Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 14 | |
14:1 | И бысть слово Господне ко иереміи о бездождiи. |
14:2 См.: 🔗Плч. 3:6 | Рыдала Иудеа, и врата ея разрушишася, и отемнишася на земли, и вопль Иерусалима взыде. |
14:3 См.: 🔗Втор. 28:24 🔗2Цар. 13:30 | И вельможи его послаша меншихъ своихъ къ водѣ: прiидоша на кладязи и не обрѣтоша воды, и отнесоша сосуды своя тщы: постыждени суть и посрамлени, и покрыша главы своя. |
14:4 См.: 🔗Иоил. 1:11 | И дѣла земли оскудѣша, яко не бяше дождя на землю: постыждени суть земледѣлцы, покрыша главы своя. |
14:5 | И еленицы на нивѣ родиша и оставиша, яко не бѣ травы. |
14:6 См.: 🔗Иер. 12:4 | Онагри сташа на каменiихъ, браша въ себе вѣтръ яко зміеве, оскудѣша очи ихъ, яко не бѣ травы. |
14:7 См.: 🔗Иер. 3:25 | Беззаконiя наша противусташа намъ: Господи, сотвори намъ ради имене твоего, яко мнози грѣси наши предъ тобою, тебѣ согрѣшихомъ. |
14:8 См.: 🔗Иер. 17:13 🔗Иер. 50:7 | Ожиданiе Израилево, Господи, спасителю нашъ во время скорби! вскую яко пришлецъ еси на земли и яко путникъ укланяющься во виталище? |
14:9 См.: 🔗Пс. 43:24 🔗Исх. 25:10 | Еда будеши якоже человѣкъ спяй, или аки мужъ не могій спасти? ты же въ насъ еси, Господи, и имя твое призвано бысть на насъ, не забуди насъ. |
14:10 | Сiя глаголетъ Господь людемъ симъ: возлюбиша подвизати нозѣ свои и не упокоишася, и Богъ не благопоспѣши въ нихъ, нынѣ воспомянетъ беззаконiя ихъ и посѣтитъ грѣхи ихъ. |
14:11 См.: 🔗Иер. 11:14 | И рече Господь ко мнѣ: не молися о людехъ сихъ во благо: |
14:12 | егда поститися будутъ, не услышу прошенiя ихъ, и аще принесутъ всесожженiя и жертвы, не благоволю въ нихъ: яко мечемъ и гладомъ и моромъ азъ скончаю ихъ. |
14:13 | И рекохъ: сый Господи Боже, се, пророцы ихъ прорицаютъ и глаголютъ: не узрите меча, и гладъ не будетъ вамъ, но истину и миръ дамъ на земли и на мѣстѣ семъ. |
14:14 | И рече Господь ко мнѣ: лживо пророцы прорицаютъ во имя мое, не послахъ ихъ, ни заповѣдахъ имъ, ни глаголалъ есмь къ нимъ: понеже видѣнiя лжива и гаданiя и волшебства и произволы сердца своего тіи прорицаютъ вамъ. |
14:15 См.: 🔗Иер. 5:13 | Сего ради сiя глаголетъ Господь о пророцѣхъ, иже пророчествуютъ во имя мое ложная, и азъ не послахъ ихъ, иже глаголютъ: мечь и гладъ не будетъ на земли сей: смертiю лютою умрутъ и гладомъ скончаются пророцы тіи. |
14:16 См.: 🔗Иер. 16:4 | И людiе, имже тіи пророчествуютъ, будутъ извержени на путехъ Иерусалима от лица меча и глада, и не будетъ погребаяй ихъ, и жены ихъ и сынове ихъ и дщери ихъ, и излiю на нихъ злая ихъ. |
14:17 | И речеши къ нимъ слово сiе: да изведутъ очи ваши слезы день и нощь, и да не престанутъ, яко сотренiемъ великимъ сотрена [дѣва] дщерь людій моихъ и язвою злою зѣло. |
14:18 | Аще изыду на поле, и се, заклани мечемъ: и аще вниду во градъ, и се, истаявшiи гладомъ: яко пророкъ и священникъ отидоша въ землю, еяже не вѣдяху. |
14:19 См.: 🔗Пс. 73:1 🔗Иер. 8:15 | Еда отмещущь отверглъ еси Иуду, и от Сiона отступи душа твоя? вскую поразилъ еси насъ, и нѣсть намъ исцѣленiя? ждахомъ мира, и не бяху благая: времене уврачеванiя, и се, боязнь. |
14:20 См.: 🔗1Езд. 9:15 | Познахомъ, Господи, грѣхи нашя, беззаконiя отецъ нашихъ, яко согрѣшихомъ предъ тобою. |
14:21 См.: 🔗Иер. 3:17 🔗Иер. 17:12 | Престани ради имене твоего, не погуби престола славы твоея: воспомяни, не разори завѣта твоего иже съ нами. |
14:22 См.: 🔗Зах. 10:1 | Еда есть во изваянныхъ языческихъ, иже дождитъ? или небеса могутъ дати влагу свою? не ты ли еси, Господи Боже нашъ? и пождемъ тебе, Господи, ты бо сотворилъ еси вся сiя. |