутъ, и не пойдутъ: не воз­гласятъ гортанемъ сво­имъ.
113:17 См.: 🔗Иер. 10:8	Подобни имъ да будутъ творящiи я и вси надѣющiися на ня.
113:18 См.: 🔗Пс. 129:5	Домъ Израилевъ упова на Господа: помощникъ и защититель имъ есть.
113:19	Домъ Ааронь упова на Господа: помощникъ и защититель имъ есть.
113:20	Боящiися Господа уповаша на Господа: помощникъ и защититель имъ есть.
113:21	Господь помянувъ ны благословилъ есть насъ: благословилъ есть домъ Израилевъ, благословилъ есть домъ Ааронь,
113:22	благословилъ есть боящыяся Господа, малыя съ великими.
113:23	Да при­­ложитъ Господь на вы, на вы и на сыны вашя:
113:24	благословени вы Господеви, сотворшему небо и землю.
113:25 См.: 🔗Втор. 10:14	Небо небесе Господеви, землю же даде сыновомъ человѣческимъ.
113:26 См.: 🔗Пс. 6:6 🔗Ис. 38:18 🔗Вар. 2:17	Не мертвiи восхвалятъ Тя, Господи, ниже вси низходящiи во адъ:
113:27 См.: 🔗Дан. 2:20	но мы живіи благословимъ Господа от­нынѣ и до вѣка.