Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 12 | |
12:1 См.: 🔗1Цар. 8:7 🔗1Цар. 11:15 | И рече самуилъ ко всѣмъ мужемъ Израилевымъ: се, послушахъ гласа вашего о всѣхъ, елика ми рѣсте, и поставихъ надъ вами царя: |
12:2 См.: 🔗Чис. 27:17 | и се, нынѣ царь предходитъ предъ вами, азъ же состарѣхся и сѣдѣти буду, и сынове мои се съ вами: и азъ се, ходихъ предъ вами от юности моея и даже до днешняго дне: |
12:3 См.: 🔗Сир. 46:22 🔗Деян. 20:33 | се, азъ, отвѣщайте на мя предъ Господемъ и предъ христомъ его, еда у кого телца взяхъ, или осля, или кого от васъ насилствовахъ, или кого утѣснихъ, или от руку нѣкоего прiяхъ мзду, или обущу? извѣщайте на мя, и возвращу вамъ. |
12:4 | И рѣша къ самуилу: не обидѣлъ еси насъ, ниже насилствовалъ еси намъ, ниже утѣснилъ еси насъ, ниже взялъ еси от руки чiея что. |
12:5 | И рече самуилъ къ людемъ: свидѣтель есть Господь въ васъ, и свидѣтель христосъ его днесь въ сей день, яко ничтоже обрѣтосте въ руку моею. И рѣша людiе: свидѣтель. |
12:6 | И рече самуилъ къ людемъ, глаголя: свидѣтель Господь сотворивый Моисеа и Аарона и изведый от земли Египетскiя отцы нашя: |
12:7 | и нынѣ предстаните, и разсуждуся съ вами предъ Господемъ и возвѣщу вамъ вся оправданiя Господня, яже сотвори вамъ и отцемъ вашымъ: |
12:8 См.: 🔗Быт. 46:6 | егда вниде Иаковъ и сынове его во Египетъ, и смириша ихъ Египтяне: и возопиша отцы наши ко Господу, и посла Господь Моисеа и Аарона, и изведе отцы нашя изъ Египта и всели ихъ на мѣстѣ семъ: |
12:9 См.: 🔗Суд. 4:2 | и забыша Господа Бога своего, и вдаде я въ руцѣ Сисарѣ архистратигу Иавина царя Асорска, и въ руки иноплеменничи, и въ руки царя Моавска, и воеваша ихъ: |
12:10 | и возопиша ко Господу и рѣша: согрѣшихомъ, яко оставихомъ Господа и поработахомъ Ваалиму и дубравамъ, и нынѣ изми ны от рукъ врагъ нашихъ, и поработаемъ тебѣ: |
12:11 | и посла Господь иероваала и Варака и Иефѳая и самуила, и изъятъ вы изъ рукъ врагъ вашихъ окрестныхъ, и обитасте уповающе: |
12:12 См.: 🔗1Цар. 8:5 | и вѣсте, яко Наасъ царь сыновъ Аммонихъ прiиде на вы, и рѣсте: ни, но царь да царствуетъ надъ нами: егда Господь Богъ царствова надъ вами: |
12:13 | и се, нынѣ царь, егоже избрасте и егоже просисте: и се, даде Господь надъ вами царя: |
12:14 См.: 🔗Втор. 7:12 | аще убоитеся Господа и поработаете ему, и послушаете гласа его и не воспротивитеся устомъ Господнимъ, и будете и вы и царь царствуяй надъ вами вслѣдъ Господа ходяще: то рука Господня не будетъ на васъ: |
12:15 См.: 🔗Втор. 1:26 🔗Втор. 2:15 | аще же не послушаете гласа Господня и воспротивитеся устомъ Господнимъ, будетъ рука Господня на васъ и на царя вашего: |
12:16 | и нынѣ станите и видите глаголъ сей великiй, егоже сотворитъ Господь предъ очима вашима: |
12:17 См.: 🔗Прит. 26:1 🔗1Цар. 8:7 | нѣсть ли жатва пшеницы днесь? призову Господа, и дастъ громы и дождь, и уразумѣете и увидите, яко злоба ваша велика, юже сотвористе предъ Господемъ, испросивше себѣ царя. |
12:18 | И призва самуилъ Господа, и даде Господь громъ и дождь въ той день: и убояшася вси людiе зѣло Господа и самуила, |
12:19 См.: 🔗Исх. 20:19 | и рѣша вси людiе къ самуилу: помолися о рабѣхъ твоихъ ко Господу Богу твоему, да не умремъ: яко приложихомъ ко всѣмъ грѣхомъ нашымъ злобу, просяще себѣ царя. |
12:20 | И рече самуилъ къ людемъ: не бойтеся: вы сотвористе всю злобу сiю: токмо не уклонитеся от послѣдованiя Господня и поработайте Господу всѣмъ сердцемъ вашимъ, |
12:21 | и не преступите вслѣдъ ничтоже сущихъ, иже не пособствуютъ и не изъимутъ, яко ничтоже суть: |
12:22 | понеже не отринетъ Господь людій своихъ имене ради своего великаго, яко кротцѣ Господь прiятъ васъ себѣ въ люди: |
12:23 См.: 🔗1Цар. 7:8 🔗3Цар. 8:36 | и да никакоже ми согрѣшити Господу, оставити еже молитися о васъ ко Господу, и поработаю Господеви и покажу вамъ путь благъ и правъ, |
12:24 См.: 🔗4Цар. 17:39 | токмо бойтеся Господа и работайте ему во истинѣ и всѣмъ сердцемъ вашимъ, яко видите яже великая сотвори Господь съ вами: |
12:25 См.: 🔗Ис. 24:2 | и аще злобою зло сотворите, то вы и царь вашъ погибнете. |