Книга Иова, глава 8

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 8
8:1 См.: 🔗Иов. 18:1 🔗Иов. 25:1	Отвѣщавъ же Валдадъ Савхейскiй, рече: доколѣ глаголати будеши сiя?
8:2	духъ многоглаголивъ во устѣхъ тво­ихъ.
8:3 См.: 🔗Втор. 32:4 🔗2Пар. 19:7 🔗Дан. 9:14	Еда Господь обидитъ судяй? или вся сотворивый воз­мятетъ правду?
8:4	Аще сынове тво­и согрѣшиша предъ нимъ, посла руку на беззаконiя ихъ:
8:5 См.: 🔗Иов. 22:23	ты же утренюй ко Господу Вседержителю моляся:
8:6	аще чистъ еси и истиненъ, молитву твою услышитъ, устроитъ же ти паки житiе правды:
8:7 См.: 🔗Иов. 42:10	будутъ убо первая твоя мала, послѣдняя же твоя безъ числа.
8:8 См.: 🔗Втор. 4:32	Вопроси бо рода перваго, изслѣди же по роду отцевъ:
8:9 См.: 🔗Иов. 14:2 🔗Пс. 143:4	вчерашни бо есмы и не вѣмы, сѣнь бо есть на­ше житiе на земли:
8:10	не сіи ли научатъ тя и воз­вѣстятъ ти и от­ сердца изнесутъ словеса?
8:11	Еда про­изничетъ рогозъ безъ воды, или растетъ ситникъ безъ напаянiя?
8:12 См.: 🔗Пс. 128:6 🔗Иер. 17:6	еще сущу на корени, и не пожнет­ся ли? прежде напаянiя всякое былiе не изсыхаетъ ли?
8:13 См.: 🔗Пс. 111:10 🔗Прит. 10:28	тако убо будутъ послѣдняя всѣхъ забывающихъ Господа: надежда бо нечестиваго погибнетъ:
8:14	не населенъ бо будетъ домъ его, паучина же сбудет­ся селенiе его.
8:15	Аще подпретъ храмину свою, не станетъ: емшуся же ему за ню, не пребудетъ.
8:16	Влажный бо есть подъ солнцемъ, и от­ тлѣнiя его лѣторасль его изыдетъ:
8:17	на собранiи каменiя спитъ, посредѣ же кременiя поживетъ:
8:18	аще поглотитъ мѣсто, солжетъ ему, не видѣлъ еси таковая,
8:19	яко превращенiе нечестиваго таково, изъ земли же инаго про­израститъ.
8:20 См.: 🔗Пс. 36:18	Господь бо не от­ринетъ незлобиваго: всякаго же дара от­ нечестиваго не прiиметъ.
8:21	Истин­нымъ же уста исполнитъ смѣха, устнѣ же ихъ исповѣданiя.
8:22	Врази же ихъ облекут­ся въ студъ: жилище же нечестиваго не будетъ.