Послание апостола Павла к Галатам, глава 4

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 4
4:1	Глаголю же: въ елико время наслѣдникъ младъ есть, ничимже лучшiй есть раба, господь сый всѣхъ:
4:2	но подъ повелители и при­­ставники есть даже до нарока отча.
4:3 См.: 🔗Гал. 5:1 🔗Кол. 2:20	Такожде и мы, егда бѣхомъ млади, подъ стихіами бѣхомъ мiра порабощени:
4:4 См.: 🔗Ис. 7:14 🔗Лк. 1:31	[Зач. 209.] Егда же прiиде кончина лѣта, посла Богъ Сына Сво­его Единороднаго, Раждаемаго от­ жены, бываема подъ закономъ,
4:5 См.: 🔗Рим. 8:15	да подзакон­ныя искупитъ, да всыновленiе воспрiимемъ.
4:6	И понеже есте сынове, посла Богъ Духа Сына Сво­его въ сердца ваша, вопiюща: Авва Отче.
4:7 См.: 🔗Гал. 3:29	Тѣмже уже нѣси рабъ, но сынъ: аще ли же сынъ, и наслѣдникъ Божiй Иисусъ Христомъ.
4:8 См.: 🔗Еф. 2:12	[Зач. 210А.] Но тогда убо не вѣдуще Бога, служисте не по есте­ст­ву сущымъ богомъ:
4:9 См.: 🔗1Кор. 13:12 🔗Евр. 7:18 🔗Евр. 10:1	нынѣ же, познав­ше Бога, паче же познани быв­ше от­ Бога, како воз­вращаетеся паки на немощныя и худыя стихіи, имже паки свыше {вспять} служити хощете?
4:10 См.: 🔗Кол. 2:16	дни смотряете, и месяцы, и времена, и лѣта.
4:11	Боюся о васъ, еда како всуе трудихся въ васъ.
4:12	Будите якоже азъ, зане и азъ, якоже вы: братiе, молю вы. Ничимже мене обидѣсте:
4:13	вѣсте же, яко за немощь плоти благовѣстихъ вамъ первѣе:
4:14	и искушенiя мо­его, еже во плоти мо­ей, не уничижисте, ни оплевасте, но якоже Ангела Божiя прiясте мя, яко Христа Иисуса.
4:15	Кое убо бяше блажен­ство ва­ше? Свидѣтел­ст­вую бо вамъ, яко, аще бы было мощно, очеса ваша извертѣв­ше дали бысте ми.
4:16	Тѣмже врагъ вамъ быхъ, истину вамъ глаголя?
4:17	Ревнуютъ по васъ не добрѣ, но от­лучити васъ хотятъ, да имъ ревнуете.
4:18	Добро же, еже ревновати всегда въ добрѣмъ, и не точiю внегда при­­ходити ми къ вамъ.
4:19	Чадца моя, имиже паки болѣзную, дондеже вообразит­ся Христосъ въ васъ:
4:20	хотѣлъ же быхъ прiити къ вамъ нынѣ и измѣнити гласъ мой, яко не домышляюся о васъ.
4:21	Глаголите ми, иже подъ закономъ хощете быти: закона ли не слушаете?
4:22 См.: 🔗Быт. 16:15 🔗Быт. 21:2	[Зач. 210Б.] Писано бо есть, яко Авраамъ два сына имѣ: единаго от­ рабы, а другаго от­ свободныя.
4:23 См.: 🔗Рим. 9:8	Но иже от­ рабы, по плоти родися: а иже от­ свободныя, по обѣтованiю.
4:24 См.: 🔗Рим. 8:15	Яже суть иносказаема: сiя бо еста два завѣта: единъ убо от­ горы Синайскiя, въ работу раждаяй, иже есть Агарь:
4:25	Агарь бо, Сина гора есть во Аравіи, при­­лагает­ся же нынѣшнему Иерусалиму, работаетъ же съ чады сво­ими:
4:26 См.: 🔗Ис. 60:1 🔗Евр. 12:22 🔗Отк. 21:2	а вышнiй Иерусалимъ свободь есть, иже есть мати всѣмъ намъ.
4:27 См.: 🔗Ис. 54:1	Писано бо есть: воз­веселися, неплоды, не раждающая: расторгни и возопи, неболящая: яко многа чада пустыя паче, нежели имущiя мужа.
4:28 См.: 🔗Рим. 9:8	[Зач. 211.] Мы же, братiе, по Исааку обѣтованiя чада есмы.
4:29 См.: 🔗Быт. 21:9	Но якоже тогда по плоти родивыйся гоняше духовнаго, тако и нынѣ.
4:30 См.: 🔗Быт. 21:10	Но что глаголетъ Писанiе? Изжени рабу и сына ея, не имать бо наслѣдовати сынъ рабынинъ съ сыномъ свободныя.
4:31 См.: 🔗Гал. 3:29	Тѣмже, братiе, нѣсмы рабынина чада, но свободныя.