Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 52 | |
52:1 См.: 🔗4Цар. 24:18 🔗2Пар. 36:11 | Сущу двадесяти и единому лѣту седекіи, внегда нача царствовати, и царствова во Иерусалимѣ единонадесять лѣтъ: и имя матери его Амиталь, дщи иереміина, о ловны. |
52:2 | И сотвори лукавое предъ очима Господнима по всему, елико творяше Иоакимъ: |
52:3 См.: 🔗4Цар. 24:20 | яко ярость Господня бысть на Иерусалимъ и на Иуду, дондеже отверже ихъ от лица своего: и отступи седекіа от царя Вавилонска. |
52:4 См.: 🔗4Цар. 25:1 🔗Иер. 39:1 | И бысть въ девятое лѣто царства его, въ десятый месяцъ, въ десятый день месяца, прiиде навуходоносоръ царь Вавилонскiй и вся сила его на Иерусалимъ, и облегоша его и сотвориша окрестъ его острогъ от четвероуголныхъ каменiй. |
52:5 | И бысть во облеженiи градъ даже до первагонадесяте лѣта царства седекіина. |
52:6 См.: 🔗4Цар. 25:3 | Месяца же четвертаго въ девятый день, утвердися гладъ во градѣ, и не бяше хлѣба людемъ земли. |
52:7 | И просѣкоша градъ, и вси мужiе воинстiи изыдоша нощiю путемъ вратъ, иже есть между двѣма стѣнама, иже бяше прямо вертограду цареву, халдее же добываху градъ окрестъ лежаще, и отидоша путемъ въ пустыню. |
52:8 См.: 🔗4Цар. 25:5 🔗Плч. 4:19 | И погна сила Халдейска вслѣдъ царя и постиже его объ ону страну иерихона, и вси отроцы его разсыпашася от него. |
52:9 См.: 🔗4Цар. 25:6 | И яша царя и приведоша и ко царю Вавилонскому въ Девлаѳъ, иже есть въ земли Емаѳъ, и глагола ему съ судомъ. |
52:10 См.: 🔗Иер. 39:6 | И изсѣче царь Вавилонскiй сыны седекіины предъ очима его, и вся князи Иудины изсѣче въ Девлаѳѣ. |
52:11 | Очи же седекіи изъятъ, и связа его оковами, и приведе его царь Вавилонскiй въ Вавилонъ и вдаде его въ домъ жерновный до дне, въ оньже умре. |
52:12 См.: 🔗4Цар. 25:8 | Въ десятый же день пятаго месяца [лѣто сiе девятоенадесять навуходоносору царю Вавилонску] прiиде навузарданъ архимагиръ, стоящь предъ лицемъ царя Вавилонска, во Иерусалимъ, |
52:13 См.: 🔗4Цар. 25:9 🔗Иер. 39:8 | и сожже храмъ Господень и домъ царевъ, и вся домы градскiя и всякъ домъ великъ сожже огнемъ, |
52:14 | и всяку стѣну Иерусалимлю окрестъ разори сила Халдейска, яже бяше сiя архимагиромъ. |
52:15 | И от убогихъ людій, и останокъ людій, и оставшихся во градѣ и избѣгшихъ, иже убѣжаша ко царю Вавилонску, и прочiй народъ пресели навузарданъ воевода: |
52:16 См.: 🔗4Цар. 25:12 | прочiихъ же остави людій убогихъ въ дѣлатели винограда и земледѣлцевъ. |
52:17 См.: 🔗2Пар. 3:15 🔗Иер. 27:19 | Столпы же мѣдяныя, иже во храмѣ Господни, и подставы, и море мѣдяное, еже во храмѣ Господни, сокрушиша халдее, и взяша мѣдь ихъ, и отнесоша въ Вавилонъ: |
52:18 См.: 🔗4Цар. 25:14 | и вѣнецъ и чашы, и вилицы и вся сосуды мѣдяныя, въ нихже служаху, |
52:19 См.: 🔗4Цар. 25:15 | и ѳимiамники и чашы, и умывалницы и свѣщники, и кадилницы и чашицы, яже бяху златая и яже бяху сребряная, взя архимагиръ. |
52:20 См.: 🔗3Цар. 7:23 | И столпа два и море едино, и телцевъ дванадесять мѣдяныхъ подъ моремъ, яже сотвори царь соломонъ во храмѣ Господни, не бѣ вѣса мѣди сосудъ тѣхъ. |
52:21 См.: 🔗3Цар. 7:15 🔗4Цар. 25:17 | Столпъ же кійждо осминадесяти лактей бѣ въ высоту, вервь же дванадесяти лактей окрестъ его обдержаше, и толстота его четырехъ перстъ окрестъ, |
52:22 | и глава на нихъ мѣдяна, пять лакотъ высота главы единыя, и мрежа, и шипки на вѣнцѣ окрестъ, все бяше мѣдяно: такожде бысть и вторый столпъ. |
52:23 | И бяше шипковъ девятьдесятъ и шесть едина страна, и бяше всѣхъ шипковъ надъ мрежею окрестъ сто. |
52:24 См.: 🔗4Цар. 25:18 | И взя архимагиръ сареа жерца старѣйшаго и жерца софонiю втораго и трiехъ стрегущихъ путь. |
52:25 | И от града взя каженика единаго, иже бѣ приставникъ людій воинскихъ, и седмь мужей нарочитыхъ, иже предъ лицемъ царевымъ обрѣтошася во градѣ, и книгочiя силъ учащаго людій земли, и шестьдесятъ мужей от людій земли, иже обрѣтошася средѣ града: |
52:26 | и взя ихъ навузарданъ архимагиръ и приведе я ко царю Вавилонску въ Девлаѳъ. |
52:27 См.: 🔗4Цар. 25:21 | И изби я царь Вавилонскiй въ Девлаѳѣ въ земли Емаѳъ: и преселенъ бысть Иуда от земли своея. |
52:28 | Сіи суть людiе, ихже пресели навуходоносоръ въ седмое лѣто, Иудеевъ три тысящы и двадесять и три: |
52:29 | во осмоенадесять лѣто навуходоносоръ изъ Иерусалима душъ осмь сотъ тридесять и двѣ пресели. |
52:30 См.: 🔗1Езд. 2:64 | Въ двадесять третiе лѣто навуходоносора пресели навузарданъ архимагиръ Иудеевъ душъ седмь сотъ и четыредесять пять, всѣхъ же душъ четыре тысящы и шесть сотъ. |
52:31 См.: 🔗4Цар. 25:27 | И бысть въ тридесять седмое лѣто преселенiя Иоакима царя Иудина, въ двадесять пятый день месяца вторагонадесять, вознесе евилмеродахъ царь Вавилонскiй въ первое лѣто царства своего главу Иоакима царя Иудина, и изведе его изъ храма, въ немже стрежашеся, и глагола ему благая: |
52:32 | и даде престолъ его выше царей, иже съ нимъ, въ Вавилонѣ, |
52:33 | и измѣни ризы его темничныя, и ядяше хлѣбъ всегда предъ лицемъ его во вся дни живота своего: |
52:34 | и урокъ ему даяшеся всегда от царя Вавилонска, даже до дне, въ оньже умре, во вся дни живота его. Конецъ книзѣ пророка иереміи: имать въ себѣ главъ 52. |