Язык:
Церковнослав. (дореф.)
Библия на церковнослявянском языке в дореволюционной (дореформенной) орфографии.
| |
Глава 9 | |
9:1 | Премудрость созда себѣ домъ и утверди столповъ седмь: |
9:2 | закла своя жертвенная, и раствори въ чаши своей вино, и уготова свою трапезу: |
9:3 См.: 🔗Лк. 14:16 | посла своя рабы, созывающи съ высокимъ проповѣданiемъ на чашу, глаголющи: |
9:4 См.: 🔗Мф. 11:25 🔗1Кор. 1:27 | иже есть безуменъ, да уклонится ко мнѣ. |
9:5 | И требующымъ ума рече: прiидите, ядите мой хлѣбъ и пійте вино, еже растворихъ вамъ: |
9:6 См.: 🔗Тит. 2:12 | оставите безумiе и живи будете, да во вѣки воцаритеся: и взыщите разума, да поживете и исправите разумъ въ вѣдѣнiи. |
9:7 | Наказуяй злыя прiиметъ себѣ безчестiе, обличаяй же нечестиваго порочна сотворитъ себе [обличенiя бо нечестивому раны ему]. |
9:8 См.: 🔗Прит. 15:12 🔗Мф. 7:6 | Не обличай злыхъ, да не возненавидятъ тебе: обличай премудра, и возлюбитъ тя. |
9:9 См.: 🔗Прит. 27:6 | Даждь премудрому вину, и премудрѣйшiй будетъ: сказуй праведному, и приложитъ прiимати. |
9:10 См.: 🔗Прит. 1:7 | Начало премудрости страхъ Господень, и совѣтъ святыхъ разумъ:– |
9:11 | –разумѣти бо законъ, помысла есть благаго. |
9:12 См.: 🔗Прит. 10:27 | Симъ бо образомъ многое поживеши время, и приложатся тебѣ лѣта живота твоего. |
9:13 | –Сынъ наказанъ премудръ будетъ, безумный же слугою употребится. *Иже утверждается на лжахъ, сей пасетъ вѣтры, той же поженетъ птицы парящыя:– |
9:14 | –проходитъ же сквозѣ пустыню безводную и землю опредѣленную въ жаждѣхъ, собираетъ же рукама неплодiе. |
9:15 | –остави бо пути своего винограда, въ стезяхъ же своего земледѣланiя заблуди,– |
9:16 | Сыне, аще премудръ будеши, себѣ премудръ будеши и искреннимъ твоимъ: аще же золъ будеши, единъ почерпнеши злая.– |
9:17 | Жена безумная и продерзая скудна хлѣбомъ бываетъ, яже не вѣсть стыдѣнiя, |
9:18 | сѣде при дверехъ дому своего, на столцѣ явѣ на стогнахъ, |
9:19 | призывающая мимоходящихъ и исправляющихъ пути своя: |
9:20 | иже есть от васъ безумнѣйшiй, да уклонится ко мнѣ: и лишеннымъ разума повелѣваю, глаголющи: |
9:21 См.: 🔗Прит. 20:17 🔗Сир. 23:23 | хлѣбомъ сокровеннымъ въ сладость прикоснитеся и воду татьбы сладкую пійте. |
9:22 См.: 🔗Прит. 7:27 | Онъ же не вѣсть, яко земнороднiи у нея погибаютъ и во днѣ ада обрѣтаются.– |
9:23 | –Но отскочи, не замедли на мѣстѣ ея, ниже настави ока своего къ ней:– |
9:24 | –тако бо пройдеши воду чуждую и прейдеши рѣку чуждую:– |
9:25 | –от воды же чуждія ошайся и от источника чуждаго не пій,– |
9:26 | –да многое время поживеши, и приложатся тебѣ лѣта живота. |