Песнь песней Соломона, глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1 См.: 🔗Еф. 5:32 🔗Песн. 4:10	Да лобжетъ мя от­ лобзанiй устъ сво­ихъ: яко блага сосца твоя паче вина,
1:2 См.: 🔗Пс. 44:8	и воня мира тво­его паче всѣхъ ароматъ. Миро излiяное имя твое: сего ради отроковицы воз­любиша тя.
1:3 См.: 🔗Пс. 44:9	Привлекоша тя: вслѣдъ тебе въ воню мира тво­его течемъ. Введе мя царь въ ложницу свою: воз­радуемся и воз­веселимся о тебѣ, воз­любимъ сосца твоя паче вина: правость воз­люби тя.
1:4 См.: 🔗Пс. 44:14 🔗Пс. 119:5	Черна есмь азъ и добра, дщери Иерусалимскiя, якоже селенiя Кидарска, якоже завѣсы соломони.
1:5 См.: 🔗Отк. 7:16	Не зрите мене, яко азъ есмь очернена, яко опали мя солнце: сынове матере мо­ея сваряхуся о мнѣ, положиша мя стража въ виноградѣхъ: винограда мо­его не сохранихъ.
1:6 См.: 🔗Песн. 3:1 🔗Ин. 1:41 🔗Песн. 5:9	Возвѣсти ми, егоже воз­люби душа моя, гдѣ пасеши? гдѣ почиваеши въ полудне? да не когда буду яко облагающаяся надъ стады друговъ тво­ихъ.
1:7	Аще не увѣси самую тебе, добрая въ женахъ, изыди ты въ пятахъ па­ст­въ и паси козлища твоя у кущей пастырскихъ.
1:8 См.: 🔗3Цар. 10:28 🔗Песн. 2:2 🔗Ин. 15:14	Конемъ мо­имъ въ колесницѣхъ фараоновыхъ уподобихъ тя, ближняя моя.
1:9 См.: 🔗Иез. 16:11	Что украшены ланиты твоя яко горлицы, выя твоя яко монисты?
1:10	подобiя злата сотворимъ ти съ пестротами сребра.
1:11	Дондеже [будетъ] царь на восклоненiи сво­емъ, нардъ мой даде воню свою.
1:12	Вязанiе стакти братъ мой мнѣ, посредѣ сосцу моею водворит­ся:
1:13 См.: 🔗Ин. 15:1 🔗1Цар. 24:1	грезнъ кипровъ братъ мой мнѣ въ виноградѣхъ енгаддовыхъ.
1:14 См.: 🔗Песн. 4:1	Се, еси добра, искрен­няя моя, се, еси добра: очи тво­и голубинѣ.
1:15	Се, еси добръ, братъ мой, и еще красенъ: одръ нашъ со осѣненiемъ,
1:16	преклади дому на­шего кедровiи, дски нашя кипарисныя.