Первое послание апостола Павла к Тимофею, глава 2

	Язык: Церковнослав. (дореф.) Церковнослав. (гражд.) Церковнослав. (цс.) Рус. (Синодальный) Рус. (еп. Кассиан) Беларускi Українська English (NKJV) English (KJV) Srpski Библия на церковно­слявянском языке в дореволюционной (дореформенной) орфографии.
	Глава 2
2:1	[Зач. 282.] Молю убо прежде всѣхъ творити молитвы, моленiя, прошенiя, благодаренiя за вся человѣки,
2:2 См.: 🔗Иер. 29:7	за царя и за всѣхъ, иже во власти суть, да тихое и безмолвное житiе поживемъ во всяцѣмъ благо­честiи и чистотѣ:
2:3	сiе бо добро и прiятно предъ Спасителемъ нашимъ Богомъ,
2:4 См.: 🔗Иез. 18:32 🔗Иез. 33:11 🔗2Пет. 3:9	Иже всѣмъ человѣкомъ хощетъ спастися и въ разумъ истины прiити.
2:5	Единъ бо есть Богъ, и единъ ходатай Бога и человѣковъ, человѣкъ Христосъ Иисусъ,
2:6 См.: 🔗Мф. 20:28 🔗Гал. 1:4	давый Себе избавленiе за всѣхъ: свидѣтел­ст­во времены сво­ими,
2:7 См.: 🔗Деян. 22:21 🔗2Тим. 1:11	въ неже поставленъ быхъ азъ проповѣдникъ и апостолъ, истину глаголю о Христѣ, не лгу, учитель языковъ въ вѣрѣ и истинѣ.
2:8 См.: 🔗Мф. 6:14 🔗Иак. 1:6	Хощу убо, да молитвы творятъ мужiе на всяцѣмъ мѣстѣ, воз­дѣюще преподобныя руки безъ гнѣва и размышленiя:
2:9 См.: 🔗1Пет. 3:3	такожде и жены во украшенiи лѣпотнѣмъ, со стыдѣнiемъ и цѣломудрiемъ да украшаютъ себе не въ плетенiихъ, ни златомъ, или бисерми, или ризами многоцѣн­ными,
2:10	но, еже подобаетъ женамъ обѣщавающымся благо­честiю, дѣлы благими.
2:11 См.: 🔗Быт. 3:16	Жена въ безмолвiи да учит­ся со всякимъ покоренiемъ:
2:12 См.: 🔗1Кор. 14:34	женѣ же учити не повелѣваю, ниже владѣти мужемъ, но быти въ безмолвiи.
2:13 См.: 🔗Быт. 1:27	Адамъ бо прежде созданъ бысть, потомъ же Ева:
2:14 См.: 🔗Быт. 3:6	и Адамъ не прельстися, жена же прельстив­шися, въ преступленiи бысть:
2:15	спасет­ся же чадородiя ради {чрезъ чадородiе}, аще пребудетъ въ вѣрѣ и любви и во святыни съ цѣломудрiемъ.