Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 1 | |
1:1 | И царь давидъ бысть старъ прешедъ дни, и одѣваху его ризами [многими], и не согрѣвашеся. |
1:2 | И рѣша отроцы его ему: да поищутъ господину нашему царю дѣвицы юныя, и предстоитъ цареви, и будетъ грѣющи его, и да лежитъ съ нимъ, и согрѣется господинъ нашъ царь. |
1:3 | И искаша отроковицы добрыя от всего предѣла Израилева, и обрѣтоша Ависагу сумантяныню, и приведоша ю ко царю. |
1:4 | И бѣ отроковица добра видѣнiемъ зѣло: и бысть грѣющи царя и служаше ему: царь же не позна ея. |
1:5 См.: 🔗2Цар. 3:4 🔗1Пар. 3:2 | И Адонiа сынъ Аггиѳинъ вознесеся, глаголя: азъ имамъ царствовати. И сотвори себѣ колесницы и конники, и пятьдесятъ мужей еже ходити предъ нимъ. |
1:6 См.: 🔗2Цар. 3:4 🔗2Цар. 14:25 | И не возбрани ему отецъ его никогда, глаголя: почто сiе ты сотворилъ еси? И бѣ той красенъ зракомъ зѣло, и того роди по Авессаломѣ. |
1:7 См.: 🔗3Цар. 2:22 | И бѣша совѣти его со Иоавомъ сыномъ саруинымъ и со Авiаѳаромъ иереомъ, и помогаху вслѣдъ Адонiи. |
1:8 См.: 🔗1Пар. 23:7 | Садокъ же иерей и ванеа сынъ Иодаевъ, и наѳанъ пророкъ и семей, и рисій и сынове сильнiи давидовы не быша по Адонiи. |
1:9 | И пожре Адонiа овцы и телцы и агнцы при камени зоелеѳѣ, иже бѣ близъ источника рогиля: и призва всю братiю свою, сыны царевы, и вся мужы Иудовы, отроки царевы: |
1:10 | наѳана же пророка и ванеа и сильныхъ и соломона брата своего не зва. |
1:11 См.: 🔗2Пар. 9:29 | И рече наѳанъ ко вирсавіи матери соломони, глаголя: не слышала ли еси, яко воцарися Адонiа сынъ Аггиѳинъ, господинъ же нашъ давидъ не вѣсть: |
1:12 | нынѣ убо совѣщаю ти совѣтъ, и избавиши душу свою и душу сына твоего соломона: |
1:13 См.: 🔗Исх. 11:5 | гряди, вниди къ царю давиду и речеши къ нему, глаголющи: не ты ли, господи мой царю, клялся еси рабѣ твоей, глаголя: яко соломонъ сынъ твой имать царствовати по мнѣ, и той сядетъ на престолѣ моемъ? и что яко воцарися Адонiа? |
1:14 | и се, еще глаголющей тебѣ тамо со царемъ, и азъ вниду вслѣдъ тебе и дополню словеса твоя. |
1:15 | И вниде вирсавіа ко царю въ ложницу. И царь старъ зѣло, и Ависагъ сумантяныня бяше служащи царю. |
1:16 | И приклонися вирсавіа и поклонися цареви. И рече царь: что ти есть? |
1:17 См.: 🔗2Цар. 12:24 🔗1Пар. 28:5 | Она же рече: господи мой царю, ты клялся еси предъ Господемъ Богомъ твоимъ рабѣ твоей, глаголя: яко сынъ твой соломонъ имать царствовати по мнѣ, и той сядетъ на престолѣ моемъ: |
1:18 | и се, нынѣ Адонiа царствуетъ, ты же, господи мой царю, не вѣси: |
1:19 | и пожре телцы и агнцы и овцы во множествѣ, и созва вся сыны царевы, и Авiаѳара жерца и Иоава князя силы, соломона же раба твоего не призва: |
1:20 | ты же, господи мой царю, очи всего Израиля къ тебѣ: да возвѣстиши имъ, кто сядетъ на престолѣ господина моего царя по немъ: |
1:21 | и будетъ егда уснетъ господинъ мой царь со отцы своими, и буду азъ и сынъ мой соломонъ грѣшни. |
1:22 | И се, еще ей глаголющей съ царемъ, и наѳанъ пророкъ прiиде. |
1:23 См.: 🔗2Цар. 24:20 | И возвѣстиша царю, глаголюще се, наѳанъ пророкъ. И вниде предъ лице царево, и поклонися царю предъ лицемъ его до земли, |
1:24 | и рече наѳанъ: господи мой царю, ты ли реклъ еси: Адонiа да царствуетъ по мнѣ, и той да сядетъ на престолѣ моемъ? |
1:25 См.: 🔗1Цар. 10:24 | яко сниде днесь и закла телцы и агнцы и овцы во множествѣ, и созва вся сыны царевы и князи сильныхъ, и Авiаѳара иереа: и се, суть ядуще и пiюще предъ нимъ, и рѣша: да живетъ царь Адонiа: |
1:26 | и мене самаго раба твоего, и садока иереа, и ванеа сына Иодаева, и соломона раба твоего не зва: |
1:27 | от господина ли царя моего бысть глаголъ сей? и не сказалъ еси рабу твоему, кто сядетъ на престолѣ господина моего царя по немъ? |
1:28 | И отвѣща царь давидъ и рече: призовите ми вирсавію. И вниде [вирсавіа] предъ царя и ста предъ лицемъ его. |
1:29 См.: 🔗2Цар. 4:9 | И клятся царь и рече: живъ Господь, иже избави душу мою от всея печали: |
1:30 См.: 🔗3Цар. 3:6 🔗3Цар. 8:20 | якоже бо кляхтися предъ Господемъ Богомъ Израилевымъ, глаголя: яко соломонъ сынъ твой воцарится по мнѣ, и той сядетъ на престолѣ моемъ вмѣсто мене, яко тако сотворю ему въ днешнiй день. |
1:31 | И преклонися вирсавіа лицемъ на землю, и поклонися царю и рече: да живетъ господинъ мой царь давидъ во вѣки. |
1:32 | И рече царь давидъ: призовите мнѣ садока жерца и наѳана пророка, и ванеа сына Иодаева. И внидоша предъ царя. |
1:33 | И рече имъ царь: поимите съ собою рабы господина вашего, и всадите сына моего соломона на мска моего, и ведите его къ гiону, |
1:34 | и да помажетъ его тамо садокъ иерей и наѳанъ пророкъ въ царя надъ Израилемъ, и вострубите трубою рожаною и речете: да живетъ царь соломонъ: |
1:35 См.: 🔗1Пар. 23:1 | и изыдите вслѣдъ его, и внидетъ, и сядетъ на престолѣ моемъ, и той воцарится вмѣсто мене: и азъ заповѣдахъ, да будетъ властелинъ надъ Израилемъ и Иудою. |
1:36 См.: 🔗1Пар. 22:9 | И отвѣща ванеа сынъ Иодаевъ царю и рече: буди тако: да утвердитъ Господь Богъ глаголъ сей господина моего царя: |
1:37 | якоже бѣ Господь со господиномъ моимъ царемъ, тако да будетъ и съ соломономъ, и да возвеличитъ престолъ его паче престола господина моего царя давида. |
1:38 | И сниде садокъ иерей и наѳанъ пророкъ, и ванеа сынъ Иодаевъ, и хереѳѳи и фелеѳѳи, и всадиша соломона на мска царя давида, и возведоша его къ гiону: |
1:39 | и взя садокъ иерей рогъ съ елеемъ от скинiи, и помаза соломона, и воструби трубою рожаною, и рѣша вси людiе: да живетъ царь соломонъ. |
1:40 | И взыдоша вси людiе вслѣдъ его и ликоваша въ лицѣхъ, и веселяхуся веселiемъ великимъ, и разсѣдеся земля от гласа ихъ. |
1:41 | И слыша Адонiа и вси званнiи его, и тіи скончаша уже ядуще. И слыша Иоавъ гласъ трубы рожаны и рече: кій гласъ есть града шумяща? |
1:42 См.: 🔗2Цар. 15:27 🔗2Цар. 18:31 | И еще ему глаголющу, и се, Ионаѳанъ сынъ Авiаѳара иереа прiиде. И рече Адонiа: вниди, яко мужъ силы ты еси, и благая возвѣсти. |
1:43 | И отвѣща Ионаѳанъ и рече: извѣстно, господинъ нашъ царь давидъ постави соломона царемъ: |
1:44 См.: 🔗3Цар. 1:38 | и посла съ нимъ царь садока иереа и наѳана пророка, и ванеа сына Иодаева, и хереѳѳи и фелеѳѳи, и всадиша его на мска царева: |
1:45 | и помазаша его садокъ иерей и наѳанъ пророкъ на царство въ гiонѣ, и взыдоша оттуду веселящеся, и возшумѣ градъ: сей гласъ, егоже слышасте: |
1:46 | и сѣде соломонъ на престолѣ царстѣмъ: |
1:47 См.: 🔗Быт. 47:31 | и внидоша раби царевы благословити господина нашего царя давида, глаголюще: да ублажитъ Богъ имя соломона сына твоего паче имене твоего, и да возвеличитъ престолъ его паче престола твоего: и поклонися царь на одрѣ своемъ, |
1:48 | и сице рече царь: благословенъ Господь Богъ Израилевъ, иже даде днесь от сѣмене моего сѣдяща на престолѣ моемъ, и очи мои видятъ. |
1:49 | И ужасошася ужасомъ, и восташа вси званнiи Адониевы, и отъиде кійждо путемъ своимъ. |
1:50 См.: 🔗Исх. 27:2 | И Адонiа убояся от лица соломоня, и воста и отъиде, и ятся за рогъ олтаря. |
1:51 См.: 🔗3Цар. 2:28 | И возвѣстиша соломону, глаголюще: се, Адонiа убояся царя соломона, и держится за рогъ олтаря, глаголя: да кленетмися днесь царь соломонъ, яко не убiетъ раба своего оружiемъ. |
1:52 | И рече соломонъ: аще будетъ сынъ силы, ни власъ главы его упадетъ на землю: аще же злоба обрящется въ немъ, умретъ. |
1:53 | И посла царь соломонъ, и сведоша его со олтаря. И вниде, и поклонися царю соломону. И рече ему соломонъ: иди въ домъ свой. |