Вторая книга Паралипоменон (Вторая книга Хроник, Вторая Летопись), глава 1

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 1
1:1 См.: 🔗3Цар. 2:12 🔗3Цар. 3:1	И укрѣпися соломонъ сынъ давидовъ на цар­ст­вѣ сво­емъ, и Господь Богъ его [бѣ] съ нимъ и воз­величи его въ высоту.
1:2	И рече соломонъ ко всему Израилю, тысящникомъ и сотникомъ, и судiямъ и всѣмъ началникомъ предъ Израилемъ.
1:3 См.: 🔗3Цар. 3:4 🔗1Пар. 16:39 🔗Исх. 40:18	И иде соломонъ и все множе­с­т­во въ вышнiй гаваонъ, идѣже бѣ скинiя свидѣнiя Божiя, юже сотвори Моисей рабъ Божiй въ пустыни.
1:4 См.: 🔗2Цар. 6:17	Кивотъ же Господень при­­несе давидъ от­ града карiаѳiарима на мѣсто, еже уготова ему давидъ, яко водрузи ему скинiю во Иерусалимѣ.
1:5 См.: 🔗Исх. 31:2 🔗Исх. 38:1	И олтарь мѣдянъ, егоже содѣла веселеилъ сынъ уріи сына орова, ту бѣ предъ скинiею Господнею и взыска его соломонъ и вся церковь.
1:6	Вознесе же ту соломонъ на олтари мѣдянѣмъ предъ Господемъ, иже въ скинiи свидѣнiя, и при­­несе на немъ тысящу всесожженiй.
1:7 См.: 🔗3Цар. 3:5	Въ ту нощь явися Господь соломону и рече ему: проси [что хощеши] да дамъ тебѣ.
1:8 См.: 🔗1Пар. 28:5	Рече же соломонъ къ Богу: ты сотворилъ еси съ давидомъ отцемъ мо­имъ милосердiе велико и поставилъ мя еси царя вмѣсто его:
1:9 См.: 🔗3Цар. 3:8 🔗Прем. 9:7	и нынѣ, Господи Боже, да исполнит­ся слово твое къ давиду отцу мо­ему, ты бо мене сотворилъ царя надъ людьми многими, якоже прахъ земный:
1:10 См.: 🔗3Цар. 3:12 🔗Прем. 7:7 🔗Чис. 27:17	нынѣ даждь мнѣ премудрость и разумъ, да вниду и изыду предъ людьми тво­ими сими, кто бо можетъ судити сихъ людій тво­ихъ многихъ?
1:11 См.: 🔗3Цар. 3:11	И рече Богъ къ соломону: понеже бысть сiе въ сердцы тво­емъ, и не попросилъ еси богат­ст­ва имѣнiй, ниже славы, ниже душъ противящихся тебѣ, и дній многихъ не просилъ еси, но просилъ еси себѣ премудрости и разума, да судити можеши люди моя, надъ нимиже поставихъ тя царя,
1:12 См.: 🔗3Цар. 3:13 🔗3Цар. 4:31 🔗2Пар. 9:22	премудрость и разумъ даю тебѣ, богат­ст­во же и имѣнiя и славу дамъ тебѣ, яко не бысть въ царехъ преждебыв­шихъ тебе подобенъ тебѣ, и по тебѣ такожде не будетъ.
1:13	Прiиде же соломонъ от­ вышняго гаваона во Иерусалимъ предъ скинiю свидѣнiя и цар­ст­вова надъ Израилемъ.
1:14 См.: 🔗3Цар. 10:26	И собра соломонъ колесницы и кон­ники, и быша ему тысяща и четыреста колесницъ и два­на­де­сять тысящъ кон­никъ: и остави ихъ во градѣхъ колесничныхъ, людiе же съ царемъ во Иерусалимѣ.
1:15 См.: 🔗3Цар. 10:27	И положи царь сребро и злато во Иерусалимѣ яко каменiе, кедры же во Иудеи яко черничiе, еже на поли во множе­ст­вѣ.
1:16 См.: 🔗3Цар. 10:28	Исхожденiе же коней соломоновыхъ изъ Египта цѣною купцовъ царскихъ, иже хождаху и куповаху.
1:17 См.: 🔗3Цар. 10:29	И восхождаху и при­­вождаху изъ Египта колесницу едину за шесть сотъ сребреникъ, и коня за сто и пятьдесятъ сребреникъ: такожде и от­ всѣхъ цар­ст­въ Хеттейскихъ и от­ царей сирійскихъ рукама ихъ при­­водима бываху.